ਕੇਂਦਰ ਸਰਕਾਰ ਦੀ ਪ੍ਰੋਡਕਸ਼ਨ ਲਿੰਕਡ ਇਨਸੈਂਟਿਵ ਸਕੀਮ (PLI Scheme) ਦੇ ਤਹਿਤ ਇਹ ਕੰਪਨੀਆਂ ਅਗਲੇ ਪੰਜ ਸਾਲ ਵਿਚ 11.5 ਲੱਖ ਕਰੋੜ ਦਾ ਉਤਪਾਦਨ ਕਰਨਗੀਆਂ।
ਨਵੀਂ ਦਿੱਲੀ: ਆਈਟੀ ਮੰਤਰੀ ਰਵਿਸ਼ੰਕਰ ਪ੍ਰਸਾਦ ਨੇ ਸ਼ਨੀਵਾਰ ਨੂੰ ਐਲ਼ਾਨ ਕੀਤਾ ਕਿ ਪੇਗਾਟ੍ਰੋਨ, ਸੈਮਸੰਗ, ਲਾਵਾ ਅਤੇ ਡਿਕਸਨ ਆਦਿ ਇਲੈਕਟ੍ਰਾਨਿਕ ਨਿਰਮਾਤਾ ਕੰਪਨੀਆਂ ਨੇ ਭਾਰਤ ਵਿਚ ਮੋਬਾਈਲ ਡਿਵਾਇਸ ਅਤੇ ਉਹਨਾਂ ਦੇ ਪੁਰਜ਼ੇ ਬਣਾਉਣ ਦਾ ਪ੍ਰਸਤਾਵ ਦਿੱਤਾ ਹੈ। ਕੇਂਦਰ ਸਰਕਾਰ ਦੀ ਪ੍ਰੋਡਕਸ਼ਨ ਲਿੰਕਡ ਇਨਸੈਂਟਿਵ ਸਕੀਮ (PLI Scheme) ਦੇ ਤਹਿਤ ਇਹ ਕੰਪਨੀਆਂ ਅਗਲੇ ਪੰਜ ਸਾਲ ਵਿਚ 11.5 ਲੱਖ ਕਰੋੜ ਦਾ ਉਤਪਾਦਨ ਕਰਨਗੀਆਂ।
Mobile
ਇਸ ਨਾਲ ਦੇਸ਼ ਵਿਚ ਇਲੈਕਟ੍ਰਾਨਿਕਸ ਮੈਨੂਫੈਕਚਰਿੰਗ ਨੂੰ ਉਤਸ਼ਾਹ ਮਿਲ ਸਕੇਗਾ। ਪੀਐਲਆਈ ਸਕੀਮ ਦੇ ਤਹਿਤ ਕੁੱਲ 22 ਕੰਪਨੀਆਂ ਨੇ ਅਰਜ਼ੀ ਦਿੱਤੀ ਹੈ, ਜਿਸ ਵਿਚ ਸੈਮਸੰਗ, ਫੌਕਸਕਨ (Foxconn), ਰਾਈਜ਼ਿੰਗ ਸਟਾਰ (Rising Star), ਵਿਸਟ੍ਰੋਨ (Wistron) ਅਤੇ ਪੇਗਾਟ੍ਰੋਨ (Pegatron) ਆਦਿ ਦਿੱਗਜ਼ ਬ੍ਰਾਂਡ ਸ਼ਾਮਲ ਹਨ।
Apple
ਰਵਿਸ਼ੰਕਰ ਪ੍ਰਸਾਦ ਨੇ ਕਿਹਾ, ‘ਅੰਤਰਰਾਸ਼ਟਰੀ ਮੋਬਾਈਲ ਫੋਨ ਨਿਰਮਾਤਾ ਕੰਪਨੀਆਂ ਨੇ 15,000 ਅਤੇ ਇਸ ਤੋਂ ਜ਼ਿਆਦਾ ਦੇ ਸੈਗਮੈਂਟ ਵਿਚ ਉਤਪਾਦਨ ਲਈ ਅਰਜ਼ੀ ਦਿੱਤੀ ਹੈ’। ਇਹਨਾਂ ਵਿਚ ਤਿੰਨ ਕੰਪਨੀਆਂ ਐਪਲ ਦੀ ਆਈਫੋਨ ਦੀਆਂ ਕੰਟਰੈਕਟ ਮੈਨੂਫੈਕਚਰਰਜ਼ ਹਨ। ਇਹਨਾਂ ਦਾ ਨਾਮ ਫੌਕਸਕ, ਵਿਸਟ੍ਰੋਨ ਅਤੇ ਪੇਗਾਟ੍ਰੋਨ ਹੈ।
Ravi Shankar Prasad
37 ਫੀਸਦੀ ਦੇ ਨਾਲ ਐਪਲ ਅਤੇ 22 ਫੀਸਦੀ ਦੇ ਨਾਲ ਸੈਮਸੰਗ ਨੂੰ ਮਿਲਾ ਦਿੱਤਾ ਜਾਵੇ ਤਾਂ ਇਹ ਦੋਵੇਂ ਕੰਪਨੀਆਂ ਗਲੋਬਲ ਮੋਬਾਈਲ ਫੋਨਸ ਦੇ ਵਿਕਰੀ ਮਾਲੀਆ ਦਾ ਕਰੀਬ 60 ਫੀਸਦੀ ਪ੍ਰਾਪਤ ਕਰਦੀਆਂ ਹਨ। ਹੁਣ ਕੇਂਦਰ ਸਰਕਾਰ ਪੀਐਲਆਈ ਸਕੀਮ ਤੋਂ ਬਾਅਦ ਉਮੀਦ ਹੈ ਕਿ ਇਹਨਾਂ ਕੰਪਨੀਆਂ ਦਾ ਨਿਰਮਾਣ ਅਧਾਰ ਕਈ ਗੁਣਾ ਵਧ ਜਾਵੇਗਾ।
Jobs
ਇਸ ਦੌਰਾਨ ਜਦੋਂ ਰਵਿਸ਼ੰਕਰ ਪ੍ਰਸਾਦ ਕੋਲੋਂ ਚੀਨੀ ਕੰਪਨੀਆਂ ਦੀ ਹਿੱਸੇਦਾਰੀ ਬਾਰੇ ਪੁੱਛਿਆ ਗਿਆ ਤਾਂ ਉਹਨਾਂ ਕਿਹਾ ਕਿ ਉਹ ਕਿਸੇ ਦੇਸ਼ ਦਾ ਨਾਮ ਨਹੀਂ ਲੈਣਾ ਚਾਹੁੰਦੇ। ਆਈਟੀ ਮੰਤਰੀ ਨੇ ਇਹ ਵੀ ਦੱਸਿਆ ਕਿ ਇਹਨਾਂ ਕੰਪਨੀਆਂ ਵੱਲੋਂ ਦਿੱਤੀ ਗਈ ਪੇਸ਼ਕਸ਼ ਨਾਲ ਦੇਸ਼ ਵਿਚ 12 ਲੱਖ ਨਵੇਂ ਰੁਜ਼ਗਾਰ ਦੇ ਮੌਕੇ ਪੈਦਾ ਹੋਣਗੇ। ਇਸ ਵਿਚ 3 ਲੱਖ ਡਾਇਰੈਕਟ ਨੌਕਰੀਆਂ ਹੋਣਗੀਆਂ ਅਤੇ ਕਰੀਬ 9 ਲੱਖ ਇਨਡਾਇਰੈਕਟ ਨੌਕਰੀਆਂ ਹੋਣਗੀਆਂ।
