ਹਰਦੋਈ ਦੇ ਇਲਾਕੇ ਤੋਂ ਇਕ ਅੰਧਵਿਸ਼ਵਾਸ ਦਾ ਬੜਾ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ ਹੈ।
ਹਰਦੋਈ, ਯੂਪੀ, ਹਰਦੋਈ ਦੇ ਇਲਾਕੇ ਤੋਂ ਇਕ ਅੰਧਵਿਸ਼ਵਾਸ ਦਾ ਬੜਾ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ ਹੈ। ਕਿਸੇ ਮੰਨਤ ਦੇ ਪੂਰੀ ਹੋਣ ਉੱਤੇ ਇੱਕ ਵਿਅਕਤੀ ਨੇ ਪ੍ਰਾਚੀਨ ਕਾਲੀ ਮੰਦਰ ਵਿਚ ਜਾਕੇ ਅਪਣਾ ਗਲਾ ਵੱਢ ਕਿ ਭੇਂਟ ਚੜ੍ਹਾਉਣ ਦੀ ਕੋਸ਼ਿਸ਼ ਕੀਤੀ। ਇਸ ਅੰਧਵਿਸ਼ਵਾਸ਼ੀ ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਉਸ ਦੀ ਹਾਲਤ ਬਹੁਤ ਗੰਭੀਰ ਹੋ ਗਈ ਅਤੇ ਜ਼ਖਮੀ ਹਾਲਤ ਵਿਚ ਉਸਨੂੰ ਹਸਪਤਾਲ ਇਲਾਜ ਲਈ ਲਿਜਾਇਆ ਗਿਆ ਹੈ।
ਕੋਤਵਾਲੀ ਦੇਹਾਤ ਦੇ ਮਹੋਲਿਆ ਸ਼ਿਵਪਾਰ ਵਿਚ ਕਾਲੀ ਮਾਂ ਦਾ ਬਹੁਤ ਪੁਰਾਣਾ ਮੰਦਰ ਹੈ। ਇੱਥੇ ਅੱਜ ਸ਼ੁਗਰ ਮਿਲ ਰੋੜ ਨਿਵਾਸੀ ਸੰਦੀਪ ਵਰਮਾ ਪਹੁੰਚਿਆ। ਪੂਜਾ ਤੋਂ ਬਾਅਦ ਉਸ ਨੇ ਬਲੇਡ ਕੱਢਕੇ ਆਪਣੀ ਗਰਦਨ ਵੱਢਣ ਦੀ ਕੋਸ਼ਿਸ਼ ਕੀਤੀ। ਇਹ ਦ੍ਰਿਸ਼ ਦੇਖਦੇ ਹੀ ਮੰਦਰ 'ਚ ਮੌਜੂਦ ਲੋਕ ਘਬਰਾ ਗਏ। ਲੋਕਾਂ ਨੇ ਉਸਨੂੰ ਫੜਿਆ ਅਤੇ ਜਲਦੀ ਹੀ ਹਸਪਤਾਲ ਪਹੁੰਚਾਇਆ।
ਉਸਦਾ ਇਲਾਜ ਕਰ ਰਹੇ ਡਾ. ਸੁਬੋਧ ਕੁਮਾਰ ਨੇ ਦੱਸਿਆ ਕਿ ਵਿਅਕਤੀ ਦੀ ਹਾਲਤ ਬਹੁਤ ਗੰਭੀਰ ਹੈ। ਸੰਦੀਪ ਮੂਲ ਰੂਪ ਤੋਂ ਲਖਨਊ ਦੇ ਬੇਹਟਾ ਦਾ ਰਹਿਣ ਵਾਲਾ ਹੈ। ਉਸਨੇ ਕੀ ਮੰਨਤ ਮੰਗੀ ਸੀ, ਇਹ ਪਤਾ ਨਹੀਂ ਲੱਗਿਆ। ਜ਼ਖਮੀ ਵਿਅਕਤੀ ਨੇ ਇਹ ਜ਼ਰੂਰ ਖੁਲਾਸਾ ਕੀਤਾ ਕਿ ਮੰਨਤ ਪੂਰੀ ਹੋਣ ਉੱਤੇ ਉਸਨੇ ਦੇਵੀ ਅੱਗੇ ਅਪਣਾ ਸਿਰ ਭੇਂਟ ਕਰਨ ਦੀ ਸੌਂਹ ਖਾਧੀ ਸੀ। ਉਸਨੇ ਦਾਅਵਾ ਕੀਤਾ ਕਿ ਰਾਤ ਨੂੰ ਸੁਪਨੇ ਵਿਚ ਦੇਵੀ ਮਾਂ ਆਈ ਸੀ। ਇਸੇ ਲਈ ਉਸਨੇ ਅਪਣਾ ਵਚਨ ਨਿਭਾਉਣ ਲਈ ਇਸ ਘਟਨਾ ਨੂੰ ਅੰਜਾਮ ਦਿੱਤਾ।