ਦੁਬਈ ਵਿੱਚ Municipal inspectors ਨੇ ਹਾਲ ਹੀ ਵਿੱਚ ਪ੍ਰਤੀ ਮਹੀਨੇ ਕਰੀਬ 2,70,000 ਦਿਰਹਮ (ਕਰੀਬ 73,500 ਡਾਲਰ) ਕਮਾਉਣ ਵਾਲੇ ਇੱਕ ਮੰਗਤੇ ਨੂੰ ਫੜਿਆ। ਸਥਾਨਕ ਮੀਡੀਆ ਦੀ ਰਿਪੋਰਟ ਦੇ ਅਨੁਸਾਰ, ਦੁਬਈ Municipal inspectors ਦੇ ਮਾਰਕਿਟ ਸੈਕਸ਼ਨ ਦੇ ਪ੍ਰਮੁੱਖ ਫੈਜ਼ਲ ਅਲ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਸ ਸਾਲ ਦੀ ਪਹਿਲੀ ਤਿਮਾਹੀ ਵਿੱਚ 59 ਮੰਗਤਿਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਇਹ ਗ੍ਰਿਫਤਾਰੀਆਂ Municipal inspectors ਦੁਆਰਾ ਅਮੀਰਾਤ ਦੀ ਪੁਲਿਸ ਦੇ ਨਾਲ ਮਿਲਕੇ ਚਲਾਏ ਗਏ ਇੱਕ ਮੁਹਿੰਮ ਦਾ ਹਿੱਸਾ ਹਨ। ਇਸਦਾ ਮਕਸਦ ਦੁਬਈ ਵਿੱਚ ਭੀਖ ਮੰਗਣਾ ਰੋਕਣਾ ਹੈ । ਫੈਜ਼ਲ ਅਲ ਨੇ ਦੱਸਿਆ, ਕੁਝ ਭਿਖਾਰੀਆਂ ਦੇ ਕੋਲ ਤੋਂ ਪਾਸਪੋਰਟ ਅਤੇ ਵਪਾਰ ਅਤੇ Tourists ਵੀਜੇ ਵੀ ਮਿਲੇ ਸਨ। ਉਨ੍ਹਾਂ ਨੇ ਕਿਹਾ , ਇਹ ਮੁਹਿੰਮ ਦੇ ਦੌਰਾਨ ਅਸੀ ਇਹ ਦੇਖਿਆ ਹੈ ਕਿ ਜਿਆਦਾਤਰ ਮੰਗਤੇ ਦੇਸ਼ ਵਿੱਚ ਤਿੰਨ ਮਹੀਨੇ ਦੇ ਵੀਜੇ ਦੇ ਨਾਲ ਕਾਨੂੰਨੀ ਰੂਪ ਨਾਲ ਦਾਖਲ ਹੋਏ ਸਨ।
ਉਨ੍ਹਾਂ ਨੇ ਅਜਿਹਾ ਦੇਸ਼ ਵਿੱਚ ਰਹਿ ਕੇ ਜ਼ਿਆਦਾ ਤੋਂ ਜ਼ਿਆਦਾ ਪੈਸਾ ਕਮਾਉਣ ਲਈ ਕੀਤਾ ਸੀ । ਕਾਰਵਾਈ ਵਿੱਚ ਇੱਕ ਮੰਗਤੇ ਦੇ ਪ੍ਰਤੀ ਮਹੀਨੇ ਕਰੀਬ 73,500 ਡਾਲਰ ਕਮਾਉਣ ਦੀ ਗੱਲ ਵੀ ਸਾਹਮਣੇ ਆਈ ਹੈ। ਫੈਜ਼ਲ ਅਲ ਨੇ ਕਿਹਾ, ਰੋਜੇ ਵਾਲੇ ਦਿਨ ਜ਼ਿਆਦਾ ਕਮਾਈ ਹੁੰਦੀ ਹੈ। ਇਸ ਦਿਨ ਮੰਗਤੇ ਮਸਜਿਦ ਦੇ ਸਾਹਮਣੇ ਲਾਈਨ ਵਿੱਚ ਖੜੇ ਰਹਿੰਦੇ ਹਨ।
ਦੱਸ ਦਈਏ ਕਿ ਅਜਿਹਾ ਪਹਿਲਾ ਮਾਮਲਾ ਨਹੀਂ ਹੈ, ਜਦੋਂ ਕਿਸੇ ਭਿਖਾਰੀ ਬਾਰੇ ਅਜਿਹਾ ਖੁਲਾਸਾ ਹੋਇਆ ਹੋਵੇ। ਇਸ ਤੋਂ ਪਹਿਲਾਂ ਮੁੰਬਈ ਵਿੱਚ ਅਜਿਹੇ ਅਨੇਕਾਂ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਇੱਥੋਂ ਤੱਕ ਕਿ ਇੱਕ ਭਿਖਾਰੀ ਦੀ ਜਦੋਂ ਮੌਤ ਹੋਈ ਸੀ ਤਾਂ ਉਸਦੇ ਕੋਲ ਰੱਖੀ ਬੋਰੀ ਵਿੱਚ ਕਰੋੜਿਆਂ ਰੁਪਇਆ ਪਿਆ ਸੀ ।
ਇਸ ਤੋਂ ਇਲਾਵਾ ਇੱਕ ਹੋਰ ਮਾਮਲੇ ਵਿੱਚ ਜਦੋਂ ਭਿਖਾਰੀਆਂ ਦੇ ਰਹਿਣ ਵਾਲੀ ਥਾਂ ਨੂੰ ਅੱਗ ਲੱਗੀ ਤਾਂ ਭਿਖਾਰੀਆਂ ਦਾ ਕਰੋੜਾਂ ਰੁਪਇਆ ਸੜ ਗਿਆ। ਇਸ ਗੱਲ ਦਾ ਖੁਲਾਸਾ ਉਸ ਵੇਲੇ ਹੋਇਆ ਜਦੋਂ ਪੁਲਿਸ ਨੂੰ ਮੌਕੇ ਉਤੇ ਵੱਡੀ ਗਿਣਤੀ ਵਿੱਚ ਅਧਜਲੇ ਨੋਟ ਬਰਾਮਦ ਹੋਏ । ਇੱਥੇ ਇਹ ਵੀ ਵਰਣਨਯੋਗ ਹੈ ਕਿ ਭੀਖ ਮੰਗਣ ਨੂੰ ਬਹੁਤ ਸਾਰੇ ਦੇਸ਼ਾਂ ਵਿੱਚ ਅਪਰਾਧ ਮੰਨਿਆ ਜਾਂਦਾ ਹੈ ਅਤੇ ਅਜਿਹਾ ਕਰਨ ਉਤੇ ਇਨਾਂ ਦੇਸ਼ਾਂ ਵਿੱਚ ਸਖਤ ਸਜਾ ਵੀ ਦਿੱਤੀ ਜਾਂਦੀ ਹੈ ।
