ਫੇਸਬੁਕ ਨੇ ਕੁੱਝ ਚੋਣਵੀਆਂ ਕੰਪਨੀਆਂ ਨੂੰ ਯੂਜਰ ਦੇ ਦਸਤਾਵੇਜ਼ ਦੇਖਣ ਦਾ ਅਧਿਕਾਰ ਦਿਤਾ ਹੈ। ਦੱਸ ਦਈਏ ਕਿ ਬ੍ਰਿਟਿਸ਼ ਸੰਸਦੀ ਕਮੇਟੀ ਨੇ ਬੁੱਧਵਾਰ ਨੂੰ ਇਸ ਨਾਲ ਸਬੰਧਤ ...
ਫੇਸਬੁਕ ਨੇ ਕੁੱਝ ਚੋਣਵੀਆਂ ਕੰਪਨੀਆਂ ਨੂੰ ਯੂਜ਼ਰ ਦੇ ਦਸਤਾਵੇਜ਼ ਦੇਖਣ ਦਾ ਅਧਿਕਾਰ ਦਿਤਾ ਹੈ। ਦੱਸ ਦਈਏ ਕਿ ਬ੍ਰਿਟਿਸ਼ ਸੰਸਦੀ ਕਮੇਟੀ ਨੇ ਬੁੱਧਵਾਰ ਨੂੰ ਇਸ ਨਾਲ ਸਬੰਧਤ ਈਮੇਲ ਅਤੇ ਹੋਰ ਫੇਸਬੁਕ ਦਸਤਾਵੇਜ਼ ਜਾਰੀ ਕੀਤੇ ਹਨ। ਇਸ ਤੋਂ ਸਾਫ਼ ਹੈ ਕਿ ਸੋਸ਼ਲ ਮੀਡੀਆ ਪਲੇਟਫਾਰਮ ਨੇ ਏਅਰਬੇਂਬ, ਲਿਫਟ ਅਤੇ ਨੈਟਫਲਿਕਸ ਵਰਗੀਆਂ ਕੰਪਨੀਆਂ ਨੂੰ ਯੂਜ਼ਰ ਦੇ ਡਾਟਾ ਲਈ ਵਿਸ਼ੇਸ਼ ਪਹੁੰਚ ਪ੍ਰਦਾਨ ਕੀਤੀ ਹੈ। ਇਸ ਦੇ ਲਈ ਫੇਸਬੁਕ ਨੇ 2012 ਤੋਂ 2015 ਤੱਕ ਦੇ ਦੌਰਾਨ ਉਨ੍ਹਾਂ ਦੀ ਕਾਰਜ ਪ੍ਰਣਾਲੀ ਨੂੰ ਵੇਖਿਆ ਅਤੇ ਉਨ੍ਹਾਂ ਨੂੰ ਨੇਵੀਗੇਟ ਵੀ ਕੀਤਾ।
Facebook
ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਇਹ ਅਧਿਕਾਰ ਦਿਤੇ ਗਏ। ਕਮੇਟੀ ਨੇ ਕਿਹਾ ਕਿ ਦਸਤਾਵੇਜ਼ ਫੇਸਬੁਕ ਨੂੰ ਚੋਣਵੀਆਂ ਕੰਪਨੀਆਂ ਦੇ ਨਾਲ ਇਕਰਾਰਨਾਮੇ ਵਿਚ ਪ੍ਰਵੇਸ਼ ਕਰਨ ਲਈ ਦਿਖਾਉਂਦੇ ਹਨ। ਇਸ ਤੋਂ ਬਾਅਦ ਕੰਪਨੀ ਨੇ ਪਾਲਿਸੀ ਵਿਚ ਬਦਲਾਅ ਕਰਨ ਤੋਂ ਬਾਅਦ ਡਾਟਾ ਤੱਕ ਪੁੱਜਣ ਦੀ ਆਗਿਆ ਦੇ ਦਿਤੀ ਹੈ। ਇਹ ਦਸਤਾਵੇਜ਼ ਸਾਲ 2012 ਤੋਂ 2015 ਦੇ ਵਿਚ ਦੀ ਫੇਸਬੁਕ ਦੀ ਅੰਦਰੂਨੀ ਕੰਮਕਾਜ 'ਤੇ ਰੋਸ਼ਨੀ ਪਾਉਂਦੇ ਹਨ। ਇਹ ਉਹ ਦੌਰ ਸੀ ਜਦੋਂ ਫੇਸਬੁਕ ਨਵੀਂਆਂ ਉਚਾਈਆਂ ਛੂ ਰਿਹਾ ਸੀ ਅਤੇ ਉਹ ਯੂਜ਼ਰ ਦੇ ਡੇਟਾ ਨੂੰ ਮੈਨੇਜ ਕਰਨ ਲਈ ਨਵੇਂ ਰਸਤਿਆਂ ਦੀ ਤਲਾਸ਼ ਵਿਚ ਸੀ।
Netflix
ਕਮੇਟੀ ਨੇ ਕਿਹਾ ਕਿ ਇਨ੍ਹਾਂ ਦਸਤਾਵੇਜ਼ ਨੂੰ ਦੇਖ ਕੇ ਪਤਾ ਚੱਲਦਾ ਹੈ ਕਿ ਫੇਸਬੁਕ ਨੇ ਕੁੱਝ ਚੁਨਿੰਦਾ ਕੰਪਨੀਆਂ ਦੇ ਨਾਲ ਯੂਜ਼ਰ ਦੇ ਡੇਟਾ ਦਾ ਐਕਸੈਸ ਦੇਣ ਲਈ ਐਗਰੀਮੈਂਟ ਕੀਤਾ ਸੀ। ਹਾਲਾਂਕਿ ਇਹ ਡੇਟਾ ਦੇ ਐਕਸੇਸ ਦੀ ਇਹ ਆਗਿਆ ਕੰਪਨੀਆਂ ਦੁਆਰਾ ਪਾਲਿਸੀ ਵਿੱਚ ਬਦਲਾਅ ਤੋਂ ਬਾਅਦ ਦਿਤੀ ਗਈ ਸੀ, ਜਿਸ ਦੇ ਤਹਿਤ ਉਨ੍ਹਾਂ ਨੇ ਇਸ ਡੇਟਾ ਦਾ ਐਕਸੇਸ ਦੂਸਰਿਆਂ ਲਈ ਪਾਬੰਦੀਸ਼ੁਦਾ ਕਰਨ ਦੀ ਗੱਲ ਕਹੀ ਸੀ।
Airbnb
ਈਮੇਲ ਵਿਚ ਇਹ ਵੀ ਸਾਹਮਣੇ ਆਇਆ ਕਿ ਕੰਪਨੀ ਵਿਚ ਇਸ ਗੱਲ ਨੂੰ ਲੈ ਕੇ ਵੀ ਬਹਿਸ ਚੱਲ ਰਹੀ ਸੀ ਕਿ ਜੋ ਐਪ ਡਿਵੈਲਪਰ ਉਨ੍ਹਾਂ ਨੂੰ ਐਡ ਦਿੰਦੇ ਹਨ ਉਨ੍ਹਾਂ ਨੂੰ ਡੇਟਾ ਦਾ ਜ਼ਿਆਦਾ ਐਕਸਸ ਦਿਤਾ ਜਾਵੇ ਜਾਂ ਨਹੀਂ। ਹੋਰ ਮਾਮਲਿਆਂ ਵਿਚ ਫੇਸਬੁਕ ਨੇ ਉਨ੍ਹਾਂ ਕੰਪਨੀਆਂ ਦਾ ਐਕਸਸ ਬੰਦ ਕਰਨ 'ਤੇ ਵੀ ਚਰਚਾ ਕੀਤੀ ਜੋ ਉਨ੍ਹਾਂ ਦੇ ਵਿਰੋਧੀ ਸਨ।
