ਅਦਾਕਾਰ ਅਨੁਪਮ ਖੇਰ ਅਪਣੀ ਅਗਲੀ ਫ਼ਿਲਮ ‘ਦ ਐਕਸੀਡੈਂਟਲ ਪ੍ਰਾਈਮ ਮਿਨਿਸਟਰ’ ਦਾ ਟ੍ਰੇਲਰ......
ਮੁੰਬਈ (ਭਾਸ਼ਾ): ਅਦਾਕਾਰ ਅਨੁਪਮ ਖੇਰ ਅਪਣੀ ਅਗਲੀ ਫ਼ਿਲਮ ‘ਦ ਐਕਸੀਡੈਂਟਲ ਪ੍ਰਾਈਮ ਮਿਨਿਸਟਰ’ ਦਾ ਟ੍ਰੇਲਰ ਲਾਂਚ ਨੂੰ ਲੈ ਕੇ ਕਾਫ਼ੀ ਉਤਸ਼ਾਹਿਤ ਹਨ। ਫ਼ਿਲਮ ਵਿਚ ਉਹ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦੀ ਭੂਮਿਕਾ ਵਿਚ ਨਜ਼ਰ ਆਉਣਗੇ। ਉਨ੍ਹਾਂ ਨੇ ਬੁੱਧਵਾਰ ਨੂੰ ਟਵੀਟ ਕਰਕੇ ਇਸ ਦੀ ਜਾਣਕਾਰੀ ਦਿਤੀ ਕਿ ਫ਼ਿਲਮ ਦਾ ਟ੍ਰੇਲਰ ਵੀਰਵਾਰ ਨੂੰ ਰਿਲੀਜ਼ ਹੋਵੇਗਾ। ਅਨੁਪਮ ਨੇ ਟਵਿਟਰ ਉਤੇ ਪੋਸਟ ਕੀਤਾ, ਦੋਸਤੋ ਇੰਤਜਾਰ ਖਤਮ ਹੋਇਆ!
Friends!! The wait is over!!! You will be happy to know that the Trailer of ‘The Accidental Prime Minister’ is coming to all of you, tomorrow, 27th December. ? pic.twitter.com/BO2MlTAQuJ
— Anupam Kher (@AnupamPKher) December 26, 2018
ਤੁਹਾਨੂੰ ਇਹ ਜਾਣ ਕੇ ਖੁਸ਼ੀ ਹੋਵੇਗੀ ਕਿ ‘ਦ ਐਕਸੀਡੈਂਟਲ ਪ੍ਰਾਈਮ ਮਿਨਿਸਟਰ’ ਦਾ ਟ੍ਰੇਲਰ ਤੁਹਾਡੇ ਸਾਰਿਆਂ ਦੇ ਸਾਹਮਣੇ ਕੱਲ ਨੂੰ ਆ ਰਿਹਾ ਹੈ। ਉਨ੍ਹਾਂ ਨੇ ਪੋਸਟ ਦੇ ਨਾਲ ਇਕ ਖਾਸ ਵੀਡੀਓ ਵੀ ਸ਼ੇਅਰ ਕੀਤੀ। ਇਸ ਵੀਡੀਓ ਵਿਚ ਉਹ ਮਨਮੋਹਨ ਸਿੰਘ ਦੇ ਅੰਦਾਜ਼ ਵਿਚ ਬੋਲਦੇ ਨਜ਼ਰ ਆ ਰਹੇ ਹਨ। ਇਹ ਫ਼ਿਲਮ ਮਨਮੋਹਨ ਸਿੰਘ ਦੇ ਸਾਬਕਾ ਮੀਡੀਆ ਸਲਾਹਕਾਰ ਸੰਜੈ ਬਾਰੂ ਦੀ ਕਿਤਾਬ ਉਤੇ ਆਧਾਰਿਤ ਹੈ। ਫ਼ਿਲਮ ਅਕਸ਼ੈ ਖੰਨਾ ਬਾਰੂ ਦੇ ਕਿਰਦਾਰ ਵਿਚ ਹੈ ਅਤੇ ਦਿਵਿਆ ਸੇਠ ਸ਼ਾਹ ਫ਼ਿਲਮ ਵਿਚ ਮਨਮੋਹਨ ਸਿੰਘ ਦੀ ਪਤਨੀ ਗੁਰਸ਼ਰਨ ਕੌਰ ਦੀ ਭੂਮਿਕਾ ਵਿਚ ਨਜ਼ਰ ਆਉਣਗੇ। ਫ਼ਿਲਮ ਦਾ ਨਿਰਦੇਸ਼ਕ ਨਵੋਦਤ ਵਿਜੇ ਰਤਨਾਕਰ ਗੁੱਟੇ ਨੇ ਕੀਤਾ ਹੈ।
The Accidental Prime Minister
ਹੰਸਲ ਮਹਿਤਾ ਇਸ ਦੇ ਕਰੀਐਟਿਵ ਪ੍ਰੋਡਿਊਸਰ ਹਨ। ਬੀਤੇ ਦਿਨੀਂ ਅਨੁਪਮ ਟਵਿਟਰ ਉਤੇ ਅਪਣੇ ਸਰੋਤਿਆਂ ਦੇ ਸਵਾਲ ਦਾ ਜਵਾਬ ਦੇ ਰਹੇ ਸਨ। ਉਦੋਂ ਉਨ੍ਹਾਂ ਨੇ ਦੱਸਿਆ ਕਿ ਮਨਮੋਹਨ ਸਿੰਘ ਦੇ ਕਿਰਦਾਰ ਨੂੰ ਲੈ ਕੇ ਉਹ ਉਲਝਣ ਵਿਚ ਸਨ। ਉਨ੍ਹਾਂ ਨੇ ਕਿਹਾ, ‘ਦ ਐਕਸੀਡੈਂਟਲ ਪ੍ਰਾਈਮ ਮਿਨਿਸਟਰ’ ਵਿਚ ਸਾਬਕਾ ਭਾਰਤੀ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦਾ ਕਿਰਦਾਰ ਮਿਲਣ ਉਤੇ ਮੈਨੂੰ ਮਿਲੀ-ਜੁਲੀਆਂ ਭਾਵਨਾਵਾਂ ਦਾ ਅਹਿਸਾਸ ਹੋਇਆ ਸੀ। ਸ਼ੁਰੂ ਵਿਚ ਮੈਂ ਖੁਸ਼ੀ ਅਤੇ ਉਲਝਣ ਵਿਚ ਸੀ। ਪਰ ਜਦੋਂ ਮੈਂ ਕਹਾਣੀ ਪੜ੍ਹੀ ਤਾਂ ਇਸ ਨੇ ਮੇਰੇ ਦਿਮਾਗ ਨੂੰ ਹਿਲਾ ਕੇ ਰੱਖ ਦਿਤਾ। ਇਸ ਨੇ ਮੇਰੇ ਅੰਦਰ ਦੇ ਅਦਾਕਾਰ ਨੂੰ ਚੁਣੌਤੀ ਦਿਤੀ।
