ਇੰਟਰਨੈਟ ਦੇ ਇਸ ਯੁੱਗ ਵਿਚ ਅਕਸਰ ਅਸੀਂ ਫਰੀ ਵਾਈ - ਫਾਈ ਦਾ ਇਸਤੇਮਾਲ ਕਰਨਾ ਪਸੰਦ ਕਰਦੇ ਹਾਂ ਪਰ ਕਈ ਵਾਰ ਮੁਫਤ ਦੇ ਫੇਰ ਵਿਚ ਪਬਲਿਕ ਵਾਈ - ਫਾਈ ਦਾ ਇਸਤੇਮਾਲ ਕਰਨਾ ...
ਨਵੀਂ ਦਿੱਲੀ (ਭਾਸ਼ਾ) :- ਇੰਟਰਨੈਟ ਦੇ ਇਸ ਯੁੱਗ ਵਿਚ ਅਕਸਰ ਅਸੀਂ ਫਰੀ ਵਾਈ - ਫਾਈ ਦਾ ਇਸਤੇਮਾਲ ਕਰਨਾ ਪਸੰਦ ਕਰਦੇ ਹਾਂ ਪਰ ਕਈ ਵਾਰ ਮੁਫਤ ਦੇ ਫੇਰ ਵਿਚ ਪਬਲਿਕ ਵਾਈ - ਫਾਈ ਦਾ ਇਸਤੇਮਾਲ ਕਰਨਾ ਭਾਰੀ ਵੀ ਪੈ ਸਕਦਾ ਹੈ। ਜੇਕਰ ਕਿਸੇ ਹੈਕਰ ਨੇ ਪਬਲਿਕ ਵਾਈ - ਫਾਈ ਦੇ ਜਰੀਏ ਤੁਹਾਡਾ ਸਮਾਰਟਫੋਨ ਹੈਕ ਕਰ ਲਿਆ, ਤਾਂ ਉਸ ਦੇ ਕੋਲ ਤੁਹਾਡੀ ਸਾਰੀ ਜਾਣਕਾਰੀ ਪਹੁੰਚ ਸਕਦੀ ਹੈ। ਤੁਹਾਡੀ ਹਰ ਐਕਟੀਵਿਟੀ ਨੂੰ ਹੈਕਰ ਟ੍ਰੈਕ ਕਰ ਸਕਦਾ ਹੈ।
Public Wifi
ਕਈ ਵਾਰ ਹੈਕਰ ਵਾਈ - ਫਾਈ ਨੂੰ ਓਪਨ ਛੱਡ ਦਿੰਦੇ ਹਨ ਮਤਲਬ ਬਿਨਾਂ ਪਾਸਵਰਡ ਦੇ। ਤੁਸੀਂ ਜਿਵੇਂ ਹੀ ਵਾਈ - ਫਾਈ ਨੂੰ ਕਨੈਕਟ ਕਰਕੇ ਇੰਟਰਨੈਟ ਦਾ ਇਸਤੇਮਾਲ ਕਰਦੇ ਹੋ ਤਾਂ ਹੈਕਰ ਤੁਹਾਡੀ ਡਿਵਾਈਸ ਦਾ ਮੈਕ ਅਤੇ ਆਈਪੀ ਐਡਰੈਸ ਰਾਉਟਰ ਵਿਚ ਦਰਜ ਕਰ ਲੈਂਦੇ ਹਨ। ਹੈਕਰ ਸੱਭ ਤੋਂ ਪਹਿਲਾਂ ਸਨਿਫਿੰਗ ਟੂਲ ਯੂਜ਼ ਕਰ ਕੇ ਟਰੈਫਿਕ ਨੂੰ ਇੰਟਰਸੈਪਟ ਕਰਦੇ ਹਨ।
Public Wifi
ਡਾਟਾ ਪੈਕੇਟਸ ਦੇ ਰੂਪ ਵਿਚ ਟਰਾਂਸਫਰ ਹੁੰਦਾ ਹੈ ਅਤੇ ਹੈਕਰ ਦੇ ਕੋਲ ਕਈ ਤਰ੍ਹਾਂ ਦੇ ਟੂਲ ਹੁੰਦੇ ਹਨ, ਜੋ ਇਸ ਪੈਕੇਟਸ ਨੂੰ ਇੰਟਰਸੈਪਟ ਕਰਕੇ ਤੁਹਾਡੀ ਬਰਾਉਜਿੰਗ ਹਿਸਟਰੀ ਆਸਾਨੀ ਨਾਲ ਜਾਣ ਸਕਦੇ ਹਨ। ਇਸ ਦੇ ਲਈ ਹੈਕਰ ਆਮ ਤੌਰ 'ਤੇ ਵਾਇਰਸ਼ਾਰਕ ਪੈਕੇਟ ਸਨਿਫਿੰਗ ਟੂਲ ਦਾ ਇਸਤੇਮਾਲ ਕਰਦੇ ਹਨ। ਅਜਿਹੇ ਵਿਚ ਫਰੀ ਵਾਈ - ਫਾਈ ਦੇ ਇਸਤੇਮਾਲ ਦੇ ਦੌਰਾਨ ਸੁਚੇਤ ਰਹੋ।
Public Wifi
ਫਿੰਗ ਥਰਡ ਪਾਰਟੀ ਐਪ ਹੈ, ਜੋ ਵਾਈਫਾਈ ਰਾਉਟਰ ਤੋਂ ਅਣਚਾਹੇ ਡਿਵਾਈਸ ਨੂੰ ਬਲੌਕ ਕਰ ਦਿੰਦਾ ਹੈ। ਇਸ ਵਿਚ ਰੀਫਰੈਸ਼ ਅਤੇ ਸੈਟਿੰਗ ਦੇ ਆਪਸ਼ਨ ਵਿਖਾਈ ਦੇਣਗੇ। ਰੀਫਰੈਸ਼ 'ਤੇ ਕਲਿਕ ਕਰਦੇ ਹੀ ਵਾਈ - ਫਾਈ ਨਾਲ ਕਨੈਕਟ ਹੋਈ ਡਿਵਾਈਸ ਦੀ ਲਿਸਟ ਵਿਖਾਈ ਦੇਵੇਗੀ। ਇੱਥੋਂ ਤੁਸੀਂ ਅਣਚਾਹੇ ਕਨੈਕਸ਼ਨ ਨੂੰ ਬਲੌਕ ਕਰ ਸਕਦੇ ਹੋ। ਇਸ ਐਪ ਦੇ ਜ਼ਰੀਏ ਵੈਬਸਾਈਟ ਅਤੇ ਨੈੱਟਵਰਕ ਦੀ ਪਿੰਗ ਮਾਨੀਟਰਿੰਗ ਵੀ ਕਰ ਸਕਦੇ ਹੋ।
