ਸੈਮਸੰਗ ਗੈਲੈਕਜ਼ੀ ਏ6 ਅਤੇ ਗੈਲੈਕਸੀ ਏ6+ ਨੂੰ ਹਾਲ ਹੀ 'ਚ ਕੰਪਨੀ ਦੀ ਸਰਕਾਰੀ ਸਪੋਰਟ ਵੈੱਬਸਾਈਟ 'ਤੇ ਦੇਖਿਆ ਗਿਆ ਸੀ। ਪਹਿਲਾਂ ਜਿੱਥੇ ਦੋਹਾਂ ਮਿਡ-ਰੇਂਜ ਸਮਾਰਟਫ਼ੋਨ..
ਨਵੀਂ ਦਿੱਲੀ: ਸੈਮਸੰਗ ਗੈਲੈਕਜ਼ੀ ਏ6 ਅਤੇ ਗੈਲੈਕਸੀ ਏ6+ ਨੂੰ ਹਾਲ ਹੀ 'ਚ ਕੰਪਨੀ ਦੀ ਸਰਕਾਰੀ ਸਪੋਰਟ ਵੈੱਬਸਾਈਟ 'ਤੇ ਦੇਖਿਆ ਗਿਆ ਸੀ। ਪਹਿਲਾਂ ਜਿੱਥੇ ਦੋਹਾਂ ਮਿਡ-ਰੇਂਜ ਸਮਾਰਟਫ਼ੋਨ ਬਾਰੇ 'ਚ ਬਹੁਤ ਜ਼ਿਆਦਾ ਜਾਣਕਾਰੀ ਨਹੀਂ ਮਿਲੀ ਸੀ, ਉਥੇ ਹੀ ਲੇਟੈਸਟ ਲੀਕ ਹੋਈ ਖ਼ਬਰ 'ਚ ਇਸ ਹੈਂਡਸੈਟ ਦੇ ਅਹਿਮ ਇਨਟਰਨਲ ਵਿਸ਼ੇਸ਼ਤਾਵਾਂ ਦਾ ਪਤਾ ਚਲਿਆ ਹੈ। ਲੀਕ ਮੁਤਾਬਕ, Galaxy A6 'ਚ Samsung Galaxy A8 (2018) ਦੀ ਤਰ੍ਹਾਂ 5.6 ਇੰਚ ਫੁੱਲ ਐੱਚਡੀ+ ਜਦਕਿ Galaxy A6+ 'ਚ Samsung Galaxy A8+ (2018) ਦੀ ਤਰ੍ਹਾਂ ਇਕ 6.0 ਇੰਚ ਡਿਸਪਲੇ ਹੋ ਸਕਦੀ ਹੈ।
ਦੋਹਾਂ ਵੈਰੀਐਂਟਸ 'ਚ 1080x2220 ਪਿਕਸਲ ਰੈਜ਼ੋਲਿਊਸ਼ਨ ਵਾਲੀ ਇਨਫ਼ਿਨਿਟੀ ਡਿਸਪਲੇ ਹੋਣ ਦੀ ਉਮੀਦ ਹੈ। ਸਕਰੀਨ ਦਾ ਅਸਪੇਕਟ ਰੇਸ਼ੋ 18.5:9 ਹੋਵੇਗਾ ਅਤੇ ਇਸ ਦੀ ਪਿਕਸਲ ਡੈਨਸਿਟੀ 441 ਪੀਪੀਆਈ ਹੋਵੇਗੀ। ਇਸ ਦੇ ਇਲਾਵਾ, ਗੈਲੈਕਜ਼ੀ ਏ6 'ਚ ਆਕਟਾ - ਕੋਰ ਐਕਸੀਨਾਸ 7870 ਪਰੋਸੈੱਸਰ, 3 ਜੀਬੀ ਰੈਮ ਅਤੇ 32 ਜੀਬੀ ਇਨਬਿਲਟ ਸਟੋਰੇਜ ਹੋਵੇਗੀ। ਉਥੇ ਹੀ ਗੈਲੈਕਜ਼ੀ ਏ6+ 'ਚ ਕਵਾਲਕਾਮ ਸਨੈਪਡਰੈਗਨ 450 ਪਰੋਸੈੱਸਰ, 4 ਜੀਬੀ ਰੈਮ ਅਤੇ 32 ਜੀਬੀ ਸਟੋਰੇਜ ਹੋ ਸਕਦੀ ਹੈ। ਹਾਲਾਂਕਿ, ਇਹ ਜਾਣਕਾਰੀ ਲੀਕ 'ਤੇ ਅਧਾਰਿਤ ਹੈ ਇਸ ਲਈ ਇਸ 'ਤੇ ਪੂਰੀ ਤਰ੍ਹਾਂ ਭਰੋਸਾ ਨਹੀਂ ਕਰਨਾ ਚਾਹੀਦਾ।
ਸੈਮਸੰਗ ਗੈਲੈਕਜ਼ੀ ਏ6 ਅਤੇ ਗੈਲੈਕਜ਼ੀ ਏ6+ ਦੇ ਇਸ ਵਿਸ਼ੇਸ਼ਤਾਵਾਂ ਨੂੰ ਪਹਿਲਾਂ ਐਫ਼ਸੀਸੀ ਲਿਸਟਿੰਗ 'ਤੇ ਦੇਖਿਆ ਗਿਆ ਸੀ। ਹਾਲਾਂਕਿ, ਇਸ ਲਿਸਟਿੰਗ ਨਾਲ ਖੁਲਾਸਾ ਹੁੰਦਾ ਹੈ ਕਿ Galaxy A6+ 'ਚ ਕਵਾਲਕਾਮ ਸਨੈਪਡਰੈਗਨ 625 ਪਰੋਸੈੱਸਰ ਹੋ ਸਕਦਾ ਹੈ। ਲੇਟੈਸਟ ਲੀਕ 'ਚ ਵੀ ਇਹੀ ਜਾਣਕਾਰੀ ਸਾਹਮਣੇ ਆਈ ਹੈ। ਲਿਸਟਿੰਗ ਤੋਂ ਇਹ ਵੀ ਪਤਾ ਚੱਲਿਆ ਸੀ ਕਿ ਦੋਹਾਂ ਫ਼ੋਨ ਐਂਡਰਾਇਡ ਓਰੀਯੋ ਅਧਾਰਤ Samsung Experience 9.0 'ਤੇ ਚਲਣਗੇ। ਇਸ ਦੇ ਇਲਾਵਾ, ਸਕਰੀਨਸ਼ਾਟ 'ਚ ਦਿਖ ਰਹੇ ਆਨਸਕਰੀਨ ਬਟਨਾਂ ਤੋਂ ਪਤਾ ਚੱਲਦਾ ਹੈ ਕਿ ਹੋ ਸਕਦਾ ਹੈ ਇਸ ਵੈਰੀਐਂਟ 'ਚ ਫ਼ਿਜ਼ਿਕਲ ਬਟਨ ਨਹੀਂ ਦਿਤਾ ਜਾਵੇ।
ਤੁਹਾਨੂੰ ਦਸ ਦਇਏ ਕਿ ਇਸ ਸਮਾਰਟਫ਼ੋਨ ਦੇ ਲਾਂਚ ਦੀ ਤਰੀਲ, ਕੀਮਤ ਦੀ ਜਾਣਕਾਰੀ ਅਤੇ ਉਪਲਬਧਤਾ ਦੀ ਜਾਣਕਾਰੀ ਹਲੇ ਨਹੀਂ ਮਿਲੀ ਹੈ ਪਰ ਸੈਮਸੰਗ ਦੁਆਰਾ ਲਾਂਚ ਦੇ ਕਰੀਬ ਆਉਂਦੇ ਹੀ ਇਸ ਬਾਰੇ 'ਚ ਸਰਕਾਰੀ ਜਾਣਕਾਰੀ ਮਿਲਣ ਦੀ ਉਮੀਦ ਹੈ।