ਸਥਾਨਕ ਓਲਡ ਸਿਟੀ ਵਿਚ ਸ਼ੁਕਰਵਾਰ ਨੂੰ ਟਕਰਾਅ ਦੌਰਾਨ ਇਕ ਵਿਅਕਤੀ ਦੀ ਮੌਤ ਨੂੰ ਲੈ ਕੇ ਪੁਲਿਸ ਨੇ ਅਣਪਛਾਤੇ ਪੱਥਰਬਾਜ਼ਾਂ ਵਿਰੁਧ ਦੰਗਾ ....
ਸ੍ਰੀਨਗਰ : ਸਥਾਨਕ ਓਲਡ ਸਿਟੀ ਵਿਚ ਸ਼ੁਕਰਵਾਰ ਨੂੰ ਟਕਰਾਅ ਦੌਰਾਨ ਇਕ ਵਿਅਕਤੀ ਦੀ ਮੌਤ ਨੂੰ ਲੈ ਕੇ ਪੁਲਿਸ ਨੇ ਅਣਪਛਾਤੇ ਪੱਥਰਬਾਜ਼ਾਂ ਵਿਰੁਧ ਦੰਗਾ ਅਤੇ ਹੱਤਿਆ ਦੇ ਯਤਨ ਅਤੇ ਸੀਆਰਪੀਐਫ ਡਰਾਈਵਰ ਵਿਰੁਧ ਲਾਪ੍ਰਵਾਹੀ ਦਾ ਕੇਸ ਦਰਜ ਕੀਤਾ ਹੈ। ਇਕ ਪੁਲਿਸ ਅਧਿਕਾਰੀ ਨੇ ਦਸਿਆ ਕਿ ਨੌਹੱਟਾ ਘਟਨਾ ਨੂੰ ਲੈ ਕੇ ਦੋ ਕੇਸ ਦਰਜ ਕੀਤੇ ਗਏ ਹਨ।
ਉਨ੍ਹਾਂ ਦਸਿਆ ਕਿ ਅਣਪਛਾਤੇ ਲੋਕਾਂ ਵਿਰੁਧ ਰਣਬੀਰ ਪੈਨਲ ਕੋਡ (ਆਈਪੀਸੀ) ਦੀਆਂ ਵੱਖ ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ, ਜਦਕਿ ਇਕ ਹੋਰ ਕੇਸ ਸੀਆਰਪੀਐਫ ਡਰਾਈਵਰ ਵਿਰੁਧ ਵੀ ਦਰਜ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਅੱਗੇ ਦੀ ਵਿਸਥਾਰ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।
ਜ਼ਿਕਰਯੋਗ ਹੈ ਕਿ ਸ਼ੁਕਰਵਾਰ ਨੂੰ ਸ੍ਰੀਨਗਰ ਦੀ ਜਾਮਾ ਮਸਜਿਦ ਕੋਲ ਪੱਥਰਬਾਜ਼ਾਂ ਦੀ ਇਕ ਭੀੜ ਵਲੋਂ ਕੀਤੇ ਹਮਲੇ ਤੋਂ ਬਾਅਦ ਉਥੋਂ ਬਚ ਕੇ ਨਿਕਲੀਆਂ ਸੀਆਰਪੀਐਫ ਦੀਆਂ ਗੱਡੀਆਂ ਦੇ ਹੇਠਾਂ ਆਉਣ ਨਾਲ ਇਕ ਵਿਅਕਤੀ ਦੀ ਮੌਤ ਹੋ ਗਈ ਜਦਕਿ ਦੂਜਾ ਜ਼ਖ਼ਮੀ ਹੋ ਗਿਆ।
ਸੀਆਰਪੀਐਫ ਦੀ ਗੱਡੀ ਨਾਲ ਯੂਨਿਸ ਅਹਿਮਦ ਅਤੇ ਕੈਸਰ ਅਹਿਮਦ ਦੇ ਗੱਡੀ ਨਾਲ ਟਕਰਾਉਣ ਤੋਂ ਬਾਅਦ ਦੋਹਾਂ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਪਰ ਬੇਹੱਦ ਗੰਭੀਰ ਹਾਲਤ ਵਿਚ ਕੈਸਰ ਦੀ ਅੱਧੀ ਰਾਤ ਨੂੰ ਮੌਤ ਹੋ ਗਈ।