: ਨੋਕੀਆ ਨੇ ਆਪਣੇ ਟ੍ਰਿਪਲ ਕੈਮਰਿਆਂ ਵਾਲੇ ਦੋ ਮੋਬਾਇਲ ਫੋਨ ਨੋਕੀਆ 6.2 ਅਤੇ ਨੋਕੀਆ 7.2 ਦੇ ਰੇਟ ਘਟਾ ਦਿੱਤੇ ਹਨ
ਨਵੀਂ ਦਿੱਲੀ : ਨੋਕੀਆ ਨੇ ਆਪਣੇ ਟ੍ਰਿਪਲ ਕੈਮਰਿਆਂ ਵਾਲੇ ਦੋ ਮੋਬਾਇਲ ਫੋਨ ਨੋਕੀਆ 6.2 ਅਤੇ ਨੋਕੀਆ 7.2 ਦੇ ਰੇਟ ਘਟਾ ਦਿੱਤੇ ਹਨ ਜੋ ਕਿ ਗ੍ਰਾਹਕਾ ਦੀ ਪਹਿਲੀ ਪਸੰਦ ਬਣਦੇ ਜਾ ਰਹੇ ਹਨ। ਜੇਕਰ ਤੁਸੀ ਵੀ ਇਸ ਮੋਬਾਇਲ ਨੂੰ ਖਰੀਦਣਾ ਚਾਹੁੰਦੇ ਹੋ ਤਾਂ ਬਿਨਾਂ ਸਮਾਂ ਗਵਾਏ ਇਸ ਫੋਨ ਨੂੰ ਸਸਤੇ ਵਿਚ ਆਪਣਾ ਬਣਾ ਸਕਦੇ ਹੋ।
ਮੀਡੀਆ ਰਿਪੋਰਟਾ ਅਨੁਸਾਰ ਨੋਕੀਆ 6.2 ਦੀ ਲਾਂਚ ਹੋਣ ਵੇਲੇ ਕੀਮਤ ਲਗਭਗ 15,999 ਰੁਪਏ ਸੀ ਜੋ ਕਿ ਹੁਣ 12,499 ਰੁਪਏ ਵਿਚ ਖਰੀਦਿਆ ਜਾ ਸਕਦਾ ਹੈ ਭਾਵ ਕਿ ਕੰਪਨੀ ਨੇ ਇਸ ਫੋਨ ਵਿਚ 3500 ਰੁਪਏ ਤੱਕ ਦੀ ਕੁਟੋਤੀ ਕੀਤੀ ਹੈ। ਨੋਕੀਆ 6.2 ਦੇ ਫੀਚਰਾਂ ਦੀ ਗੱਲ ਕਰੀਏ ਤਾਂ ਇਸ ਵਿਚ 6.3 ਇੰਚ ਦਾ ਫੁੱਲ ਐਚਡੀ ਡਿਸਪਲੇਅ ਦਿੱਤਾ ਗਿਆ ਹੈ। ਇਹ ਮੋਬਾਇਲ ਫੋਨ 3 ਜੀਬੀ ਰੈਮ+32 ਜੀਬੀ ਮੈਮੋਰੀ ਅਤੇ 4 ਜੀਬੀ ਰੈਮ+128 ਜੀਬੀ ਮੈਮੋਰੀ ਦੇ ਨਾਲ ਆਉਂਦਾ ਹੈ।
ਫੋਨ ਵਿਚ ਆਕਟਾ ਕੋਰ ਕਵਾਲਕੋਮ ਸਨੈਪਡ੍ਰੈਗਨ 636 SOC ਪ੍ਰੋਸੈਸਰ ਦਿੱਤਾ ਗਿਆ ਹੈ। ਇਹ ਗੋਰਿਲਾ ਗਲਾਸ ਦੇ ਨਾਲ-ਨਾਲ HDR10 ਨੂੰ ਸੁਪੋਰਟ ਕਰਦਾ ਹੈ। ਜੇਕਰ ਇਸ ਮੋਬਾਇਲ ਦੇ ਕੈਮਰੇ ਦੀ ਗੱਲ ਕਰੀਏ ਤਾਂ 16 ਮੈਗਾਪਿਕਸਲ,5 ਮੈਗਾਪਿਕਸਲ ਅਤੇ 8 ਮੈਗਾਪਿਕਸਲ ਦਾ ਟ੍ਰਿਪਲ ਰੇਅਰ ਕੈਮਰਾ ਦਿੱਤਾ ਗਿਆ ਹੈ ਜੋ ਕਿ ਵਾਇਡ ਐਂਗਲ ਨਾਲ ਲੈਸ ਹੈ। ਸੈਲਫੀ ਦੇ ਲਈ ਫੋਨ ਵਿਚ 8 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਅਤੇ 3500 MAH ਦਾ ਬੈਟਰੀ ਬੈਕ ਅਪ ਮਿਲਦਾ ਹੈ।
ਨੋਕੀਆ ਦੇ ਦੂਜੇ 7.2 ਮੋਬਾਇਲ ਦੀ ਲਾਂਚ ਹੋਣ 'ਤੇ ਕੀਮਤ 18,599 ਰੁਪਏ ਸੀ ਜੋ ਕਿ ਹੁਣ 64 ਜੀਬੀ ਰੈਮ+4 ਜੀਬੀ ਮੈਮੋਰੀ ਨਾਲ 15,499 ਅਤੇ 6 ਜੀਬੀ ਰੈਮ + 64 ਜੀਬੀ ਮੈਮੋਰੀ ਨਾਲ 17,099 ਰੁਪਏ ਵਿਚ ਖਰੀਦਿਆ ਜਾ ਸਕਦਾ ਹੈ। ਜੇਕਰ ਇਸ ਦੇ ਫੀਚਰਾਂ ਦੀ ਗੱਲ ਕਰੀਏ ਤਾਂ ਤਾ ਐਚਡੀਆਰ ਸੁਪੋਰਟ ਨਾਲ ਇਸ ਵਿਚ 6.3 ਇੰਚ ਦੀ ਫੁੱਲ ਡਿਸਪਲੇਅ ਮਿਲਦੀ ਹੈ।
ਨੋਕੀਆ ਦੇ ਇਸ ਫੋਨ ਵਿਚ ਕਾਲਕੋਮ ਸਨੈਪਡ੍ਰੈਗਨ 660 ਐਸਓਸੀ ਪ੍ਰੋਸੈਸਰ 'ਤੇ ਕੰਮ ਕਰਦਾ ਹੈ। ਇਸ ਵਿਚ 48 ਮੈਗਾਪਿਕਸਲ ਦਾ ਪ੍ਰਾਇਮਰੀ ਸੈਂਸਰ ਕੈਮਰਾ ਦਿੱਤਾ ਗਿਆ ਹੈ। ਫੋਨ ਦੈ ਬੈਕ ਵਿਚ ਟ੍ਰਿਪਲ ਰਿਅਰ ਕੈਮਰਾ ਸੈਟਅਪ ਵੀ ਮੌਜੂਦ ਹੈ। ਫੋਨ ਵਿਚ 5 ਮੈਗਾਪਿਕਸਲ ਅਤੇ 8 ਮੈਗਾਪਿਕਸਲ ਦੇ ਦੋ ਹੋਰ ਕੈਮਰੇ ਦਿੱਤੇ ਗਏ ਹਨ। ਸੈਲਫੀ ਦੇ ਲਈ ਫੋਨ ਵਿਚ 20 ਮੈਗਾਪਿਕਸਲ ਕੈਮਰਾ ਅਤੇ ਬੈਟਰੀ ਬੈਕਅਪ 3500 MAH ਮਿਲਦਾ ਹੈ।