Advertisement

ਜ਼ਿਆਦਾ ਨਮਕ ਵਾਲੇ ਭੋਜਨ ਦੇ ਬੁਰੇ ਅਸਰਾਂ ਨੂੰ ਖ਼ਤਮ ਕਰ ਸਕਦਾ ਹੈ ਪਨੀਰ

ਸਪੋਕਸਮੈਨ ਸਮਾਚਾਰ ਸੇਵਾ
Published Sep 22, 2019, 12:38 pm IST
Updated Sep 22, 2019, 12:38 pm IST
ਬਲੱਡ ਪ੍ਰੈਸ਼ਰ ਦੇ ਮਰੀਜ਼ਾਂ ਲਈ ਚੰਗੀ ਖ਼ਬਰ
Cheese can eliminate the ill effects of high salt foods
 Cheese can eliminate the ill effects of high salt foods

ਵਾਸ਼ਿੰਗਟਨ : ਕਈ ਵਿਅਕਤੀਆਂ ਨੂੰ ਤੇਜ਼ ਨਮਕ ਖਾਣ ਦੀ ਆਦਤ ਹੁੰਦੀ ਹੈ ਪਰ ਜ਼ਿਆਦਾ ਨਮਕ ਖਾਣ ਨਾਲ ਬਲੱਡ ਪ੍ਰੈਸ਼ਰ ਵਧਣ ਦਾ ਖ਼ਤਰਾ ਵੀ ਬਣਿਆ ਰਹਿੰਦਾ ਹੈ। ਅਜਿਹੇ ਵਿਅਕਤੀਆਂ ਲਈ ਇਕ ਚੰਗੀ ਖ਼ਬਰ ਹੈ। ਅਮਰੀਕਾ ਦੀ ਪੈਨ ਯੂਨੀਵਰਸਟੀ ਦੇ ਖੋਜਕਰਤਾਵਾਂ ਨੇ ਲਭਿਆ ਹੈ ਕਿ ਪਨੀਰ 'ਚ ਕੁੱਝ ਕੁਦਰਤੀ ਐਂਟੀਆਕਸੀਡੈਂਟਸ ਹੁੰਦੇ ਹਨ ਜੋ ਕਿ ਬਹੁਤ ਜ਼ਿਆਦਾ ਨਮਕ ਖਾਣ ਕਰ ਕੇ ਖ਼ੂਨ ਦੀਆਂ ਨਾੜੀਆਂ ਨੂੰ ਹੋਏ ਨੁਕਸਾਨ ਦੀ ਭਰਪਾਈ ਕਰ ਸਕਦੇ ਹਨ।

Related image

Advertisement

ਮੁੱਖ ਖੋਜਕਰਤਾ ਬਿੱਲੀ ਅਲਬਾ ਨੇ ਇਕ ਬਿਆਨ 'ਚ ਕਿਹਾ, ''ਭੋਜਨ 'ਚ ਸੋਡੀਅਮ (ਨਮਕ) ਦੀ ਮਾਤਰਾ ਘਟਾਉਣ 'ਤੇ ਜ਼ੋਰ ਦਿਤਾ ਜਾ ਰਿਹਾ ਹੈ ਪਰ ਕਈ ਲੋਕਾਂ ਨੂੰ ਅਜਿਹਾ ਕਰਨਾ ਪਸੰਦ ਨਹੀਂ ਹੁੰਦਾ। ਪਰ ਪਨੀਰ ਵਰਗੇ ਡੇਅਰੀ ਉਤਪਾਦ ਜ਼ਿਆਦਾ ਤੋਂ ਜ਼ਿਆਦਾ ਖਾਣੇ 'ਚ ਪ੍ਰਯੋਗ ਕਰਨ ਨਾਲ ਜ਼ਿਆਦਾ ਨਮਕ ਖਾਣ ਕਰ ਕੇ ਹੋਏ ਨਾੜਾਂ ਦੇ ਨੁਕਸਾਨ ਦੀ ਭਰਪਾਈ ਕੀਤੀ ਜਾ ਸਕਦੀ ਹੈ।'' ਹਾਲਾਂਕਿ ਪਨੀਰ ਨੂੰ ਜ਼ਿਆਦਾ ਚਰਬੀ ਹੋਣ ਕਰ ਕੇ ਬਹੁਤਾ ਚੰਗਾ ਨਹੀਂ ਮੰਨਿਆ ਜਾਂਦਾ। ਪਨੀਰ 'ਚ ਕੈਲਸ਼ੀਅਮ ਭਰਪੂਰ ਮਾਤਰਾ 'ਚ ਹੋਣ ਕਰ ਕੇ ਇਸ ਨੂੰ ਦੰਦਾਂ ਅਤੇ ਹੱਡੀਆਂ ਲਈ ਚੰਗਾ ਭੋਜਨ ਮੰਨਿਆ ਜਾਂਦਾ ਹੈ।

Image result for paneer paneer

ਅਪਣੀ ਖੋਜ ਲਈ ਪੈਨ ਸੂਬੇ ਦੇ ਅਧਿਐਨਕਰਤਾਵਾਂ ਨੇ 11 ਵਿਅਕਤੀਆਂ ਨੂੰ ਚੁਣਿਆ ਜਿਨ੍ਹਾਂ ਨੂੰ ਨਮਕ ਕਰ ਕੇ ਉੱਚ ਬਲੱਡ ਪ੍ਰੈਸ਼ਰ ਸੀ। ਇਨ੍ਹਾਂ 'ਚੋਂ ਜ਼ਿਆਦਾ ਨਮਕ ਵਾਲਾ ਭੋਜਨ ਖਾਣ ਵਾਲੇ ਵਿਅਕਤੀਆਂ ਦਾ ਬਲੱਡ ਪ੍ਰੈਸ਼ਰ ਵੱਧ ਗਿਆ ਵੇਖਿਆ ਗਿਆ। ਪਰ ਜਦੋਂ ਉਸੇ ਵਿਅਕਤੀਆਂ ਨੂੰ ਜ਼ਿਆਦਾ ਨਮਕ ਅਤੇ ਜ਼ਿਆਦਾ ਪਨੀਰ ਵਾਲਾ ਭੋਜਨ ਦਿਤਾ ਗਿਆ ਤਾਂ ਉਸ ਨੂੰ ਕੋਈ ਸਮੱਸਿਆ ਨਹੀਂ ਆਈ। ਅੱਜ ਜਦੋਂ ਦੁਨੀਆਂ 'ਚ ਬਹੁਤ ਸਾਰੇ ਲੋਕ ਉੱਚ ਬਲੱਡ ਪ੍ਰੈਸ਼ਰ ਤੋਂ ਪੀੜਤ ਹਨ ਤਾਂ ਇਸ ਖੋਜ ਦੇ ਦੂਰਗਾਮੀ ਨਤੀਜੇ ਹੋ ਸਕਦੇ ਹਨ। 

Advertisement

 

Advertisement
Advertisement