ਬੱਬੂ ਮਾਨ ਇਕ ਅਜਿਹੇ ਕਲਾਕਾਰ ਹਨ ਜਿਨ੍ਹਾ ਨੂੰ ਸਾਰੀਆਂ ਦੁਨੀਆਂ ਬੇਹੱਦ ਪਿਆਰ ਕਰਦੀ ਹੈ, ਇਥੋਂ ਤੱਕ ਕਿ ਸਾਰੇ ਗਾਇਕ ਵੀ ਉਹਨਾਂ ਦੇ...
ਚੰਡੀਗੜ੍ਹ (ਪੀਟੀਆਈ) : ਬੱਬੂ ਮਾਨ ਇਕ ਅਜਿਹੇ ਕਲਾਕਾਰ ਹਨ ਜਿਨ੍ਹਾ ਨੂੰ ਸਾਰੀਆਂ ਦੁਨੀਆਂ ਬੇਹੱਦ ਪਿਆਰ ਕਰਦੀ ਹੈ, ਇਥੋਂ ਤੱਕ ਕਿ ਸਾਰੇ ਗਾਇਕ ਵੀ ਉਹਨਾਂ ਦੇ ਫੈਨ ਹਨ। ਬੱਬੂ ਮਾਨ ਗਰੀਬਾਂ ਅਤੇ ਬੇਸਹਾਰਾ ਬੱਚਿਆ, ਔਰਤਾਂ, ਹੋਰ ਵੀ ਕਾਫ਼ੀਆਂ ਦੀ ਆਰਥਿਕ ਮੱਦਦ ਵਜੋਂ ਵੀ ਜਾਣੇ ਜਾਂਦੇ ਹਨ। ਬੱਬੂ ਮਾਨ ਦੀ ਆਉਣ ਵਾਲੀ ਪੰਜਾਬੀ ਫਿਲਮ 'ਬਣਜਾਰਾ ਦਾ ਟਰੱਕ ਡਰਾਈਵਰ' ਦਾ ਗਾਣਾ ਰਿਲੀਜ਼ ਹੋ ਗਿਆ ਹੈ । ‘ਟਰਾਲਾ-2’ ਟਾਈਟਲ ਹੇਠ ਜਾਰੀ ਇਸ ਗਾਣੇ ਵਿਚ ਟਰੱਕ ਡਰਾਈਵਰਾਂ ਦੀ ਹੀ ਗੱਲ ਕੀਤੀ ਗਈ ਹੈ ਤੇ ਜੱਟਾਂ ਦੇ ਮੁੰਡਿਆਂ ਦੇ ਸ਼ੌਂਕ ਨੂੰ ਬਿਆਨ ਕੀਤਾ ਗਿਆ ਹੈ । ਇਸ ਗਾਣੇ ਦੇ ਬੋਲ ਹਰਵਾਰ ਦੀ ਤਰ੍ਹਾਂ ਖੁਦ ਬੱਬੂ ਮਾਨ ਨੇ ਲਿਖੇ ਨੇ ਤੇ ਇਸ ਦਾ ਮਿਉਜ਼ਿਕ ਵੀ ਉਹਨਾਂ ਨੇ ਹੀ ਖੁਦ ਬਣਾਇਆ ਹੈ ।
ਇਸ ਗਾਣੇ ਦੇ ਫਿਲਮਾਂਕਣ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਨੂੰ ਵਿਦੇਸ਼ੀ ਧਰਤੀ ‘ਤੇ ਫਿਲਮਾਇਆ ਗਿਆ ਹੈ । ਇਸ ਗਾਣੇ ਦਾ ਨਿਰਦੇਸ਼ਨ ਮੁਸ਼ਤਾਕ ਪਾਸ਼ਾ ਨੇ ਕੀਤਾ ਹੈ । ਗਾਣੇ ਦੇ ਦੇ ਬੋਲਾਂ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਦੇ ਬੋਲ ਹਨ ‘ਲੈ ਲਿਆ ਟਰਾਲਾ 36 ਟਾਈਰਾ ਨੀ, ਸੜਕਾਂ ‘ਤੇ ਜਾਵੇ ਨਾਂਗ ਵਾਂਗੂ ਮੇਲਦਾ’ । ਇਸ ਗਾਣੇ ਨੂੰ ਬੱਬੂ ਮਾਣ ਦੇ ਪ੍ਰਸ਼ੰਸਕਾਂ ਵੱਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ ।
ਗਾਣੇ ਦੇ ਜਾਰੀ ਹੁੰਦੇ ਹੀ ਇਸ ਨੂੰ ਦੇਖਣ ਤੇ ਸੁਣਨ ਵਾਲਿਆਂ ਦੀ ਗਿਣਤੀ ਲੱਖਾਂ ਵਿਚ ਪਹੁੰਚ ਗਈ ਹੈ । ‘ਬਣਜਾਰਾ ਦਾ ਟਰੱਕ ਡਰਾਇਵਰ’ ਫਿਲਮ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਫਿਲਮ ਨੂੰ ਬੱਬੂ ਮਾਨ ਅਤੇ ਰਾਣਾ ਆਹਲੁਵਾਲੀਆ ਮਿਲਕੇ ਬਣਾ ਰਹੇ ਹਨ । ਇਸ ਫਿਲਮ ਵਿਚ ਮੁੱਖ ਭੂਮਿਕਾ ਵਿਚ ਬੱਬੂ ਮਾਨ ਤੇ ਸ਼ਰਧਾ ਆਰੀਆ ਦਿਖਾਈ ਦੇਣਗੇ , ਇਸ ਤੋਂ ਇਲਾਵਾ ਰਾਣਾ ਰਣਬੀਰ ਵੀ ਆਪਣੀ ਅਦਾਕਾਰੀ ਨਾਲ ਲੋਕਾਂ ਦਾ ਮਨ ਮੋਹਣਗੇ । ਇਹ ਫਿਲਮ 7 ਦਸੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ
