ਭਾਰਤ ਹਮੇਸ਼ਾ ਤੋਂ ਅਜਾਦੀ ਸੈਨਾਨੀਆਂ ਦੀ ਧਰਤੀ ਰਿਹਾ ਹੈ ਅਤੇ ਸਾਡੀ ਫਿਲਮ ਜਗਤ ਦੇ ਲੋਕ ਕੋਈ ਮੌਕਾ ਨਹੀਂ ਛੱਡਦੇ ਇਹਨਾਂ ਵੀਰਾਂ ਦੀ ਬਹਾਦੁਰੀ
ਭਾਰਤ ਹਮੇਸ਼ਾ ਤੋਂ ਅਜਾਦੀ ਸੈਨਾਨੀਆਂ ਦੀ ਧਰਤੀ ਰਿਹਾ ਹੈ ਅਤੇ ਸਾਡੀ ਫਿਲਮ ਜਗਤ ਦੇ ਲੋਕ ਕੋਈ ਮੌਕਾ ਨਹੀਂ ਛੱਡਦੇ ਇਹਨਾਂ ਵੀਰਾਂ ਦੀ ਬਹਾਦੁਰੀ ਅਤੇ ਬਲੀਦਾਨ ਦੀ ਕਹਾਣੀ ਦਰਸ਼ਕਾਂ ਤੱਕ ਪਹੁੰਚਾਉਣ ਦਾ ਅਤੇ ਇਸ ਵਾਰ ਇਤਿਹਾਸਕ ਫਿਲਮ 'ਦਾ ਬਲੈਕ ਪ੍ਰਿੰਸ‘ ਦੀ ਇੰਟਰਨੈਸ਼ਨਲ ਅਪਾਰ ਸਫਲਤਾ ਤੋਂ ਬਾਅਦ ਹੁਣ ਵਿਸ਼ਵ ਪ੍ਰਸਿੱਧ ਨਿਰਦੇਸ਼ਕ ਕਵੀ ਰਾਜ਼ ਭਾਰਤ ਦੀ ਆਜ਼ਾਦੀ ਦੇ ਇਤਿਹਾਸ ਦੇ ਪੰਨਿਆਂ ਤੋਂ ਕ੍ਰਾਂਤੀਕਾਰੀ ਕਰਤਾਰ ਸਿੰਘ ਸਰਾਭਾ ਨਾਲ ਜੁੜੀ 'ਸਰਾਭਾ – ਕ੍ਰਾਈ ਫਾੱਰ ਫ੍ਰੀਡਮ' ਨਾਂਅ ਦੀ ਫਿਲਮ ਦਰਸ਼ਕਾਂ ਦੇ ਸਨਮੁੱਖ ਪੇਸ਼ ਕਰਨਗੇ।
Director Kavi Raz
ਇਸ ਫਿਲਮ ਨੂੰ ਪ੍ਰੋਡੂਸਰ ਕੀਤਾ ਹੈ ਕੁਲਦੀਪ ਸ਼ਰਮਾ, ਸਰਬਜੀਤ ਹੁੰਦਲ ਅਤੇ ਜਤਿੰਦਰ ਜੈ ਮਿਨਹਾਸ ਨੇ। 'ਸਰਾਭਾ – ਕ੍ਰਾਈ ਫਾੱਰ ਫ੍ਰੀਡਮ' ਇਹ ਫਿਲਮ ਸੱਚੀ ਘਟਨਾ ਤੇ ਆਧਾਰਤ ਹੈ ਜੋ ਕਿ ਦੇਸ਼ ਨੂੰ ਅੰਗਰੇਜਾਂ ਦੀ ਜਕੜੀ ਗੁਲਾਮੀ ਤੋਂ ਛੁਡ਼ਾਉਣ ਦੀ ਯਾਤਰਾ ਦਾ ਬਿਓਰਾ ਪੇਸ਼ ਕਰੇਗੀ। ਇਸ ਫਿਲਮ ਦਾ ਮੁੱਖ ਹਿੱਸਾ ਅਮਰੀਕਾ, ਕਨੇਡਾ, ਯੂ ਕੇ, ਫਿਲਿਪਿੰਸ ਅਤੇ ਭਾਰਤ ਵਿੱਚ ਫਿਲਮਾਇਆ ਜਾਵੇਗਾ। ਫਿਲਮ ਵਿਚ ਗ਼ਦਰ ਲਹਿਰ ਨੂੰ ਵੀ ਬਾਖੂਬੀ ਪੇਸ਼ ਕੀਤਾ ਗਿਆ ਹੈ ਜਿਸ ਦੀਆਂ ਜੜਾਂ 18ਵੀਂ ਤੋਂ 19ਵੀਂ ਸਦੀ ਵਿੱਚ ਉਤਰੀ ਅਮਰੀਕਾ ਵਿੱਚ ਸਨ।
Sarabha
ਇਹ ਉਸ ਦੌਰਾਨ ਦਾ ਬਿਓਰਾ ਹੈ ਜਦ ਬਿਹਤਰ ਜੀਵਨ ਦੀ ਆਸ ਵਿਚ ਅੰਗਰੇਜਾਂ ਦੇ ਅਤਿਆਚਾਰ ਅਤੇ ਕਿਸਾਨਾਂ ਤੇ ਜਬਰਨ ਟੈਕਸ ਵਸੂਲੀ ਨੇ ਪੰਜਾਬ ਦੇ ਪੰਜਾਬੀ ਸਮਾਜ ਨੂੰ ਮਜਬੂਰਨ ਅਮਰੀਕਾ ਵੱਲ ਰੁੱਖ ਕਰਨਾ ਪਿਆ ਸੀ। ਇਸ ਅੰਦੋਲਨ ਦੇ ਪਰਵਾਨ ਚੜਨ ਦੇ ਬਾਅਦ 8700 ਤੋਂ ਵੀ ਵੱਧ ਲੋਕਾਂ ਨੇ ਹਥਿਆਰਾਂ ਨਾਲ ਲੇਸ ਸਮੁੰਦਰੀ ਜਹਾਜ ਵਿਚ ਬਹਿ ਕੇ ਸਵਦੇਸ਼ ਦਾ ਰੁੱਖ ਕੀਤਾ ਅਤੇ ਬਗਾਵਤ ਦਾ ਬਗੁਲ ਵਜਾ ਦਿਤਾ। ਇਸੇ ਭਾਵਨਾ ਦੀ ਅੱਗ ਵਿਚ ਇਕ ਚਿੰਗਾਰੀ ਬਰਕਲੈ ਯੂਨੀਵਰਸਿਟੀ ਵਿਚ ਪੜ੍ਹ ਰਹੇ ਵਿਦਿਆਰਥੀ ਕਰਤਾਰ ਸਿੰਘ ਸਰਾਭਾ ਵਿੱਚ ਵੀ ਫੁੱਟੀ।
The Black Prince
ਭਾਵੇਂ ਜਾਸੂਸਾਂ ਦੀਆਂ ਜਾਣਕਾਰੀਆਂ ਨਾਲ ਇਸ ਬਗਾਵਤ ਨੂੰ ਅੰਗਰੇਜਾਂ ਦੁਆਰਾ ਦਬਾ ਦਿੱਤਾ ਗਿਆ ਪਰ ਆਜ਼ਾਦੀ ਦੇ ਪਰਵਾਨਿਆਂ ਖਾਸ ਕਰ ਪੰਜਾਬੀਆਂ ਵਿੱਚ ਦੇਸ਼ ਨੂੰ ਆਜ਼ਾਦ ਕਰਨ ਦੀ ਲਲਕ ਜਿੰਦਾ ਸੀ । ਕਈ ਕ੍ਰਾਂਤੀਕਾਰੀਆਂ ਦੇ ਨਾਲ ਕਰਤਾਰ ਸਿੰਘ ਸਰਾਭਾ ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ ਅਤੇ ਲਾਹੌਰ ਸੈਂਟ੍ਰਲ਼ ਜੇਲ ਵਿਚ ਫਾਂਸੀ ਦੀ ਸਜਾ ਦੇ ਦਿਤੀ ਗਈ । ਉਹ ਉਸ ਸਮੇਂ ਸਿਰਫ 19 ਸਾਲ ਦੇ ਸਨ। ਕਵੀਰਾਜ਼ ਕਈ ਐਵਾਰਡਸ ਜਿੱਤ ਚੁੱਕੇ ਹਨ ਤੇ ਹੌਲੀਵੁੱਡ ਇੰਡਸਟ੍ਰੀ ਵਿਚ ਕਈ ਟੀਵੀ ਸ਼ੌਅ ਅਤੇ ਫਿਲਮਾਂ ਬਣਾ ਚੁਕੇ ਹਨ।
ਉਹਨਾਂ ਨੇ ਹਾਲ ਹੀ ਵਿੱਚ ਫਿਲਮ 'ਸਰਾਭਾ- ਕ੍ਰਾਈ ਫਾਰ ਫ੍ਰੀਡਮ' ਦਾ ਐਲਾਨ ਕੀਤਾ ਹੈ, ਜਿਸਦਾ ਪੋਸਟਰ ਵੀ ਰੀਲਿਜ ਕੀਤਾ ਗਿਆ ਹੈ। ਉਹਨਾਂ ਦੀਆਂ ਆਉਣ ਵਾਲੀਆਂ ਫਿਲ਼ਮਾਂ ਵਿੱਚ ਬੇਅਰ ਫੁੱਟ ਵਾਰਿਅਰਸ, ਅਮੇਰਿਕਨ ਆਈ ਐਮ ਐਂਡ ਮੇਰਾਵਤਨ ਸ਼ਾਮਲ ਹਨ । ਬੇਅਰ ਫੂਟ ਵਾਰਿਅਰਸ ਇੱਕ ਇੰਟਰਨੈਸ਼ਨਲ ਪ੍ਰੇਰਣਾ ਦਾਈ ਫਿਲਮ ਹੈ ਜਿਸਨੂੰ ਮਿਨਹਾਸ ਫਿਲਮਸ ਲਿਮੇਟਿਡ ਬੈਨਰ ਦੇ ਹੇਠ ਜਤਿੰਦਰ ਜੇ ਮਿਨਹਾਸ ਨੇ ਪ੍ਰੋਡਿਊਸ ਕੀਤਾ ਹੈ ਜਦਕਿ ਫਿਲਮ ਦਾ ਲੇਖਨ ਅਤੇ ਨਿਰਦੇਸ਼ਨ ਕਵੀਰਾਜ਼ ਨੇ ਕੀਤਾ ਹੈ।
Kavi Raz
ਫਿਲਮ ਨੇ ਅਪਣਾ ਸ਼ੂਟ ਪੰਜਾਬ ਵਿੱਚ ਖਤਮ ਕੀਤਾ ਹੈ ਅਤੇ ਇਹ ਫਿਲਮ ਹਾਲੀਵੁਡ ਵਿਚ ਪੋਸਟ ਪ੍ਰੋਡਕਸ਼ਨ ਦੇ ਲਈ ਗਈ ਹੈ। 'ਸਰਾਭਾ- ਕ੍ਰਾਈ ਫਾਰ ਫ੍ਰੀਡਮ' ਸਰਬ ਥਾਇਰਾ ਦੂਆਰਾ ਵਿਸ਼ਵਭਰ ਵਿੱਚ ਰਿਲੀਜ ਕੀਤੀ ਜਾਵੇਗੀ। ਅਗਲੇ ਸਾਲ ਤੱਕ ਆਉਣ ਵਾਲੀ ਇਹ ਫਿਲਮ ਤਿੰਨ ਵਰਜਨ ਵਿੱਚ ਰਿਲੀਜ ਹੌਵੇਗੀ।
ਹਲੇ ਤੱਕ ਇਸ ਫਿਲਮ ਦੀ ਪੂਰੀ ਸਟਾਰਕਾਸਟ ਦੀ ਘੋਸ਼ਣਾ ਨਹੀਂ ਕੀਤੀ ਗਈ ਹੈ ਪਰ ਇਹ ਫਿਲਮ 24 ਮਈ 2019 ਵਿੱਚ ਰਿਲੀਜ ਹੋਵੇਗੀ ।
