ਜਰਮਨੀ ਦੀ ਕੰਪਨੀ ਲਿਲੀਅਮ ਨੇ ਕੀਤਾ ਸਫ਼ਲ ਪ੍ਰੀਖਣ
ਜਰਮਨੀ- ਤਕਨੀਕ ਇੰਨੀ ਜ਼ਿਆਦਾ ਅੱਗੇ ਵਧ ਗਈ ਹੈ ਕਿ ਅਗਲੇ ਕੁੱਝ ਸਾਲਾਂ ਤਕ ਤੁਹਾਨੂੰ ਕਾਰਾਂ ਵੀ ਹਵਾ ਵਿਚ ਉਡਦੀਆਂ ਨਜ਼ਰ ਆਉਣਗੀਆਂ। ਜੀ ਹਾਂ ਜਰਮਨੀ ਬੇਸਡ ਸਟਾਰਟਅੱਪ ਕੰਪਨੀ ਲਿਲੀਅਮ ਨੇ ਅਪਣੀ ਫਾਈਵ ਸੀਟਰ ਫਲਾਇੰਗ ਟੈਕਸੀ ਦਾ ਸਫ਼ਲ ਪ੍ਰੀਖਣ ਕਰਨ ਵਿਚ ਸਫ਼ਲਤਾ ਹਾਸਲ ਕੀਤੀ ਹੈ। ਇਹ ਫਲਾਇੰਗ ਕਾਰ ਹਵਾ ਵਿਚ ਉਡਦੀ ਨਜ਼ਰ ਆਏਗੀ। ਟੈਸਟ ਤੋਂ ਬਾਅਦ ਇਸ ਟੈਕਸੀ ਨੂੰ ਵਿਸ਼ਵ ਦੇ ਸਾਹਮਣੇ ਪੇਸ਼ ਕੀਤਾ ਗਿਆ ਹੈ।
ਇਹ ਦੁਨੀਆ ਦੀ ਪਹਿਲੀ ਆਲ ਇਲੈਕਟ੍ਰਿਕ ਫਲਾਇੰਸ ਟੈਕਸੀ ਹੈ ਜੋ ਵਰਟੀਕਲ ਟੇਕ ਆਫ਼ ਲੈਂਡਿੰਗ ਕਰਦੀ ਹੈ। ਇਸ ਫਲਾਇੰਗ ਟੈਕਸੀ ਵਿਚ 36 ਇਲੈਕਟ੍ਰਿਕ ਜੈੱਟ ਲੱਗੇ ਹੋਏ ਹਨ। ਇਸ ਫਲਾਇੰਗ ਕਾਰ ਦਾ ਡਿਜ਼ਾਇਨ ਬੇਹੱਦ ਸਿੰਪਲ ਹੈ। ਇਸ ਫਲਾਇੰਗ ਕਾਰ ਵਿਚ ਨਾ ਪ੍ਰੋਪੈਲਰ ਹੈ, ਨਾ ਟੇਲ, ਨਾ ਗਿਅਰ ਬਾਕਸ ਅਤੇ ਨਾ ਹੀ ਇਸ ਵਿਚ ਰਬੜ੍ਹ ਦੀ ਵਰਤੋਂ ਕੀਤੀ ਗਈ ਹੈ।
ਹੌਰੀਜੌਂਟਲ ਉਡਾਨ ਭਰਨ ਵਾਲੀ ਇਹ ਟੈਕਸੀ ਲੰਬੀ ਦੂਰੀ ਤੈਅ ਕਰਨ ਵਿਚ ਸਮਰੱਥ ਹੈ ਜੋ 300 ਕਿਲੋਮੀਟਰ ਪ੍ਰਤੀ ਘੰਟਾ ਟਾਪ ਸਪੀਡ ਅਤੇ ਸਿੰਗਲ ਚਾਰਜ ਵਿਚ 300 ਕਿਲੋਮੀਟਰ ਦੀ ਦੂਰੀ ਤੈਅ ਕਰ ਸਕਦੀ ਹੈ। ਇਸ ਵਿਚ ਲੱਗੇ 36 ਇਲੈਕਟ੍ਰੋਨਿਕ ਜੈੱਟ 2000 ਹਾਰਸ ਪਾਵਰ ਦੀ ਤਾਕਤ ਪ੍ਰੋਡਿਊਸ ਕਰਦੇ ਹਨ। ਕੰਪਨੀ ਉਬਰ ਦੀ ਤਰਜ਼ 'ਤੇ ਐਪ ਵੀ ਡਿਜ਼ਾਇਨ ਕਰ ਰਹੀ ਹੈ ਤਾਂ ਜੋ ਇਸ ਨੂੰ ਆਨ ਡਿਮਾਂਡ ਏਅਰ ਟੈਕਸੀ ਸਰਵਿਸ ਵੀ ਸ਼ੁਰੂ ਕੀਤਾ ਜਾ ਸਕੇ।
ਕੰਪਨੀ ਅਨੁਸਾਰ ਇਸ ਫਲਾਇੰਗ ਟੈਕਸੀ ਦਾ ਸੰਚਾਲਨ 2025 ਤਕ ਸ਼ੁਰੂ ਹੋਣ ਦੀ ਉਮੀਦ ਹੈ। ਇਸ ਤੋਂ ਪਹਿਲਾਂ ਜੈੱਟਪੈਕ ਨਾਂਅ ਦੀ ਇਕ ਕੰਪਨੀ ਉਡਣ ਵਾਲਾ ਬਾਈਕ ਵੀ ਬਣਾ ਚੁੱਕੀ।