Advertisement

ਚੌਕੀਦਾਰੀ ਕਰਨ ਲਈ ਮਜਬੂਰ ਸਵੀ ਸਿੱਧੂ ਨੂੰ ਮਿੱਕਾ ਸਿੰਘ ਨੇ ਦਿੱਤਾ ਕੰਮ

ਸਪੋਕਸਮੈਨ ਸਮਾਚਾਰ ਸੇਵਾ
Published Mar 27, 2019, 4:53 pm IST
Updated Mar 27, 2019, 4:53 pm IST
ਮਿੱਕਾ ਸਿੰਘ ਨੇ ਸਵੀ ਨੂੰ ਆਪਣੀ ਨਵੀਂ ਆਉਣ ਵਾਲੀ ਫ਼ਿਲਮ 'ਆਦਤ' ਵਿੱਚ ਰੋਲ ਦਿੱਤਾ
Mika Singh offers Savi Sidhu role in upcoming production, Aadat
 Mika Singh offers Savi Sidhu role in upcoming production, Aadat

ਮੁੰਬਈ : 'ਬਲੈਕ ਫ੍ਰਾਈਡੇ', 'ਗੁਲਾਲ' ਅਤੇ 'ਪਟਿਆਲਾ ਹਾਊਸ' ਜਿਹੀ ਬਾਲੀਵੁਡ ਫ਼ਿਲਮਾਂ 'ਚ ਨਜ਼ਰ ਆ ਚੁੱਕੇ ਸਵੀ ਸਿੱਧੂ ਦੀ ਆਰਥਕ ਹਾਲਤ ਇੰਨੀ ਮਾੜੀ ਹੋ ਚੁੱਕੀ ਹੈ ਕਿ ਉਨ੍ਹਾਂ ਨੂੰ ਚੌਕੀਦਾਰ ਦੀ ਨੌਕਰੀ ਕਰਨੀ ਪੈ ਰਹੀ ਹੈ। ਉਨ੍ਹਾਂ ਦੀ ਹਾਲਤ ਵੇਖ ਕੇ ਕਈ ਬਾਲੀਵੁਡ ਕਲਾਕਾਰਾਂ ਨੇ ਹੈਰਾਨੀ ਪ੍ਰਗਟਾਈ ਸੀ। ਹੁਣ ਗਾਇਕ ਮਿੱਕਾ ਸਿੰਘ ਸਵੀ ਸਿੱਧੂ ਦੀ ਮਦਦ ਲਈ ਅੱਗੇ ਆਏ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਮਿੱਕਾ ਨੇ ਸਵੀ ਨੂੰ ਆਪਣੀ ਨਵੀਂ ਆਉਣ ਵਾਲੀ ਫ਼ਿਲਮ 'ਆਦਤ' ਵਿੱਚ ਰੋਲ ਆਫ਼ਰ ਕੀਤਾ ਹੈ।

ਜ਼ਿਕਰਯੋਗ ਹੈ ਕਿ ਇਸ ਫ਼ਿਲਮ 'ਚ ਬਿਪਾਸ਼ਾ ਬਸੁ ਅਤੇ ਕਰਨ ਸਿੰਘ ਗ੍ਰੋਵਰ ਲੀਡ ਰੋਲ 'ਚ ਹਨ। ਮਿੱਕਾ ਸਿੰਘ ਇਸ ਫ਼ਿਲਮ ਦੇ ਪ੍ਰੋਡੀਊਸਰ ਹਨ। ਮਾਂ-ਪਿਓ, ਸੱਸ-ਸਹੁਰੇ ਅਤੇ ਪਤਨੀ ਦੀ ਮੌਤ ਤੋਂ ਬਾਅਦ ਸਵੀ ਸਿੱਧੂ ਇਕੱਲੇ ਰਹਿ ਗਏ ਸਨ ਅਤੇ ਪੈਸਿਆਂ ਦੀ ਤੰਗੀ ਆ ਗਈ ਸੀ, ਜਿਸ ਕਾਰਨ ਉਨ੍ਹਾਂ ਨੂੰ ਚੌਕੀਦਾਰ ਬਣਨਾ ਪਿਆ ਸੀ। ਮਿੱਕਾ ਸਿੰਘ ਨੇ ਸੋਸ਼ਲ ਮੀਡੀਆ 'ਤੇ ਸਵੀ ਨੂੰ ਵੇਖਿਆ ਅਤੇ ਹੈਰਾਨ ਰਹਿ ਗਏ। ਜਿਸ ਤੋਂ ਬਾਅਦ ਮਿੱਕਾ ਨੇ ਸਿੱਧੂ ਲਈ ਕਾਰ ਭੇਜੀ ਅਤੇ ਉਨ੍ਹਾਂ ਨੂੰ ਆਪਣੇ ਘਰ ਲੈ ਆਏ। ਮਿੱਕਾ ਨੇ ਸਿੱਧੂ ਨੂੰ ਖਾਣਾ ਅਤੇ ਨਵੇਂ ਕਪੜੇ ਦਿੱਤੇ। 


ਇਸ ਤੋਂ ਬਾਅਦ ਮਿੱਕਾ ਨੇ ਇਕ ਵੀਡੀਓ ਜਾਰੀ ਕੀਤੀ, ਜਿਸ 'ਚ ਸਵੀ ਸਿੱਧੂ ਭਾਵੁਕ ਹੁੰਦੇ ਕਹਿ ਰਹੇ ਹਨ - "ਮਿੱਕਾ ਭਾਅ ਜੀ ਨੇ ਮੇਰੀ ਮਦਦ ਕੀਤੀ, ਜ਼ਿੰਦਗੀ ਭਰ ਮੈਂ ਉਨ੍ਹਾਂ ਨਾਲ ਰਹਾਂਗਾ।"

Advertisement
Advertisement
Advertisement

 

Advertisement