ਆਰਥਕ ਸੰਕਟ ਨਾਲ ਘਿਰੇ ਯੈੱਸ ਬੈਂਕ ਦੀ ਮਦਦ ਲਈ ਜਿਸ SBI ਨੇ ਉਸ ਨੂੰ ਉਭਾਰਨ ਲਈ ਹੱਥ ਵਧਾਇਆ ਹੈ, ਉਸ ਦਾ ਸਭ ਤੋਂ ਜ਼ਿਆਦਾ ਕਰਜ਼ਾ ਮਾਰਕਿਟ ਵਿੱਚ ਡੁੱਬਿਆ ਹੋਇਆ ਹੈ।
ਨਵੀਂ ਦਿੱਲੀ: ਆਰਥਕ ਸੰਕਟ ਨਾਲ ਘਿਰੇ ਯੈੱਸ ਬੈਂਕ ਦੀ ਮਦਦ ਲਈ ਜਿਸ ਸਟੇਟ ਬੈਂਕ ਆਫ ਇੰਡੀਆ ਨੇ ਉਸ ਨੂੰ ਉਭਾਰਨ ਲਈ ਹੱਥ ਵਧਾਇਆ ਹੈ, ਉਸ ਦਾ ਸਭ ਤੋਂ ਜ਼ਿਆਦਾ ਕਰਜ਼ਾ ਮਾਰਕਿਟ ਵਿੱਚ ਡੁੱਬਿਆ ਹੋਇਆ ਹੈ। ਜਨਤਕ ਖੇਤਰ ਦੇ ਬੈਂਕਾਂ ਵਿਚ ਕਿਸੇ ਵੀ ਬੈਂਕ ਦਾ ਐਨਪੀਏ (Non Performing Assets) ਐਸਬੀਆਈ ਤੋਂ ਘੱਟ ਹੀ ਹੈ।
Photo
ਪਿਛਲੇ ਪੰਜ ਸਾਲਾਂ ਵਿਚ ਹੀ ਇਸ ਦਾ ਡੁੱਬਣ ਵਾਲਾ ਪੈਸਾ ਕਰੀਬ ਤਿੰਨ ਗੁਣਾ ਵਧ ਚੁੱਕਾ ਹੈ। 2014-15 ਵਿਚ ਸਟੇਟ ਬੈਂਕ ਆਫ ਇੰਡੀਆ ਦਾ ਡੁੱਬਿਆ ਕਰਜ਼ਾ 56,738 ਕਰੋੜ ਰੁਪਏ ਸੀ ਜੋ ਹੁਣ ਵਧ ਕੇ 1,59,661 ਕਰੋੜ ਰੁਪਏ ਹੋ ਚੁੱਕਾ ਹੈ। ਸਟੇਟ ਬੈਂਕ ਦੇ ਚੇਅਰਮੈਨ ਰਜਨੀਸ਼ ਕੁਮਾਰ ਨੇ ਸ਼ਨੀਵਾਰ 7 ਮਾਰਚ ਨੂੰ ਪ੍ਰੈੱਸ ਕਾਨਫਰੰਸ ਕਰਕੇ ਕਿਹਾ ਸੀ ਕਿ ਯੈੱਸ ਬੈਂਕ ਨੂੰ ਸੰਕਟ ‘ਚੋਂ ਨਿਕਲਣ ਲਈ 20 ਹਜ਼ਾਰ ਕਰੋੜ ਰੁਪਏ ਦੀ ਜ਼ਰੂਰਤ ਹੈ।
Photo
ਉਹਨਾਂ ਦਾ ਬੈਂਕ ਫਿਲਹਾਲ ਇਸ ਵਿਚ 2450 ਕਰੋੜ ਰੁਪਏ ਨਿਵੇਸ਼ ਕਰੇਗਾ। ਸਟੇਟ ਬੈਂਕ ਆਫ ਇੰਡੀਆ ਵਿਚ 6 ਬੈਂਕਾਂ ਦਾ ਰਲੇਵਾਂ ਹੋਇਆ ਹੈ। ਕੇਂਦਰੀ ਵਿੱਤ ਮੰਤਰਾਲੇ ਦੇ ਅੰਕੜਿਆਂ ਮੁਤਾਬਕ ਸਾਲ 2016-17 ਵਿਚ ਸਟੇਟ ਬੈਂਕ ਆਫ ਹੈਦਰਾਬਾਦ ਦਾ ਕੁੱਲ ਡੁੱਬਿਆ ਹੋਇਆ ਕਰਜ਼ਾ 18,212 ਕਰੋੜ ਰੁਪਏ ਦਾ ਸੀ। ਜਦਕਿ ਐਸਬੀਆਈ ਵਿਚ ਮਰਜ ਹੋਣ ਵਾਲੇ ਸਟੇਟ ਬੈਂਕ ਆਫ ਪਟਿਆਲਾ ਦਾ 17,847 ਕਰੋੜ ਰੁਪਏ ਕਰਜ਼ਾ ਡੁੱਬਿਆ ਸੀ।
Photo
ਸਟੇਟ ਬੈਂਕ ਆਫ ਬੀਕਾਨੇਰ ਐਂਡ ਜੈਪੁਰ ਦਾ 10,677 ਕਰੋੜ, ਸਟੇਟ ਬੈਂਕ ਆਫ ਮੈਸੂਰ ਦਾ 9,915 ਕਰੋੜ ਅਤੇ ਸਟੇਟ ਬੈਂਕ ਆਫ ਤਰਾਵਨਕੋਰ ਦਾ 8817 ਕਰੋੜ ਰੁਪਏ ਦਾ ਐਨਪੀਏ ਸੀ। ਰਲੇਵੇਂ ਸਮੇਂ ਭਾਰਤੀ ਮਹਿਲਾ ਬੈਂਕ ਵਿਚ 55 ਕਰੋੜ ਰੁਪਏ ਦਾ ਐਨਪੀਏ ਸੀ।
Photo
ਪੀਐਨਬੀ ਦਾ ਡੁੱਬਿਆ ਕਰਜ਼ ਵੀ ਤਿੰਨ ਗੁਣਾ ਵਧਿਆ
ਸਰਕਾਰੀ ਖੇਤਰ ਦੇ ਦੂਜੇ ਵੱਡੇ ਪੰਜਾਬ ਨੈਸ਼ਨਲ ਬੈਂਕ ਦਾ ਵੀ ਡੁੱਬਿਆ ਕਰਜ਼ਾ ਤਿੰਨ ਗੁਣਾ ਵਧ ਗਿਆ ਹੈ। ਪੰਜ ਸਾਲ ਪਹਿਲਾਂ 2014-15 ਵਿਚ ਇਸ ਦਾ ਐਨਪੀਏ 25,695 ਕਰੋੜ ਰੁਪਏ ਸੀ ਜੋ ਇਕ ਸਾਲ ਵਿਚ ਹੀ ਦੁੱਗਣਾ ਹੋ ਕੇ 55 ਹਜ਼ਾਰ ਕਰੋੜ ਤੋਂ ਜ਼ਿਆਦਾ ਹੋ ਗਿਆ ਹੈ। 2019-20 ਵਿਚ ਇਸ ਦਾ ਡੁੱਬਿਆ ਕਰਜ਼ਾ 76,809 ਕਰੋੜ ਰੁਪਏ ਹੋ ਗਿਆ ਹੈ।
