ਬਾਲੀਵੁਡ ਅਦਾਕਾਰਾ ਸੋਨਮ ਕਪੂਰ ਤੋਂ ਬਾਅਦ ਹੁਣ ਨੇਹਾ ਧੂਪੀਆ ਵੀ ਵਿਆਹ ਦੇ ਬੰਧਨ 'ਚ ਬਝ ਗਈ ਹੈ। ਅਦਾਕਾਰਾ ਨੇ ਅਚਾਨਕ ਵਿਆਹ ਦੀ ਖ਼ਬਰ ਦੇ ਕੇ ਸੱਭ ਨੂੰ ਹੈਰਾਨ ਕਰ ਦਿਤਾ...
ਨਵੀਂ ਦਿੱਲੀ : ਬਾਲੀਵੁਡ ਅਦਾਕਾਰਾ ਸੋਨਮ ਕਪੂਰ ਤੋਂ ਬਾਅਦ ਹੁਣ ਨੇਹਾ ਧੂਪੀਆ ਵੀ ਵਿਆਹ ਦੇ ਬੰਧਨ 'ਚ ਬਝ ਗਈ ਹੈ। ਅਦਾਕਾਰਾ ਨੇ ਅਚਾਨਕ ਵਿਆਹ ਦੀ ਖ਼ਬਰ ਦੇ ਕੇ ਸੱਭ ਨੂੰ ਹੈਰਾਨ ਕਰ ਦਿਤਾ। 37 ਸਾਲ ਦੀ ਅਦਾਕਾਰਾ ਨੇਹਾ ਧੂਪਿਆ ਨੇ ਅਪਣੀ ਉਮਰ ਤੋਂ ਦੋ ਸਾਲ ਛੋਟੇ ਅਦਾਕਾਰ ਅੰਗਦ ਬੇਦੀ ਨਾਲ ਪੰਜਾਬੀ ਰੀਤ - ਰਿਵਾਜ਼ ਮੁਤਾਬਕ ਅੱਜ ਵਿਆਹ ਕੀਤਾ ਹੈ।
Neha Dhupia Angad Bedi
ਆਨੰਦ ਕਾਰਜ ਦੀਆਂ ਰਸਮਾਂ ਦਿੱਲੀ ਵਿਚ ਹੋਈਆਂ। ਨੇਹਾ ਧੂਪੀਆ ਫ਼ਿਲਮਾਂ ਅਤੇ ਟੀਵੀ ਦਾ ਮਸ਼ਹੂਰ ਚਿਹਰਾ ਹੈ, ਅਚਾਨਕ ਆਈ ਉਨ੍ਹਾਂ ਦੀ ਵਿਆਹ ਦੀ ਖ਼ਬਰ ਨਾਲ ਬੇਸ਼ੱਕ ਫੈਨ ਵੀ ਹੈਰਾਨ ਰਹਿ ਗਏ ਹੋਣਗੇ। ਸੋਸ਼ਲ ਮੀਡੀਆ 'ਤੇ ਖੁਸ਼ਖਬਰੀ ਦਿੰਦੇ ਹੋਏ ਨੇਹਾ ਨੇ ਕਿਹਾ ਕਿ ਉਨ੍ਹਾਂ ਨੇ ਅਪਣੇ ਨਜ਼ਦੀਕੀ ਮਿੱਤਰ ਨਾਲ ਵਿਆਹ ਕਰ ਲਿਆ ਹੈ ਅਤੇ ਇਹ ਉਨ੍ਹਾਂ ਦੀ ਜ਼ਿੰਦਗੀ ਦਾ ਸੱਭ ਤੋਂ ਵਧੀਆ ਫ਼ੈਸਲਾ ਹੈ।
Neha Dhupia Angad Bedi
ਉਥੇ ਹੀ ਅੰਗਦ ਨੇ ਵੀ ਨੇਹਾ ਨਾਲ ਵਿਆਹ ਦੀ ਤਸਵੀਰ ਜਾਰੀ ਕਰ ਉਨ੍ਹਾਂ ਨੂੰ ਅਪਣੀ ਪਤਨੀ ਦਸਿਆ ਹੈ। ਨੇਹਾ ਨੇ ਹਲਕੇ ਗੁਲਾਬੀ ਰੰਗ ਦਾ ਲਹਿੰਗਾ ਪਾਇਆ ਹੋਇਆ ਸੀ ਜਿਸ 'ਚ ਉਹ ਬਹੁਤ ਖ਼ੂਬਸੂਰਤ ਲਗ ਰਹੀ ਸੀ। ਉਥੇ ਹੀ ਅੰਗਦ ਬੇਦੀ ਨੇ ਚਿੱਟੇ ਰੰਗ ਦੀ ਸ਼ੇਰਵਾਨੀ ਪਾਈ ਹੋਈ ਸੀ।
