Apple WWDC 2023: ਐਪਲ ਦੇ ਸਾਲਾਨ ਈਵੈਂਟ ਦੌਰਾਨ ਲਾਂਚ ਹੋਏ ਇਹ Product, ਜਾਣੋ ਕੀ ਹੈ ਖ਼ਾਸ
Published : Jun 6, 2023, 8:53 am IST
Updated : Jun 6, 2023, 8:53 am IST
SHARE ARTICLE
WWDC 2023 highlights: Everything Apple announced at its developer conference
WWDC 2023 highlights: Everything Apple announced at its developer conference

ਐਪਲ ਨੇ ਅਪਣੇ ਯੂਜ਼ਰਸ ਲਈ ਨਵੇਂ ਹੈੱਡਸੈੱਟਾਂ ਤੋਂ ਲੈ ਕੇ ਨਵੀਨਤਮ ਸਾਫਟਵੇਅਰ ਪੇਸ਼ ਕੀਤੇ ਹਨ।


ਨਵੀਂ ਦਿੱਲੀ: ਐਪਲ ਦੇ ਸੀ.ਈ.ਓ. ਟਿਮ ਕੁੱਕ ਨੇ ਸੋਮਵਾਰ ਨੂੰ ਹਾਰਡਵੇਅਰ, ਸੌਫਟਵੇਅਰ ਅਤੇ ਸੇਵਾਵਾਂ 'ਤੇ ਧਿਆਨ ਦੇਣ ਦੇ ਨਾਲ ਵਿਸ਼ਵਵਿਆਪੀ ਡਿਵੈਲਪਰ ਕਾਨਫਰੰਸ (WWDC) ਦੀ ਸ਼ੁਰੂਆਤ ਕੀਤੀ। ਵਰਲਡ ਵਾਈਡ ਡਿਵੈਲਪਰਸ ਕਾਨਫਰੰਸ ਆਈਫੋਨ ਨਿਰਮਾਤਾ ਕੰਪਨੀ ਐਪਲ ਦਾ ਸਾਲ ਦਾ ਸੱਭ ਤੋਂ ਵੱਡਾ ਈਵੈਂਟ ਹੈ। ਕੈਲੀਫੋਰਨੀਆ 'ਚ ਆਯੋਜਤ ਈਵੈਂਟ 'ਚ ਕੰਪਨੀ ਨੇ ਯੂਜ਼ਰਸ ਲਈ ਕਈ ਵੱਡੇ ਐਲਾਨ ਕੀਤੇ। ਐਪਲ ਨੇ ਅਪਣੇ ਯੂਜ਼ਰਸ ਲਈ ਨਵੇਂ ਹੈੱਡਸੈੱਟਾਂ ਤੋਂ ਲੈ ਕੇ ਨਵੀਨਤਮ ਸਾਫਟਵੇਅਰ ਪੇਸ਼ ਕੀਤੇ ਹਨ।

ਐਪਲ ਵਿਜ਼ਨ ਪ੍ਰੋ  (Apple Vision Pro )

ਜਿਵੇਂ ਕਿ ਮੰਨਿਆ ਜਾ ਰਿਹਾ ਸੀ ਕਿ ਐਪਲ ਇਸ ਈਵੈਂਟ 'ਚ ਨਵਾਂ ਹੈੱਡਸੈੱਟ ਪੇਸ਼ ਕਰ ਸਕਦੀ ਹੈ। ਅਜਿਹਾ ਹੀ ਹੋਇਆ, ਕੰਪਨੀ ਨੇ Apple Vision Pro ਦੀ ਪੇਸ਼ਕਸ਼ ਸਾਹਮਣੇ ਰੱਖੀ ਹੈ। ਦਰਅਸਲ ਐਪਲ ਵਿਜ਼ਨ ਪ੍ਰੋ ਕੰਪਨੀ ਦਾ ਮਿਕਸਡ ਰਿਐਲਿਟੀ ਹੈੱਡਸੈੱਟ ਹੈ, ਜਿਸ ਨੂੰ AR ਅਤੇ VR ਐਲੀਮੈਂਟਸ (augmented reality and virtual reality) ਨਾਲ ਡਿਜ਼ਾਈਨ ਕੀਤਾ ਗਿਆ ਹੈ। ਇਸ ਹੈੱਡਸੈੱਟ ਦੀ ਮਦਦ ਨਾਲ ਯੂਜ਼ਰਸ ਇੰਟਰਫੇਸ ਅਤੇ ਐਪਸ ਦੇ 3ਡੀ ਵਰਜ਼ਨ ਦਾ ਅਨੁਭਵ ਕਰ ਸਕਣਗੇ। ਇਹ ਹੈੱਡਸੈੱਟ ਅਗਲੇ ਸਾਲ ਤੋਂ ਵਿਕਰੀ ਲਈ ਸ਼ੁਰੂ ਹੋਵੇਗਾ। ਐਪਲ ਨੇ ਇਸ ਹੈੱਡਸੈੱਟ ਦੀ ਕੀਮਤ $3499 ਰੱਖੀ ਹੈ।

15 ਇੰਚ ਮੈਕਬੁੱਕ ਏਅਰ (15-inch MacBook Air)

ਐਪਲ ਨੇ 15 ਇੰਚ ਦੀ ਮੈਕਬੁੱਕ ਏਅਰ ਲਾਂਚ ਕੀਤੀ ਹੈ। ਕੰਪਨੀ ਨੇ ਭਾਰਤ 'ਚ M2 ਪ੍ਰੋਸੈਸਰ ਦੇ ਨਾਲ ਆਉਣ ਵਾਲੇ ਇਸ ਲੈਪਟਾਪ ਨੂੰ ਚਾਰ ਕਲਰ ਆਪਸ਼ਨ 'ਚ ਲਾਂਚ ਕੀਤਾ ਹੈ। ਤੁਸੀਂ ਇਸ ਡਿਵਾਈਸ ਨੂੰ ਮਿਡਨਾਈਟ, ਸਟਾਰਲਾਈਟ, ਸਿਲਵਰ ਅਤੇ ਸਪੇਸ ਗ੍ਰੇ 'ਚ ਖਰੀਦ ਸਕਦੇ ਹੋ। ਇਹ ਡਿਵਾਈਸ ਭਾਰਤ 'ਚ ਵਿਕਰੀ ਲਈ ਉਪਲੱਬਧ ਹੈ। ਤੁਸੀਂ ਇਸ ਨੂੰ 1,34,900 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਖਰੀਦ ਸਕਦੇ ਹੋ। ਕੰਪਨੀ ਨੇ ਵਿਦਿਆਰਥੀਆਂ ਜਾਂ ਅਧਿਆਪਕਾਂ ਲਈ ਵਿਸ਼ੇਸ਼ ਪੇਸ਼ਕਸ਼ ਦਾ ਵੀ ਐਲਾਨ ਕੀਤਾ ਹੈ। ਵਿਦਿਆਰਥੀਆਂ ਨੂੰ ਇਹ ਡਿਵਾਈਸ 1,24,900 ਰੁਪਏ ਵਿਚ ਮਿਲੇਗਾ।

ਨਿਊ ਮੈਕ ਪ੍ਰੋ (New Mac Pro)

ਇਸ ਦੇ ਨਾਲ ਹੀ ਐਪਲ ਨੇ ਨਵਾਂ ਮੈਕ ਪ੍ਰੋ ਵੀ ਲਾਂਚ ਕੀਤਾ ਹੈ। ਇਹ M2 ਅਲਟਰਾ 24-ਕੋਰ CPU ਦੁਆਰਾ ਸੰਚਾਲਿਤ ਹੈ। ਮੈਕ ਪ੍ਰੋ ਵਿੱਚ ਇਕ ਸਟੇਨਲੈਸ ਸਟੀਲ ਫਰੇਮ ਹੈ ਜੋ ਟਵੀਕਿੰਗ ਅਤੇ ਮੋਡਿਊਲਾਂ ਲਈ ਤਿਆਰ ਕੀਤਾ ਗਿਆ ਹੈ ਜੋ ਫਰੇਮ ਦੇ ਆਲੇ-ਦੁਆਲੇ ਘੁੰਮ ਸਕਦੇ ਹਨ। ਇਹ ਇਕ ਹਾਈ ਐਂਡ ਡੈਸਕਟੌਪ ਕੰਪਿਊਟਰ ਹੈ ਜੋ ਰਚਨਾਤਮਕ ਪੇਸ਼ੇਵਰਾਂ ਅਤੇ ਡਿਜ਼ਾਈਨਰਾਂ ਲਈ ਤਿਆਰ ਕੀਤਾ ਗਿਆ ਹੈ। ਨਵਾਂ ਮੈਕ ਪ੍ਰੋ ਮਾਡਲ 729900 ਰੁਪਏ ਤੋਂ ਸ਼ੁਰੂ ਹੋਵੇਗਾ। ਐਪਲ ਨੇ ਅਪਡੇਟ ਕੀਤੇ ਮੈਕ ਸਟੂਡੀਓ ਦਾ ਵੀ ਐਲਾਨ ਕੀਤਾ ਹੈ। ਇਸ ਨੂੰ ਐਪਲ ਦੇ M2 ਮੈਕਸ ਜਾਂ M2 ਅਲਟਰਾ ਚਿਪਸ ਨਾਲ ਕੰਨਫਿਗਰ ਕੀਤਾ ਜਾ ਸਕਦਾ ਹੈ। ਇਸ ਦੀ ਕੀਮਤ 209,900 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।

ਆਈਓਐਸ 17 (iOS 17)

ਐਪਲ ਨੇ ਅਪਣੇ ਸਲਾਨਾ ਈਵੈਂਟ 'ਚ iOS 17 ਦੀ ਪਹਿਲੀ ਝਲਕ ਦਿਖਾਈ ਹੈ। ਸਾਫਟਵੇਅਰ ਦੇ ਇਸ ਨਵੀਨਤਮ ਸੰਸਕਰਣ ਵਿਚ ਕਈ ਨਵੀਆਂ ਵਿਸ਼ੇਸ਼ਤਾਵਾਂ ਸ਼ਾਮਲ ਕੀਤੀਆਂ ਗਈਆਂ ਹਨ। ਇਸ ਵਾਰ ਐਪਲ ਨੇ ਫੋਨ ਅਤੇ ਮੈਸੇਜ ਐਪਸ 'ਚ ਕਈ ਬਦਲਾਅ ਕੀਤੇ ਹਨ। iOS 17 ਨੇ ਨਵੀਂ ਜਰਨਲ ਐਪ ਦੇ ਨਾਲ ਸਟੈਂਡਬਾਏ ਮੋਡ ਵੀ ਲਿਆਂਦਾ ਹੈ। iOS 'ਤੇ ਆਫਲਾਈਨ ਮੈਪ ਵੀ ਆ ਰਹੇ ਹਨ। ਆਈਓਐਸ 17 ਅਪਡੇਟ ਵਿਚ ਇਕ ਨਵੀਂ ਵਿਸ਼ੇਸ਼ਤਾ ਉਪਲਬਧ ਹੋਵੇਗੀ ਜਿਸ ਰਾਹੀਂ ਫੋਨ ਚਾਰਜਿੰਗ ਦੌਰਾਨ ਲਾਕ ਕੀਤੇ ਆਈਫੋਨ ਸਕ੍ਰੀਨ 'ਤੇ ਹੋਰ ਆਈਟਮਾਂ ਦਿਖਾਈ ਦੇਣਗੀਆਂ। ਇਹ ਨਵਾਂ ਸਟੈਂਡਬਾਏ ਮੋਡ ਚਾਰਜਿੰਗ ਦੌਰਾਨ ਸਕ੍ਰੀਨ ਨੂੰ ਸਮਾਰਟ ਡਿਸਪਲੇਅ ਵਿਚ ਬਦਲ ਦੇਵੇਗਾ। ਸਮਾਂ ਅਤੇ ਮਿਤੀ ਤੋਂ ਇਲਾਵਾ, ਇਹ ਲਾਈਵ ਗਤੀਵਿਧੀ ਨੂੰ ਵੀ ਦਿਖਾਏਗਾ। ਹੁਣ ਸਿਰੀ ਨੂੰ ‘ਸੀਰੀ’ ਕਹਿ ਕੇ ਬੁਲਾਇਆ ਜਾ ਸਕਦਾ ਹੈ। "ਹੇ ਸਿਰੀ!" ਬੋਲਣ ਦੀ ਵੀ ਲੋੜ ਨਹੀਂ। ਹਰੀਜੋਂਟਲ ਚਾਰਜਿੰਗ ਦੇ ਦੌਰਾਨ, ਫੋਨ ਅਪਣੇ ਆਪ ਸਟੈਂਡਬਾਏ ਫੀਚਰ ਵਿਚ ਬਦਲ ਜਾਵੇਗਾ।

iPadOS

iPadOS ਵਿਚ ਪਹਿਲੀ ਵਾਰ, ਕਸਟਮਾਈਜ਼ਡ ਲੌਕ ਸਕ੍ਰੀਨ ਸਪੋਰਟ ਉਪਲਬਧ ਹੈ। ਇਹ ਵਿਸ਼ੇਸ਼ਤਾ ਉਸੇ ਤਰ੍ਹਾਂ ਕੰਮ ਕਰਦੀ ਹੈ ਜਿਵੇਂ ਆਈਫੋਨ ਉਪਭੋਗਤਾ ਆਪਣੀ iOS 16 ਲਾਕ ਸਕ੍ਰੀਨ ਨੂੰ ਅਨੁਕੂਲਿਤ ਕਰਦੇ ਹਨ। ਉਪਭੋਗਤਾ ਆਪਣੇ ਆਈਪੈਡ ਦੀ ਲੌਕ ਸਕ੍ਰੀਨ ਨੂੰ ਵਿਅਕਤੀਗਤ ਬਣਾ ਸਕਦੇ ਹਨ, ਕਸਟਮ ਵਾਲਪੇਪਰ ਸੈਟ ਕਰ ਸਕਦੇ ਹਨ, ਫੌਂਟ ਐਡਜਸਟ ਕਰ ਸਕਦੇ ਹਨ ਅਤੇ ਫੋਕਸ ਮੋਡ ਸੈਟ ਕਰ ਸਕਦੇ ਹਨ। iPadOS 17 ਹੈਲਥ ਐਪ ਦੇ ਆ ਰਿਹਾ ਹੈ ਅਤੇ ਇਹ ਲਾਈਵ ਗਤੀਵਿਧੀਆਂ ਨੂੰ ਪ੍ਰਦਰਸ਼ਿਤ ਕਰਨ ਦੇ ਯੋਗ ਹੋਵੇਗਾ। ਨੋਟਸ ਐਪ ਵਿੱਚ ਇੱਕ ਨਵਾਂ PDF ਅਨੁਭਵ ਵੀ ਉਪਲਬਧ ਹੈ।

macOS Sonoma

ਨਵਾਂ macOS ਸੋਨੋਮਾ ਅਪਡੇਟ ਵਿਚ ਸਕ੍ਰੀਨਸੇਵਰਾਂ ਲਈ ਸਮਰਥਨ ਦਿਤਾ ਗਿਆ ਹੈ। ਇਹ ਸਕ੍ਰੀਨਸੇਵਰ ਦੁਨੀਆ ਭਰ ਦੇ ਸਥਾਨਾਂ ਦੇ ਸਲੋ-ਮੋਸ਼ਨ ਵੀਡੀਓਜ਼ ਦਾ ਸਮਰਥਨ ਕਰਨਗੇ। ਇਹ ਉਪਭੋਗਤਾਵਾਂ ਨੂੰ ਡੈਸਕਟੌਪ ਸਕ੍ਰੀਨ 'ਤੇ ਇੰਟਰਐਕਟਿਵ ਵਿਜੇਟਸ ਨੂੰ ਸ਼ਾਮਲ ਕਰਨ ਦੀ ਵੀ ਆਗਿਆ ਦੇਵੇਗਾ। ਜਦੋਂ ਉਪਭੋਗਤਾ ਐਪ ਵਿਚ ਕੰਮ ਕਰ ਰਹੇ ਹੁੰਦੇ ਹਨ ਤਾਂ ਇਹ ਵਾਲਪੇਪਰ ਨਾਲ ਚੰਗੀ ਤਰ੍ਹਾਂ ਮਿਕਸ ਹੋ ਜਾਵੇਗਾ।


ਟੀਵੀਓਐਸ 17 (tvOS 17)

ਐਪਲ ਨੇ tvOS 17 ਅਪਡੇਟ ਦਾ ਐਲਾਨ ਕੀਤਾ ਹੈ। ਇਕ ਵੱਡੀ ਵਿਸ਼ੇਸ਼ਤਾ: ਐਪਲ ਟੀਵੀ 'ਤੇ ਫੇਸਟਾਈਮ ਆ ਰਿਹਾ ਹੈ। ਨਵੀਂ ਫੇਸਟਾਈਮ ਐਪ ਤੁਹਾਡੇ ਵੱਡੇ-ਸਕ੍ਰੀਨ ਟੀਵੀ 'ਤੇ ਵੀਡੀਓ ਕਾਲਾਂ ਲਿਆਉਣ ਲਈ ਤੁਹਾਡੇ iPhone ਜਾਂ iPad ਕੈਮਰੇ ਦੀ ਵਰਤੋਂ ਕਰਦੀ ਹੈ। ਐਪਲ ਨੇ ਇਹ ਵੀ ਕਿਹਾ ਕਿ ਤੁਸੀਂ ਜਲਦੀ ਹੀ FindMy ਦੀ ਵਰਤੋਂ ਕਰਕੇ ਆਪਣਾ ਗੁਆਚਿਆ Apple TV ਰਿਮੋਟ ਲੱਭ ਸਕੋਗੇ, ਜਦੋਂ ਤਕ ਤੁਹਾਡੇ ਕੋਲ ਨਵਾਂ ਸਿਰੀ ਰਿਮੋਟ ਹੈ।

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Indira Gandhi ਦੇ ਗੁਨਾਹ Rahul Gandhi ਕਿਉਂ ਭੁਗਤੇ' ਉਹ ਤਾਂ ਬੱਚਾ ਸੀ,SGPC ਮੈਂਬਰ ਰਾਹੁਲ ਗਾਂਧੀ ਦੇ ਹੱਕ ‘ਚ ਆਏ..

18 Sep 2025 3:16 PM

Bhai Baldev Singh Wadala meet Harvir Father: ਅਸੀਂ Parvasi ਦੇ ਨਾਂਅ 'ਤੇ ਪੰਜਾਬ 'ਚ ਅਪਰਾਧੀ ਨਹੀਂ ਰਹਿਣ ਦੇਣੇ

18 Sep 2025 3:15 PM

Nepal, Bangladesh, Sri Lanka ਚ ਤਖ਼ਤਾ ਪਲਟ ਤੋਂ ਬਾਅਦ ਅਗਲਾ ਨੰਬਰ ਕਿਸ ਦਾ? Nepal Gen-Z protests | Corruption

17 Sep 2025 3:21 PM

Kapurthala migrant grabs sikh beard : Parvasi ਦਾ Sardar ਨਾਲ ਪੈ ਗਿਆ ਪੰਗਾ | Sikh Fight With migrant

17 Sep 2025 3:21 PM

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM
Advertisement