ਹੁਣ ਸੈਟੇਲਾਈਟ ਦੀ ਮਦਦ ਨਾਲ ਵੀ ਕਿਸਾਨ ਅਪਣੇ ਖੇਤਾਂ, ਫ਼ਸਲਾਂ ਦੀ ਸਿਹਤ ਅਤੇ ਫ਼ਸਲਾਂ ਸਬੰਧੀ ਹੋਰ ਜਾਣਕਾਰੀ ਪ੍ਰਾਪਤ ਕਰ...
ਚੰਡੀਗੜ੍ਹ (ਸਸਸ) : ਹੁਣ ਸੈਟੇਲਾਈਟ ਦੀ ਮਦਦ ਨਾਲ ਵੀ ਕਿਸਾਨ ਅਪਣੇ ਖੇਤਾਂ, ਫ਼ਸਲਾਂ ਦੀ ਸਿਹਤ ਅਤੇ ਫ਼ਸਲਾਂ ਸਬੰਧੀ ਹੋਰ ਜਾਣਕਾਰੀ ਪ੍ਰਾਪਤ ਕਰ ਸਕਣਗੇ। ਇਸ ਦੇ ਲਈ ਬਹੁਤ ਘੱਟ ਫ਼ੀਸ ਰੱਖੀ ਗਈ ਹੈ ਅਤੇ ਇਸ ਸੁਵਿਧਾ ਦਾ ਹਰ ਕਿਸਾਨ ਫ਼ਾਇਦਾ ਚੁੱਕ ਸਕੇਗਾ। ਇਸ ਦੇ ਲਈ ਸਿਰਫ਼ ਇਕ ਰੁਪਇਆ ਇਕ ਏਕੜ ਦੇ ਹਿਸਾਬ ਨਾਲ ਭੁਗਤਾਨ ਕਰਨਾ ਹੋਵੇਗਾ। ਇਸ ਤੋਂ ਇਲਾਵਾ ਵੀ ਖੇਤੀਬਾੜੀ ਨਾਲ ਜੁੜੀ ਹੋਰ ਕਈ ਤਰ੍ਹਾਂ ਦੀ ਜਾਣਕਾਰੀ ਵੀ ਕਿਸਾਨਾਂ ਨੂੰ ਘੱਟ ਸਮੇਂ ਵਿਚ ਮੁਹੱਈਆ ਹੋ ਜਾਵੇਗੀ।
Cropsਇਸ ਦੇ ਲਈ ਦੇਸ਼ ਦੇ ਨੌਜਵਾਨਾਂ ਨੇ ਕਈ ਤਰ੍ਹਾਂ ਦੇ ਸਟਾਰਟਅੱਪ ਤਿਆਰ ਕੀਤੇ ਹਨ। ਨੌਜਵਾਨਾਂ ਵਲੋਂ ਇਸ ਸਟਾਰਟਅੱਪ ਦਾ ਪ੍ਰਦਸ਼ਨ ਇਕ ਤੋਂ ਚਾਰ ਦਸੰਬਰ ਤੱਕ ਹੋਣ ਵਾਲੇ ਇੰਟਰਨੈਸ਼ਨਲ ਐਗਰੋ ਟੈਕ ਇੰਡੀਆ 2018 ਫੇਅਰ ਵਿਚ ਕੀਤਾ ਜਾਵੇਗਾ। ਦੇਸ਼ ਵਿਚ ਇਸ ਤਰ੍ਹਾਂ ਦੇ 50 ਤੋਂ ਵੱਧ ਸਟਾਰਟਅੱਪ ਹਨ, ਜੋ ਕ੍ਰਿਸ਼ੀ ਫੀਲਡ ‘ਤੇ ਕੰਮ ਕਰ ਰਹੇ ਹਨ। ਇਹਨਾਂ ਵਿਚੋਂ ਕਈ ਸਟਾਰਟਅਪ ਸੈਟੇਲਾਈਟ ਬੇਸਡ ਕੰਮ ਕਰ ਰਹੇ ਹਨ।
ਗੁੱਡ ‘ਅਰਥ’ ਅਤੇ ਸੀਆਈਆਈ ਐਗਰੋ ਟੈਕ ਇੰਡੀਆ ਦੇ ਚੇਅਰਮੈਨ ਸੰਜੈ ਛਾਬੜਾ ਨੇ ਦੱਸਿਆ ਕਿ ਕਿਸਾਨ ਦੀ ਕਮਾਈ ਵਿਚ ਵਾਧਾ ਹੋਵੇ, ਇਸ ਦੇ ਲਈ ਸਰਕਾਰੀ ਨੀਤੀਆਂ ਦੇ ਨਾਲ-ਨਾਲ ਟੈਕਨੋਲੋਜੀ ਵੀ ਵੱਡੀ ਮਦਦਗਾਰ ਹੈ। ਕਿਸਾਨਾਂ ਨੂੰ ਸੈਟੇਲਾਈਟ ਨਾਲ ਪਤਾ ਲੱਗ ਸਕੇਗਾ ਕਿ ਉਨ੍ਹਾਂ ਦੇ ਖੇਤ ਅਤੇ ਫ਼ਸਲਾਂ ਦੀ ਸਿਹਤ ਕਿਵੇਂ ਦੀ ਹੈ। ਇਕ ਸਟਾਰਟਅੱਪ ਦੇ ਮੁਤਾਬਕ ਕਿਸਾਨਾਂ ਨੂੰ ਫ਼ਸਲ ਵਿਚ ਕੀੜਾ ਲੱਗਣ ‘ਤੇ ਮੋਬਾਇਲ ਤੋਂ ਬੂਟੇ ਦੀ ਫੋਟੋ ਸੈਂਡ ਕਰਨੀ ਹੈ, ਥੋੜ੍ਹੀ ਹੀ ਦੇਰ ਵਿਚ ਉਸ ਬਾਰੇ ਸਾਰੀ ਜਾਣਕਾਰੀ ਮੋਬਾਇਲ ਵਿਚ ਆ ਜਾਵੇਗੀ
Crops ਕਿ ਅਜਿਹੀ ਹਾਲਤ ਵਿਚ ਉਸ ਨੂੰ ਕਿਸ ਦਵਾਈ ਦਾ ਕਿੰਨਾ ਇਸਤੇਮਾਲ ਕਰਨਾ ਹੈ। ਸੀਆਈਆਈ ਐਗਰੋ ਟੈਕ ਇੰਡੀਆ ਦੀ ਮੇਜ਼ਬਾਨੀ ਹਰਿਆਣਾ ਅਤੇ ਪੰਜਾਬ ਕਰਨਗੇ। ਜਦੋਂ ਕਿ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਇਸ ਦਾ ਉਦਘਾਟਨ ਕਰਨਗੇ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਵਿਚ 8 ਦੇਸ਼ਾਂ ਦੇ 37 ਵਿਦੇਸ਼ੀ ਪ੍ਰਦਰਸ਼ਕਾਂ ਸਮੇਤ 195 ਪ੍ਰਦਰਸ਼ਕਾਂ ਦੀ ਭਾਗੀਦਾਰੀ ਵੀ ਰਹੇਗੀ। ਕਨੇਡਾ, ਚੀਨ, ਜਰਮਨੀ, ਇਟਲੀ, ਨੀਦਰਲੈਂਡ, ਸਪੇਨ, ਯੂਨਾਈਟਡ ਕਿੰਗਡਮ ਅਤੇ ਯੂਐਸਏ ਵਰਗੇ ਦੇਸ਼ ਐਗਰੋ ਟੈਕ ਵਿਚ ਭਾਗ ਲੈ ਰਹੇ ਹਨ।’
