ਕਾਲਾ ਹਿਰਨ ਸ਼ਿਕਾਰ ਮਾਮਲੇ ਵਿਚ ਇਕ ਰਾਤ ਜੇਲ੍ਹ ਵਿਚ ਗੁਜ਼ਾਰਨ ਤੋਂ ਬਾਅਦ ਵੀ ਸਲਮਾਨ ਖ਼ਾਨ ਨੂੰ ਅਜੇ ਰਾਹਤ ਨਹੀਂ ਮਿਲੀ ਕਿਉਂਕਿ ਸਲਮਾਨ ਦੀ...
ਜੋਧਪੁਰ : ਕਾਲਾ ਹਿਰਨ ਸ਼ਿਕਾਰ ਮਾਮਲੇ ਵਿਚ ਇਕ ਰਾਤ ਜੇਲ੍ਹ ਵਿਚ ਗੁਜ਼ਾਰਨ ਤੋਂ ਬਾਅਦ ਵੀ ਸਲਮਾਨ ਖ਼ਾਨ ਨੂੰ ਅਜੇ ਰਾਹਤ ਨਹੀਂ ਮਿਲੀ ਕਿਉਂਕਿ ਸਲਮਾਨ ਦੀ ਜ਼ਮਾਨਤ 'ਤੇ ਅੱਜ ਫ਼ੈਸਲਾ ਨਹੀਂ ਹੋ ਸਕਿਆ ਹੈ। ਹੁਣ ਸਲਮਾਨ ਖ਼ਾਨ ਦੀ ਜ਼ਮਾਨਤ ਅਰਜ਼ੀ 'ਤੇ ਅਦਾਲਤ ਕੱਲ੍ਹ ਫ਼ੈਸਲਾ ਸੁਣਾਏਗੀ। ਹਾਲਾਂਕਿ ਜ਼ਮਾਨਤ ਅਰਜ਼ੀ 'ਤੇ ਅਜੇ ਵੀ ਸੁਣਵਾਈ ਪੂਰੀ ਨਹੀਂ ਹੋਈ ਹੈ।
Blackbuck Poaching Case
ਫਿ਼ਲਹਾਲ ਜਦੋਂ ਤਕ ਅਦਾਲਤ ਦਾ ਜ਼ਮਾਨਤ 'ਤੇ ਫ਼ੈਸਲਾ ਨਹੀਂ ਆ ਜਾਂਦਾ, ਉਦੋਂ ਤਕ ਸਲਮਾਨ ਖ਼ਾਨ ਨੂੰ ਇਕ ਦਿਨ ਦੇ ਲਈ ਹੋਰ ਜੇਲ੍ਹ ਵਿਚ ਰਹਿਣਾ ਪਵੇਗਾ। ਸਲਮਾਨ ਨੂੰ ਵੀਰਵਾਰ ਨੂੰ ਜੋਧਪੁਰ ਅਦਾਲਤ ਨੇ 20 ਸਾਲ ਪੁਰਾਣੇ ਕਾਲਾ ਹਿਰਨ ਸ਼ਿਕਾਰ ਮਾਮਲੇ ਵਿਚ 5 ਸਾਲ ਕੈਦ ਅਤੇ 10 ਹਜ਼ਾਰ ਰੁਪਏ ਜੁਰਮਾਨੇ ਦੀ ਸਜ਼ਾ ਸੁਣਾਈ ਸੀ। ਇਸ ਤੋਂ ਬਾਅਦ ਅਦਾਲਤ ਤੋਂ ਸਿੱਧੇ ਸਲਮਾਨ ਖ਼ਾਨ ਨੂੰ ਜੋਧਪੁਰ ਦੀ ਸੈਂਟਰਲ ਜੇਲ੍ਹ ਭੇਜਿਆ ਗਿਆ ਸੀ।
Blackbuck Poaching Case
ਵਿਰੋਧੀ ਪੱਖ ਦੇ ਵਕੀਲ ਮਹਿਪਾਲ ਬਿਸ਼ਨੋਈ ਅਤੇ ਸਲਮਾਨ ਖ਼ਾਨ ਦੇ ਬੁਲਾਰੇ ਹਸਤੀ ਮੱਲ ਸਾਰਸਵਤ ਨੇ ਇਹ ਜਾਣਕਾਰੀ ਦਿਤੀ। ਬਿਸ਼ਨੋਈ ਨੇ ਦਸਿਆ ਕਿ ਅਦਾਲਤ ਨੇ ਸਲਮਾਨ ਖ਼ਾਨ ਦੀ ਜ਼ਮਾਨਤ ਅਰਜ਼ੀ 'ਤੇ ਦੋਵੇਂ ਪੱਖਾਂ ਦੀਆਂ ਦਲੀਲਾਂ ਸੁਣੀਆਂ। ਅਦਾਲਤ ਨੇ ਰਿਕਾਰਡ ਤਲਬ ਕਰਨ ਤੋਂ ਬਾਅਦ ਸੁਣਵਾਈ ਕੱਲ੍ਹ ਤਕ ਲਈ ਟਾਲ ਦਿਤੀ।
Blackbuck Poaching Case
ਜੋਧਪੁਰ ਅਦਾਲਤ ਨੇ ਇਸ ਮਾਮਲੇ ਵਿਚ ਹੋਰ ਸਾਰੇ ਦੋਸ਼ੀਆਂ ਸੈਫ਼ ਅਲੀ ਖ਼ਾਨ, ਤੱਬੂ, ਸੋਨਾਲੀ ਬੇਂਦਰੇ ਅਤੇ ਨੀਲਮ ਨੂੰ ਬਰੀ ਕਰ ਦਿਤਾ ਸੀ। ਸਲਮਾਨ ਖ਼ਾਨ ਦੇ ਵਿਰੁਧ ਜਜਮੈਂਟ 196 ਪੇਜ਼ਾਂ ਦਾ ਹੈ।
Blackbuck Poaching Case
ਜੋਧਪੁਰ ਦੇ ਚੀਫ਼ ਜੁਡੀਸ਼ੀਅਲ ਮੈਜਿਸਟ੍ਰੇਟ ਦੀ ਅਦਾਲਤ ਵਿਚ ਸਜ਼ਾ 'ਤੇ ਬਹਿਸ ਦੌਰਾਨ ਜਿੱਥੇ ਸਰਕਾਰੀ ਵਕੀਲ ਨੇ ਜ਼ਿਆਦਾ ਤੋਂ ਜ਼ਿਆਦਾ ਸਜ਼ਾ ਦੀ ਮੰਗ ਕੀਤੀ ਸੀ, ਉਥੇ ਹੀ ਸਲਮਾਨ ਦੇ ਵਕੀਲ ਨੇ ਘੱਟ ਤੋਂ ਘੱਟ ਸਜ਼ਾ ਦੀ ਮੰਗ ਕੀਤੀ ਸੀ। ਜੋਧਪੁਰ ਜੇਲ੍ਹ ਵਿਚ ਸਲਮਾਨ ਖ਼ਾਨ ਦਾ ਕੈਦੀ ਨੰਬਰ 106 ਹੈ ਅਤੇ ਉਨ੍ਹਾਂ ਨੂੰ ਬੈਰਕ ਨੰਬਰ ਦੋ ਵਿਚ ਰਖਿਆ ਗਿਆ ਹੈ।
