Benefits of eating Peanut Jaggery Chikki in winter
ਮੁੰਗਫਲੀ ਦੀ ਤਾਸੀਰ ਗਰਮ ਹੁੰਦੀ ਹੈ ਇਸ ਲਈ ਸਰੀਰ ਅੰਦਰੋਂ ਗਰਮ ਰਹਿੰਦਾ ਹੈ।
ਸਰਦੀਆਂ ਵਿਚ ਲੋਕ ਅਕਸਰ ਮੁੰਗਫਲੀ ਅਤੇ ਗੁੜ ਦੀ ਬਣੀ ਗੱਚਕ ਖਾਂਦੇ ਹਨ। ਮੁੰਗਫਲੀ ਦੀ ਗੱਚਕ ਦਾ ਸਵਾਦ ਇੰਨਾ ਲਾਜਵਾਬ ਹੁੰਦਾ ਹੈ ਕਿ ਕੋਈ ਵੀ ਇਸ ਨੂੰ ਖਾਏ ਬਗ਼ੈਰ ਨਹੀਂ ਰਹਿ ਸਕਦਾ। ਪਰ ਸਿਰਫ਼ ਸਵਾਦ ਹੀ ਨਹੀਂ ਸਰਦੀਆਂ ਦੇ ਮੌਸਮ ਵਿਚ ਮੁੰਗਫਲੀ ਅਤੇ ਗੁੜ ਦਾ ਸੁਮੇਲ ਸਿਹਤ ਨੂੰ ਬਹੁਤ ਸਾਰੇ ਫ਼ਾਇਦੇ ਵੀ ਦਿੰਦਾ ਹੈ। ਆਉ ਜਾਣਦੇ ਹਾਂ ਮੁੰਗਫਲੀ ਦੀ ਗੱਚਕ ਖਾਣ ਦੇ ਫ਼ਾਇਦਿਆਂ ਬਾਰੇ:
- ਮੁੰਗਫਲੀ ਦੀ ਤਾਸੀਰ ਗਰਮ ਹੁੰਦੀ ਹੈ ਇਸ ਲਈ ਸਰੀਰ ਅੰਦਰੋਂ ਗਰਮ ਰਹਿੰਦਾ ਹੈ। ਗੁੜ ਖੰਡ ਦਾ ਇਕ ਬਿਹਤਰ ਆਪਸ਼ਨ ਹੈ। ਜਿਨ੍ਹਾਂ ਦੇ ਸਰੀਰ ਵਿਚ ਖ਼ੂਨ ਦੀ ਕਮੀ ਹੋਵੇ ਉਨ੍ਹਾਂ ਨੂੰ ਗੁੜ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਖ਼ਰਾਬ ਕੈਲੇਸਟਰੋਲ ਨੂੰ ਘਟਾਉਣ ਵਿਚ ਮਦਦਗਾਰ ਹੁੰਦੇ ਹਨ ਜੋ ਦਿਲ ਦੀਆਂ ਬੀਮਾਰੀਆਂ ਦੇ ਖ਼ਤਰੇ ਨੂੰ ਬਹੁਤ ਹੱਦ ਤਕ ਘਟਾਉਂਦੀ ਹੈ। ਇਹ ਦਿਲ ਦੇ ਦੌਰੇ ਦੇ ਖ਼ਤਰੇ ਨੂੰ ਵੀ ਘਟਾਉਂਦੀ ਹੈ।
- ਸਾਧਾਰਣ ਜਿਹੀ ਦਿਖਣ ਵਾਲੀ ਗੱਚਕ ਆਇਰਨ, ਵਿਟਾਮਿਨਾਂ ਅਤੇ ਖਣਿਜਾਂ ਨਾਲ ਭਰਪੂਰ ਹੁੰਦੀ ਹੈ। ਉਥੇ ਹੀ ਮੁੰਗਫਲੀ ਇਕ ਇਮਿਊਨਿਟੀ ਬੂਸਟਰ ਹੈ ਇਸ ਲਈ ਇਹ ਵਾਇਰਸ ਅਤੇ ਬੈਕਟੀਰੀਅਲ ਇੰਫ਼ੈਕਸ਼ਨ, ਜ਼ੁਕਾਮ, ਖੰਘ ਤੋਂ ਬਚਾਉਂਦਾ ਹੈ।
- ਮੁੰਗਫਲੀ ਅਤੇ ਗੁੜ ਦੋਵੇਂ ਪਾਚਨ ਸਮੱਸਿਆਵਾਂ ਨੂੰ ਦੂਰ ਕਰਦੇ ਹਨ ਜਿਨ੍ਹਾਂ ਨੂੰ ਕਬਜ਼ ਦੀ ਸਮੱਸਿਆ ਹੈ ਉਨ੍ਹਾਂ ਨੂੰ ਸੇਵਨ ਕਰਨਾ ਚਾਹੀਦਾ ਹੈ।
- ਮੁੰਗਫਲੀ ਦੀ ਗੱਚਕ ਖਾਣ ਨਾਲ ਪੇਟ ਭਰਿਆ ਰਹਿੰਦਾ ਹੈ ਅਤੇ ਸਰੀਰ ਵਿਚ ਐਨਰਜੀ ਵੀ ਬਣੀ ਰਹਿੰਦੀ ਹੈ। ਭਾਰ ਨੂੰ ਕੰਟਰੋਲ ਵਿਚ ਰਖਦੀ ਹੈ।
- ਮੁੰਗਫਲੀ ਵਿਚ ਮੌਜੂਦ ਟ੍ਰਾਈਪਟੋਫੈਨ ਤਣਾਅ, ਚਿੰਤਾ, ਉਦਾਸੀ ਤੋਂ ਬਚਾਉਂਦਾ ਹੈ। ਇਸ ਤੋਂ ਇਲਾਵਾ ਇਸ ਦਾ ਸੇਵਨ ਮੂਡ ਨੂੰ ਸੁਧਾਰਨ ਵਿਚ ਵੀ ਮਦਦ ਕਰਦਾ ਹੈ।
- ਇਸ ਨਾਲ ਬਲੱਡ ਸਰਕੂਲੇਸ਼ਨ ਸਹੀ ਰਹਿੰਦਾ ਹੈ ਜਿਸ ਨਾਲ ਚਮੜੀ ਮੁਲਾਇਮ ਹੁੰਦੀ ਹੈ। ਇਸ ਦੇ ਨਾਲ-ਨਾਲ ਐਂਟੀ-ਏਜਿੰਗ, ਪਿੰਪਲਜ਼ ਅਤੇ ਹੋਰ ਸਮੱਸਿਆਵਾਂ ਤੋਂ ਵੀ ਬਚਿਆ ਜਾਂਦਾ ਹੈ। ਗੁੜ ਦਾ ਸੇਵਨ ਕਰਨ ਨਾਲ ਔਰਤਾਂ ਨੂੰ ਵੀ ਬਹੁਤ ਸਾਰੇ ਫ਼ਾਇਦੇ ਹੁੰਦੇ ਹਨ ਜਿਵੇਂ ਕਿ ਪੀਰੀਅਡ ਦਰਦ ਤੋਂ ਮੁਕਤ ਹੋਣਾ। ਇਸ ਤੋਂ ਇਲਾਵਾ ਇਹ ਗਰਭਵਤੀ ਔਰਤਾਂ ਲਈ ਵੀ ਫ਼ਾਇਦੇਮੰਦ ਹੈ।
- ਜੇ ਤੁਸੀਂ ਕਿਸੇ ਵੀ ਚੀਜ਼ ਦੀ ਜ਼ਰੂਰਤ ਤੋਂ ਜ਼ਿਆਦਾ ਸੇਵਨ ਕਰਦੇ ਹੋ ਤਾਂ ਇਸ ਦੇ ਨੁਕਸਾਨ ਵੀ ਹੋਣਗੇ। ਦਿਨ ਵਿਚ 5 ਗ੍ਰਾਮ ਤੋਂ ਵੱਧ ਗੁੜ ਦਾ ਸੇਵਨ ਨਾ ਕਰੋ।
- ਮੁੰਗਫਲੀ ਜ਼ਿਆਦਾ ਖਾਣ ਨਾਲ ਚਮੜੀ ਦੀ ਐਨਰਜੀ, ਪੇਟ ਪ੍ਰੇਸ਼ਾਨੀ, ਐਸਿਡਿਟੀ, ਸੋਜ ਦੀਆਂ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ।
- ਜੇ ਤੁਸੀਂ ਮੁੰਗਫਲੀ ਖਾਣ ਤੋਂ ਤੁਰਤ ਬਾਅਦ ਪਾਣੀ ਪੀਂਦੇ ਹੋ ਤਾਂ ਖੰਘ ਦੀ ਸਮੱਸਿਆ ਹੋ ਸਕਦੀ ਹੈ।
- ਐਸਿਡਿਟੀ ਅਤੇ ਗਠੀਏ ਦੇ ਮਰੀਜ਼ਾਂ ਨੂੰ ਇਸ ਦਾ ਸੇਵਨ ਸੰਭਲ ਕੇ ਕਰਨਾ ਚਾਹੀਦਾ ਹੈ ਕਿਉਂਕਿ ਦੋਹਾਂ ਦੀ ਤਾਸੀਰ ਗਰਮ ਹੁੰਦੀ ਹੈ ਇਸ ਲਈ ਇਸ ਨੂੰ ਖਾਣ ਤੋਂ ਬਾਅਦ ਇਕ ਗਲਾਸ ਗਰਮ ਦੁੱਧ ਪੀਉ। ਇਸ ਨਾਲ ਕੋਈ ਨੁਕਸਾਨ ਨਹੀਂ ਹੁੰਦਾ।
- ਗੱਚਕ ਤੋਂ ਇਲਾਵਾ ਤੁਸੀਂ ਮੁੰਗਫਲੀ ਦੀ ਕਟਲੀ, ਚਟਣੀ, ਮੁੰਗਫਲੀ ਦਾ ਮੱਖਣ, ਫ਼ਰਾਈ ਮੁੰਗਫਲੀ, ਮੁੰਗਫਲੀ ਦੇ ਲੱਡੂ ਅਤੇ ਮਸਾਲਾ ਮੁੰਗਫਲੀ ਨੂੰ ਵੀ ਅਪਣੀ ਡਾਈਟ ਦਾ ਹਿੱਸਾ ਬਣਾ ਸਕਦੇ ਹੋ।
