ਇਸ ਲਈ ਬੱਚਿਆਂ ਦੀ ਪੂਰੀ ਪੜ੍ਹਾਈ ਆਨਲਾਈਨ ਕਲਾਸਾਂ ਵਿਚ ਹੀ ਗੁਜ਼ਰ ਰਹੀ ਹੈ।
ਨਵੀਂ ਦਿੱਲੀ- ਕੋਰੋਨਾ ਕਾਲ ਦੌਰਾਨ ਪੂਰੀ ਦੁਨੀਆਂ ਵਿਚ ਘਰੋਂ ਕੰਮ ਕਰਨ ਦਾ ਰੁਝਾਨ ਸ਼ੁਰੂ ਹੋਇਆ। ਗੂਗਲ ਅਤੇ ਟਵਿਟਰ ਵਰਗੀਆਂ ਕਈ ਕੰਪਨੀਆਂ ਨੇ ਤਾਂ ਹਮੇਸ਼ਾ ਲਈ ਘਰ ਤੋਂ ਕੰਮ ਕਰਨ ਦੀ ਸੁਵਿਧਾ ਦੇ ਦਿੱਤੀ ਹੈ। ਕੋਰੋਨਾ ਮਹਾਂਮਾਰੀ ਨੇ ਜਿਥੇ ਕਈ ਦੁਕਾਨਾਂ ਵਿਚ ਤਾਲੇ ਲਗਵਾ ਦਿਤੇ ਤਾਂ ਉਥੇ ਹੀ ਕਈ ਦੁਕਾਨਦਾਰਾਂ ਨੇ ਇਸ ਆਫ਼ਤ ਵਿਚ ਨਵੇਂ ਰੀਕਾਰਡ ਕਾਇਮ ਕਰ ਲਏ। ਦਰਅਸਲ ਘਰ ਤੋਂ ਕੰਮ ਕਰਨ ਦੇ ਚਲਦੇ, ਲੋਕਾਂ ਨੂੰ ਇਸ ਦੌਰਾਨ ਜੇਕਰ ਸੱਭ ਤੋਂ ਜ਼ਿਆਦਾ ਲੋੜ ਸੀ ਤਾਂ ਉਹ ਸੀ ਕੰਪਿਊਟਰ ਜਾਂ ਲੈਪਟਾਪ ਦੀ। ਦੂਜੇ ਪਾਸੇ ਸਕੂਲਾਂ ਅਤੇ ਕਾਲਜਾਂ ਦਾ ਵੀ ਇਹੀ ਹਾਲ ਰਿਹਾ।
ਇਸ ਲਈ ਬੱਚਿਆਂ ਦੀ ਪੂਰੀ ਪੜ੍ਹਾਈ ਆਨਲਾਈਨ ਕਲਾਸਾਂ ਵਿਚ ਹੀ ਗੁਜ਼ਰ ਰਹੀ ਹੈ।ਇਨ੍ਹਾਂ ਦੋ ਵੱਡੇ ਕਾਰਨਾਂ ਨੇ ਭਾਰਤ ਦੇ ਪਰਸਨਲ ਕੰਪਿਊਟਰ ਬਾਜ਼ਾਰ (ਪੀ.ਸੀ.) ਦੀ ਵਿਕਰੀ ਨੂੰ ਅਸਮਾਨ ਤਕ ਪਹੁੰਚਾ ਦਿਤਾ। ਇਹੀ ਕਾਰਨ ਰਿਹਾ ਕਿ ਜੁਲਾਈ-ਸਤੰਬਰ ਦੌਰਾਨ ਭਾਰਤ ਵਿਚ ਪਰਸਨਲ ਕੰਪਿਊਟਰ ਦੀ ਵਿਕਰੀ 34 ਲੱਖ ਯੂਨਿਟ ਰਹੀ, ਜੋ ਕਿ 2013 ਤੋਂ ਬਾਅਦ ਸੱਭ ਤੋਂ ਜ਼ਿਆਦਾ ਹੈ। ਆਈ.ਡੀ.ਸੀ. ਦੇ ਡਾਟਾ ਮੁਤਾਬਕ, ਹਾਲਾਂਕਿ ਕਮਰਸ਼ੀਅਲ ਸੈਗਮੈਂਟ ਵਿਚ ਬਹੁਤ ਹੀ ਘੱਟ ਸਰਕਾਰੀ ਅਤੇ ਐਜੂਕੇਸ਼ਨਲ ਪ੍ਰਾਜੈਕਟਸ ਸਨ, ਜਦਕਿ ਕੰਜ਼ਿਊਮਰ ਸੈਗਮੈਂਟ ਵਿਚ ਜੁਲਾਈ-ਸਤੰਬਰ ਤਿਮਾਹੀ ਦੌਰਾਨ ਰੀਕਾਰਡ ਤੋੜ 20 ਲੱਖ ਕੰਪਿਊਟਰ ਵੇਚੇ ਗਏ।
ਪਹਿਲੀ ਤਿਮਾਹੀ ਯਾਨੀ ਅਪ੍ਰੈਲ-ਜੂਨ ਦੌਰਾਨ ਹੀ ਡੈਸਕਟਾਪ, ਨੋਟਬੁਕਸ ਅਤੇ ਵਰਕ ਸਟੇਸ਼ਨ ਦੀ ਮੰਗ ਨੇ ਰੀਕਾਰਡ ਵਿਕਰੀ ਦਰਜ ਕੀਤੀ ਕਿਉਂਕਿ ਕੰਪਨੀਆਂ ਨੇ ਕਾਮਿਆਂ ਤੋਂ ਘਰ ਤੋਂ ਕੰਮ ਕਰਨ ਲਈ ਵੱਡੀ ਗਿਣਤੀ ਵਿਚ ਕੰਪਿਊਟਰਜ਼ ਦੀ ਖ਼ਰੀਦਦਾਰੀ ਕੀਤੀ ਸੀ। ਦੂਜੀ ਤਿਮਾਹੀ ਵਿਚ ਇਹ ਜਾਰੀ ਰਿਹਾ ਅਤੇ ਸਾਲਾਨਾ ਆਧਾਰ 'ਤੇ ਵਿਕਰੀ 105 ਫ਼ੀ ਸਦੀ ਤੋਂ ਵੀ ਜ਼ਿਆਦਾ ਵਧੀ। ਆਈ.ਡੀ.ਸੀ. ਇੰਡੀਆ ਮੁਤਾਬਕ, ਸਕੂਲ ਅਤੇ ਕਾਲਜ ਨੇ ਆਨਲਾਈਨ ਕਲਾਸਾਂ ਜਾਰੀ ਰਖੀਆਂ ਜਿਸ ਕਾਰਨ ਨੋਟਬੁਕਸ ਦੀ ਮੰਗ ਵਿਚ ਜ਼ਬਰਦਸਤ ਤੇਜ਼ੀ ਰਹੀ ਜਿਸ ਵਿਚ ਵੱਡੇ ਸ਼ਹਿਰਾਂ ਦਾ ਹਿੱਸਾ ਜ਼ਿਆਦਾ ਸੀ। ਨੋਟਬੁਕ ਪੀ.ਸੀ. ਦੀ ਮੰਗ ਸਪਲਾਈ ਤੋਂ ਜ਼ਿਆਦਾ ਰਹੀ ਹੈ, ਐਪਲ ਦੀ ਵਿਕਰੀ ਵੀ 6. ਸਾਲਾਨਾ ਆਧਾਰ 'ਤੇ 19.4 ਫ਼ੀ ਸਦੀ ਵਧੀ ਹੈ, ਜੋ ਕਿ ਭਾਰਤ ਵਿਚ ਉਸ ਦਾ ਸੱਭ ਤੋਂ ਜ਼ਿਆਦਾ ਹੈ।
