ਨੋਟਿਸ ਤੋਂ ਬਾਅਦ ਵਟਸਐਪ ਐਕਟਿਵ, ਐਡ ਦੇ ਜ਼ਰੀਏ ਯੂਜ਼ਰਜ਼ ਲਈ ਟਿਪਸ

ਦੇਸ਼ ਵਿਚ ਫਰਜ਼ੀ ਮੈਸੇਜ ਨਾਲ ਮਾਬ ਲਿੰਚਿੰਗ ਦੀ ਵੱਧਦੀ ਘਟਨਾਵਾਂ ਉਤੇ ਕੇਂਦਰ ਸਰਕਾਰ ਦੇ ਨੋਟਿਸ ਤੋਂ ਬਾਅਦ ਜਾਗੋ ਵਟਸਐਪ ਨੇ ਅਖਬਾਰਾਂ ਵਿਚ ਇਸ਼ਤਿਹਾਰ ਜਾਰੀ ਕਰ ਲੋਕਾਂ...

ਨਵੀਂ ਦਿੱਲੀ : ਦੇਸ਼ ਵਿਚ ਫਰਜ਼ੀ ਮੈਸੇਜ ਨਾਲ ਮਾਬ ਲਿੰਚਿੰਗ ਦੀ ਵੱਧਦੀ ਘਟਨਾਵਾਂ ਉਤੇ ਕੇਂਦਰ ਸਰਕਾਰ ਦੇ ਨੋਟਿਸ ਤੋਂ ਬਾਅਦ ਜਾਗੋ ਵਟਸਐਪ ਨੇ ਅਖਬਾਰਾਂ ਵਿਚ ਇਸ਼ਤਿਹਾਰ ਜਾਰੀ ਕਰ ਲੋਕਾਂ ਨੂੰ ਜਾਗਰੂਕ ਕੀਤਾ ਹੈ। ਮੰਗਲਵਾਰ ਨੂੰ ਦੇਸ਼ ਦੇ ਮੁੱਖ ਅਖਬਾਰਾਂ ਵਿਚ ਦਿਤੇ ਇਸ਼ਤਿਹਾਰ ਨੇ ਵਟਸਐਪ ਨੇ ਫਰਜ਼ੀ ਮੈਸੇਜ ਤੋਂ ਬਚਣ ਦੇ 10 ਟਿਪਸ ਦਿਤੇ ਹਨ।

ਇਸ ਦੇ ਨਾਲ ਹੀ ਅਗਲੇ ਕੁੱਝ ਦਿਨਾਂ ਵਿਚ ਅਜਿਹਾ ਫੀਚਰ ਲਿਆਉਣ ਦਾ ਵੀ ਵਾਅਦਾ ਕੀਤਾ ਹੈ, ਜਿਸ ਦੇ ਨਾਲ ਫੇਕ ਮੈਸੇਜ ਦੀ ਪਹਿਚਾਣ ਕੀਤੀ ਜਾ ਸਕੇ। ਦੱਸ ਦਈਏ ਕਿ ਕੇਂਦਰ ਸਰਕਾਰ ਨੇ ਕੰਪਨੀ ਨੂੰ ਫਰਜ਼ੀ ਮੈਸੇਜਾਂ ਉਤੇ ਰੋਕ ਲਗਾਉਣ ਲਈ ਜ਼ਰੂਰੀ ਕਦਮ ਚੁੱਕਣ ਦੇ ਨਿਰਦੇਸ਼ ਦਿਤੇ ਸਨ। ਆਓ ਜੀ ਤੁਹਾਨੂੰ ਦੱਸਦੇ ਹਾਂ ਵਟਸਐਪ ਨੇ ਫੇਕ ਮੈਸੇਜ ਤੋਂ ਬਚਣ ਲਈ ਕੀ - ਕੀ ਟਿਪਸ ਦਿਤੇ ਹਨ।

ਅਸੀਂ ਇਸ ਹਫ਼ਤੇ ਤੋਂ ਤੁਹਾਡੇ ਲਈ ਨਵੀਂ ਵਿਸ਼ੇਸ਼ਤਾ ਲੈ ਕੇ ਆ ਰਹੇ ਹਨ, ਜਿਸ ਦੇ ਨਾਲ ਤੁਹਾਨੂੰ ਇਹ ਪਤਾ ਲਗਾਉਣ ਵਿਚ ਅਸਾਨੀ ਹੋਵੇਗੀ ਕਿ ਕਿਹੜੇ ਮੈਸੇਜ ਫਾਰਵਰਡ ਕੀਤੇ ਗਏ ਹਨ। ਜੇਕਰ ਤੁਹਾਨੂੰ ਫਾਰਵਰਡ ਮੈਸੇਜ ਆਉਂਦਾ ਹੈ ਤਾਂ ਇਸ ਗੱਲ ਦੀ ਜਾਂਚ ਕਰੋ ਕਿ ਕੀ ਉਸ ਮੈਸੇਜ ਵਿਚ ਮੌਜੂਦ ਸਚਾਈ ਸੱਚ ਹੈ ਜਾਂ ਨਹੀਂ।

ਜੇਕਰ ਤੁਸੀਂ ਵਟਸਐਪ ਫਾਰਵਰਡ ਵਿਚ ਕੁੱਝ ਅਜਿਹਾ ਪੜ੍ਹਦੇ ਹੋ ਜਿਸ ਦੇ ਨਾਲ ਤੁਹਾਨੂੰ ਗੁੱਸਾ ਆਉਂਦਾ ਹੈ ਜਾਂ ਡਰ ਲੱਗਦਾ ਹੈ ਤਾਂ ਇਹ ਜਾਣਨ ਦੀ ਕੋਸ਼ਿਸ਼ ਕਰੋ ਕਿ ਕੀ ਉਸ ਮੈਸੇਜ ਦਾ ਉਦੇਸ਼ ਤੁਹਾਡੇ ਮਨ ਵਿਚ ਅਜਿਹੀ ਹੀ ਭਾਵਨਾਵਾਂ ਨੂੰ ਜਗਾਉਣਾ ਸੀ ? ਜੇਕਰ ਜਵਾਬ ਹਾਂ ਹੈ ਤਾਂ ਤੁਸੀਂ ਉਸ ਨੂੰ ਦੂਜਿਆਂ ਦੇ ਨਾਲ ਸਾਂਝਾ ਨਾ ਕਰੋ ਅਤੇ ਨਾ ਹੀ ਫਾਰਵਰਡ ਕਰੋ।

ਅਜਿਹੀ ਘਟਨਾਵਾਂ ਜਾਂ ਕਿੱਸੇ ਜਿਨ੍ਹਾਂ ਉਤੇ ਭਰੋਸਾ ਕਰਨਾ ਥੋੜ੍ਹਾ ਔਖਾ ਹੁੰਦਾ ਹੈ, ਇਹ ਅਕਸਰ ਹੀ ਸੱਚ ਨਹੀਂ ਹੁੰਦੇ। ਅਜਿਹੇ ਵਿਚ ਕਿਸੇ ਹੋਰ ਸਰੋਤ ਤੋਂ ਪਤਾ ਲਗਾਓ ਕਿ ਜਾਣਕਾਰੀ ਸੱਚੀ ਹੈ ਜਾਂ ਨਹੀਂ।

ਅਜਿਹੇ ਮੈਸੇਜ ਜਿਨ੍ਹਾਂ ਵਿਚ ਧੋਖਾ ਜਾਂ ਝੂਠੀ ਖਬਰਾਂ ਹੁੰਦੀਆਂ ਹਨ ਉਨ੍ਹਾਂ ਵਿਚ ਗਲਤ ਵਰਤਣੀ ਦਾ ਪ੍ਰਯੋਗ ਕੀਤਾ ਜਾਂਦਾ ਹੈ। ਅਜਿਹੇ ਸੂਚਕ ਚਿਨ੍ਹਾਂ ਨੂੰ ਧਿਆਨ ਵਿਚ ਰੱਖੋ ਤਾਕਿ ਤੁਸੀਂ ਪਤਾ ਲਗਾ ਸਕੋ ਕਿ ਮੈਸੇਜ ਵਿਚ ਰਖੀ ਹੋਈ ਜਾਣਕਾਰੀ ਸੱਚ ਹੈ ਜਾਂ ਨਹੀਂ।

ਫੋਟੋ ਅਤੇ ਵੀਡੀਓ ਉਤੇ ਅਸਾਨੀ ਨਾਲ ਭਰੋਸਾ ਕਰ ਲਿਆ ਜਾਂਦਾ ਹੈ ਪਰ ਤੁਹਾਨੂੰ ੳਚੰਭੇ 'ਚ ਪਾਉਣ ਲਈ ਫੋਟੋ ਅਤੇ ਵੀਡੀਓ ਨੂੰ ਵੀ ਸੰਪਾਦਤ ਕੀਤਾ ਜਾ ਸਕਦਾ ਹੈ। ਕਦੇ - ਕਦੇ ਫੋਟੋ ਸੱਚੀ ਹੁੰਦੀ ਹੈ ਪਰ ਉਸ ਨਾਲ ਜੁਡ਼ੀ ਕਹਾਣੀ ਨਹੀਂ।

ਅਜਿਹਾ ਲੱਗ ਸਕਦਾ ਹੈ ਕਿ ਮੈਸੇਜ ਵਿਚ ਮੌਜੂਦ ਲਿੰਕ ਕਿਸੇ ਵਾਕਫ਼ ਜਾਂ ਮਸ਼ਹੂਰ ਸਾਈਟ ਦਾ ਹੈ ਪਰ ਜੇਕਰ ਉਸ ਵਿਚ ਗਲਤ ਵਰਤਣੀ ਜਾਂ ਵਚਿੱਤਰ ਵਰਣ ਮੌਜੂਦ ਹੈ ਤਾਂ ਸੰਭਵ ਹੈ ਕਿ ਕੁੱਝ ਗਲਤ ਜ਼ਰੂਰ ਹੈ।