ਗਰਮ ਹਵਾ ਅਤੇ ਕੜਾਕੇ ਵਾਲੀ ਤਪਦੀ ਧੁੱਪ ਦੇ ਕਾਰਨ ਗਰਮੀਆਂ ਵਿਚ ਲੋਕ ਜ਼ਿਆਦਾ ਬੀਮਾਰ ਹੁੰਦੇ ਹਨ| ਧੁੱਪ ਦਾ ਅਸਰ ਜਦੋਂ ਤੰਦਰੁਸਤ ਆਦਮੀ ਨੂੰ ਬੀਮਾਰ..............
ਗਰਮ ਹਵਾ ਅਤੇ ਕੜਾਕੇ ਵਾਲੀ ਤਪਦੀ ਧੁੱਪ ਦੇ ਕਾਰਨ ਗਰਮੀਆਂ ਵਿਚ ਲੋਕ ਜ਼ਿਆਦਾ ਬੀਮਾਰ ਹੁੰਦੇ ਹਨ| ਧੁੱਪ ਦਾ ਅਸਰ ਜਦੋਂ ਤੰਦਰੁਸਤ ਆਦਮੀ ਨੂੰ ਬੀਮਾਰ ਬਣਾ ਸਕਦਾ ਹੈ ਤਾਂ ਇਹ ਦਿਲ ਦੇ ਮਰੀਜ਼ਾਂ ਲਈ ਕਿੰਨਾ ਖਤਰਨਾਕ ਹੋ ਸਕਦਾ ਹੈ| ਤੇਜ਼ ਗਰਮੀ ਦੇ ਮੌਸਮ ਵਿਚ ਦਿਲ ਦੇ ਮਰੀਜ਼ਾਂ ਲਈ ਖ਼ਤਰਾ ਬਹੁਤ ਜ਼ਿਆਦਾ ਵਧ ਜਾਂਦਾ ਹੈ| ਇਸ ਲਈ ਅਜਿਹੇ ਲੋਕਾਂ ਨੂੰ ਇਸ ਮੌਸਮ ਵਿਚ ਵਿਸ਼ੇਸ਼ ਸਾਵਧਾਨੀ ਵਰਤਣ ਦੀ ਜ਼ਰੂਰਤ ਹੈ| ਜਾਣਦੇ ਹਾਂ ਮੌਜੂਦਾ ਮੌਸਮ ਵਿਚ ਦਿਲ ਨੂੰ ਕਿਵੇਂ ਠੀਕ ਰੱਖਿਆ ਜਾਵੇ| ਗਰਮੀਆਂ ਵਿਚ ਦਿਲ ਦੇ ਮਰੀਜ਼ਾਂ ਨੂੰ ਧੁੱਪੇ ਜ਼ਿਆਦਾ ਸਮੇਂ ਤਕ ਰਹਿਣ ਅਤੇ ਜ਼ਿਆਦਾ ਮਿਹਨਤ ਕਰਨ ਤੋਂ ਬਚਣਾ ਚਾਹੀਦਾ ਹੈ|
ਇਸ ਮੌਸਮ ਵਿਚ ਜ਼ਿਆਦਾ ਸਰੀਰਕ ਗਤੀਵਿਧੀਆਂ ਕਰਨ ਵਾਲੇ ਤੰਦਰੁਸਤ ਲੋਕਾਂ ਨੂੰ ਵੀ ਥਕਾਵਟ ਜਾਂ ਲੂ ਦੇ ਲੱਛਣ ਪੈਦਾ ਕਰ ਸਕਦੀਆਂ ਹਨ| ਅੱਜ ਦੇ ਸਮੇਂ ਵਿਚ ਆਪਣੇ ਕੰਮ ਨੂੰ ਲੈ ਕੇ ਨੌਜਵਾਨ ਲੋਕ ਵੀ ਮਾਨਸਿਕ ਦਬਾਅ ਵਿਚ ਹਾਈ ਬਲਡ ਪ੍ਰੈੇਸ਼ਰ ਤੋਂ ਜੂਝ ਰਹੇ ਹਨ| ਹਾਈ ਬਲੱਡ ਪ੍ਰੈਸ਼ਰ ਦਿਲ ਦੀਆਂ ਅਨੇਕ ਸਮੱਸਿਆਵਾਂ ਪੈਦਾ ਕਰਦਾ ਹੈ| ਮਨੁੱਖੀ ਸਰੀਰ ਆਮ ਤੌਰ ਉੱਤੇ ਲਗਭਗ 98.6 ਡਿਗਰੀ ਫਾਰੇਨਹਾਈਟ ਦੇ ਤਾਪਮਾਨ ਨੂੰ ਬਣਾਏ ਰੱਖਦਾ ਹੈ| ਤਾਪਮਾਨ ਵਧਣ ਕਾਰਨ ਪਸੀਨਾ ਆਉਂਦਾ ਹੈ| ਜੇਕਰ ਮੁੜ੍ਹਕਾ ਸਰੀਰ ਨੂੰ ਠੰਡਾ ਨਹੀਂ ਕਰ ਪਾਉਂਦਾ ਤਾਂ ਖੂਨ ਕੋਸ਼ਿਕਾਵਾਂ ਦਾ ਆਕਾਰ ਵੱਡੇ ਹੋ ਜਾਣ ਦੇ ਕਾਰਨ ਦਿਲ ਦੀ ਧੜਕਨ ਤੇਜ਼ ਹੋ ਜਾਂਦੀ ਹੈ ਅਤੇ ਬਲੱਡ ਪ੍ਰੈਸ਼ਰ ਘੱਟ ਹੋ ਜਾਂਦਾ ਹੈ| ਜਿਸ ਕਾਰਨ ਦਿਲ ਮਰੀਜ਼ਾਂ ਲਈ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ ਅਤੇ ਦਿਲ ਦੀ ਕਿਰਿਆ ਪ੍ਰਣਾਲੀ ਉੱਤੇ ਬਹੁਤ ਬੁਰਾ ਪ੍ਰਭਾਵ ਪੈਂਦਾ ਹੈ|
ਕਮਜ਼ੋਰ ਦਿਲ ਵਾਲੇ ਲੋਕ ਆਪਣੇ ਸਰੀਰ ਨੂੰ ਠੰਡਾ ਰੱਖਣ ਲਈ ਜ਼ਿਆਦਾ ਮਾਤਰਾ ਵਿਚ ਖੂਨ ਨੂੰ ਪੰਪ ਨਹੀਂ ਕਰ ਸਕਦੇ| ਇਸ ਲਈ ਉਹ ਬਲੱਡ ਪ੍ਰੈਸ਼ਰ ਨੂੰ ਵੀ ਠੀਕ ਰੱਖਣ ਵਿਚ ਅਸਮਰਥ ਹੁੰਦੇ ਹਨ| ਇਸ ਕਾਰਨ ਉਨ੍ਹਾਂ ਦੇ ਸਰੀਰ ਦਾ ਤਾਪਮਾਨ ਨੁਕਸਾਨਦੇਹ ਪੱਧਰ ਤਕ ਵਧ ਸਕਦਾ ਹੈ| ਦਿਲ ਰੋਗ ਮਾਹਿਰਾਂ ਦਾ ਕਹਿਣਾ ਹੈ ਕਿ ਮੌਸਮ ਦੇ ਤਾਪਮਾਨ ਵਿਚ ਵੱਧ ਰਹੀ ਗਰਮੀ ਦੇ ਕਾਰਨ ਪਿਛਲੇ ਕੁਝ ਸਾਲਾਂ ਤੋਂ ਦਿਲ ਨਾਲ ਜੁੜੀ ਬੀਮਾਰੀਆਂ - ਖਾਸ ਤੌਰ ਉੱਤੇ ਹਾਰਟ ਅਟੈਕ ਦੇ ਮਾਮਲੇ ਵੱਧ ਰਹੇ ਹਨ|