ਪਾਲੀਵੁਡ ਇੰਡਸਟਰੀ ਦੇ ਵਿਚ ਕਈ ਅਜਿਹੇ ਸਿਤਾਰੇ ਹਨ ਜਿਨ੍ਹਾਂ ਨੇ ਗਾਇਕੀ ਦੇ ਨਾਲ - ਨਾਲ ਫਿਲਮੀ ਦੁਨਿਆਂ ਵਿਚ ਵੀ ਪੈਰ ਧਰਿਆ। ਅਦਾਕਾਰ ਅਪਣੀ ਜ਼ਿੰਦਗੀ ਨਾਲ ਸਬੰਧਿਤ...
ਚੰਡੀਗੜ੍ਹ : ਪਾਲੀਵੁਡ ਇੰਡਸਟਰੀ ਦੇ ਵਿਚ ਕਈ ਅਜਿਹੇ ਸਿਤਾਰੇ ਹਨ ਜਿਨ੍ਹਾਂ ਨੇ ਗਾਇਕੀ ਦੇ ਨਾਲ - ਨਾਲ ਫਿਲਮੀ ਦੁਨਿਆਂ ਵਿਚ ਵੀ ਪੈਰ ਧਰਿਆ। ਅਦਾਕਾਰ ਅਪਣੀ ਜ਼ਿੰਦਗੀ ਨਾਲ ਸਬੰਧਿਤ ਗੱਲਾਂ ਅਤੇ ਜਾਣਕਾਰੀ ਸੋਸ਼ਲ ਮੀਡੀਆ ਤੇ ਨਾਲ ਦੀ ਨਾਲ ਅਪਡੇਟ ਕਰਦੇ ਰਹਿੰਦੇ ਹਨ। ਪੰਜਾਬੀ ਇੰਡਸਟਰੀ ਦੀਆਂ ਦੋ ਮਹਾਨ ਸਖਸ਼ੀਅਤਾਂ ਜਿਨਾਂ ਨੇ ਅਪਣੀ ਅਵਾਜ਼ ਅਤੇ ਅਪਣੀ ਅਦਾਕਾਰੀ ਦੇ ਨਾਲ ਸਾਰਿਆਂ ਦੇ ਦਿਲਾਂ ਤੇ ਰਾਜ ਕੀਤਾ ਹੈ।
Amrinder & Diljit
ਅਸੀਂ ਗੱਲ ਕਰ ਰਹੇ ਹਾਂ 'ਦੁਸਾਂਝਾ' ਵਾਲੇ ਦਿਲਜੀਤ ਦੀ ਅਤੇ ਸਿੱਧੇ ਸਾਦੇ ਪੇਂਡੂ ਜੱਟ 'ਅਮਰਿੰਦਰ ਗਿੱਲ' ਦੀ। ਜਾਣਕਾਰੀ ਦੇ ਅਨੁਸਾਰ ਪਤਾ ਲਗਾ ਹੈ ਕਿ ਇਹ ਦੋਨੋਂ ਦਿੱਗਜ ਅਦਾਕਾਰ ਜਲਦ ਹੀ ਇਕੋ ਸਕਰੀਨ ਤੇ ਨਜ਼ਰ ਆਉਣ ਵਾਲੇ ਹਨ। ਅੰਬਰਦੀਪ ਸਿੰਘ ਵਲੋਂ ਡਾਇਰੈਕਟ ਕੀਤੀ ਜਾਣ ਵਾਲੀ ਫਿਲਮ 'ਜੋੜੀ' ਵਿਚ ਦੋਨਾਂ ਦੀ ਜੋੜੀ ਦੇਖਣ ਨੂੰ ਮਿਲੇਗੀ।
Amberdeep Singh
ਅੰਬਰਦੀਪ ਦੀ ਹੀ ਲਿਖੀ ਇਸ ਫ਼ਿਲਮ ਦੇ ਪ੍ਰੋਡਿਊਸਰ ਅਮਰਿੰਦਰ ਗਿੱਲ ਅਤੇ ਦਿਲਜੀਤ ਦੁਸਾਂਝ ਆਪ ਹੀ ਹਨ। ਦਿਲਜੀਤ ਅਤੇ ਅਮਰਿੰਦਰ ਗਿੱਲ ਪਹਿਲਾਂ ਵੀ ਧੀਰਜ ਰਤਨ ਦੀ ਫਿਲਮ 'ਸਾਡੀ ਲਵ ਸਟੋਰੀ' ਵਿਚ ਕੰਮ ਕਰ ਚੁੱਕੇ ਹਨ। ਗੁਰਪ੍ਰੀਤ ਸਿੰਘ ਪਲਹੇੜੀ ਵੱਲੋਂ ਡਿਜਾਈਜ਼ ਕੀਤੇ ਜਾ ਰਹੇ ਇਸ ਪ੍ਰਾਜੈਕਟ ਦੇ ਰਾਹੀ ਦਿਲਜੀਤ ਦੁਸਾਂਝ ਅਪਣੇ ਪ੍ਰੋਡਕਸ਼ਨ ਹਾਊਸ ‘ਦੁਸਾਂਝਾਵਾਲਾ ਪ੍ਰੋਡਕਸ਼ਨਸ’ ਦੀ ਸ਼ੁਰੂਆਤ ਵੀ ਕਰਨ ਜਾ ਰਹੇ ਹਨ।
ਇਨ੍ਹਾਂ ਦੋਵੇਂ ਸਿਤਾਰਿਆ ਦੀ ਵਾਹ - ਵਾਹ ਤਾਂ ਸੰਸਾਰ ਭਰ ਵਿਚ ਹੋਈ ਪਈ ਹੈ। ਪਿਛਲੀ ਫਿਲਮ 'ਚ ਇਸ ਜੋੜੀ ਨੇ ਪੂਰੀਆਂ ਧੂਮਾਂ ਪਾਈਆਂ ਸੀ। ਵੈਸੇ ਤਾਂ ਇਨ੍ਹਾਂ ਦੋਵਾਂ ਦੀਆਂ ਫਿਲਮਾਂ ਨੂੰ ਹਮੇਸ਼ਾ ਹੀ ਦਰਸ਼ਕਾਂ ਨੇ ਖਿੜ੍ਹੇ ਮੱਥੇ ਪ੍ਰਵਾਨ ਕੀਤਾ ਹੈ ਪਰ ਦੇਖਦੇ ਹਾਂ ਕਿ ਹੁਣ 'ਜੋੜੀ' ਫਿਲਮ 'ਚ ਇਨ੍ਹਾਂ ਦੀ ਜੋੜੀ ਲੋਕਾਂ ਦੇ ਦਿਲ ਤੇ ਕਿਨ੍ਹੀ ਕੁ ਛਾਪ ਛੱਡਦੀ ਹੈ।
Diljit & Amrinder
