ਅਸਾਮ ਵਿਚ ਨੈਸ਼ਨਲ ਰਜਿਸਟਰ ਆਫ਼ ਸਿਟਿਜ਼ਨ (NRC) ਡਰਾਫਟ ਜਾਰੀ ਹੋਏ ਇੱਕ ਹਫਤਾ ਨਿਕਲ ਚੁੱਕਿਆ ਹੈ
ਅਸਾਮ, ਅਸਾਮ ਵਿਚ ਨੈਸ਼ਨਲ ਰਜਿਸਟਰ ਆਫ਼ ਸਿਟਿਜ਼ਨ (NRC) ਡਰਾਫਟ ਜਾਰੀ ਹੋਏ ਇੱਕ ਹਫਤਾ ਨਿਕਲ ਚੁੱਕਿਆ ਹੈ। ਜਿਨ੍ਹਾਂ ਲੋਕਾਂ ਦੇ ਨਾਮ ਐਨਆਰਸੀ ਲਿਸਟ ਵਿਚ ਨਹੀਂ ਸਨ ਉਹ ਦੁਬਾਰਾ 7 ਅਗਸਤ ਤੋਂ ਫ਼ਾਰਮ ਭਰ ਸਕਦੇ ਸਨ, ਪਰ ਫ਼ਾਰਮ ਮਿਲਣ ਦੀ ਮਿਤੀ ਹੁਣ 10 ਅਗਸਤ ਕਰ ਦਿੱਤੀ ਗਈ ਹੈ। ਇਹ ਫ਼ਾਰਮ 30 ਅਗਸਤ ਤੋਂ ਐਨਆਰਸੀ ਸੇਵਾ ਕੇਂਦਰਾਂ ਵਿਚ ਲੋਕ ਜਮ੍ਹਾ ਕਰ ਸਕਣਗੇ।
Meghalaya sets up checkpointsਉੱਧਰ, ਐਨਆਰਸੀ ਡਰਾਫਟ ਜਾਰੀ ਹੋਣ ਤੋਂ ਬਾਅਦ ਮੇਘਾਲਿਆ ਵਿਚ ਗ਼ੈਰ ਕਾਨੂੰਨੀ ਘੁਸਪੈਠੀਆਂ ਨੂੰ ਰੋਕਣ ਲਈ ਪੁਲਿਸ ਨੇ 7 ਚੈਕ ਪੁਆਇੰਟ ਬਣਾਏ ਹਨ, ਜਿੱਥੇ ਅਸਾਮ ਤੋਂ ਆਉਣ ਜਾਣ ਵਾਲੇ ਲੋਕਾਂ 'ਤੇ ਸਖ਼ਤ ਨਜ਼ਰ ਰੱਖੀ ਜਾਵੇਗੀ ਅਤੇ ਗ਼ੈਰ ਕਾਨੂੰਨੀ ਘੋਸ਼ਿਤ ਕੀਤੇ ਗਏ ਲੋਕਾਂ ਨੂੰ ਸੂਬੇ ਵਿਚ ਜਾਣ ਤੋਂ ਰੋਕਿਆ ਜਾਵੇਗਾ। ਇਸ ਬਾਰੇ ਵਿਚ ਐਸਪੀ ਦੇਬਾਂਗਸ਼ੂ ਸੰਗਮਾ ਨੇ ਮੀਡੀਆ ਨੂੰ ਦੱਸਿਆ ਕਿ, ਘੁਸਪੈਠੀਆਂ ਨੂੰ ਰੋਕਣ ਲਈ ਇਹ ਚੈਕ ਪੁਆਇੰਟ ਬਣਾਏ ਗਏ ਹਨ, ਇਸ ਨਾਲ ਅਸਾਮ ਤੋਂ ਆਉਣ - ਜਾਣ ਵਾਲਿਆਂ ਦੀ ਜਾਂਚ ਹੋ ਰਹੀ ਹੈ। ਚੈੱਕ ਪੁਆਇੰਟ 'ਤੇ ਲੋਕਾਂ ਦਾ ਪਛਾਣ ਪੱਤਰ ਦੇਖਿਆ ਜਾ ਰਿਹਾ ਹੈ।
Meghalaya sets up checkpointsਤਾਂਕਿ ਉਹ ਭਾਰਤ ਦੇ ਨਾਗਰਿਕ ਹਨ ਜਾਂ ਨਹੀਂ ਇਸ ਦੀ ਪੁਸ਼ਟੀ ਹੋ ਸਕੇ। ਸੰਗਮਾ ਨੇ ਅੱਗੇ ਦੱਸਿਆ ਕਿ ਵੈਸਟ ਖਾਸੀ ਹਿਲਸ, ਰਿ - ਭੋਈ, ਜੈਂਤੀਆ ਹਿਲਸ, ਗਾਰਾਂ ਹਿਲਸ ਜ਼ਿਲ੍ਹੇ ਅਸਾਮ ਦੇ ਬਾਰਡਰ ਦੇ ਕੋਲ ਹਨ। ਇੱਥੇ ਪੈਣ ਵਾਲੇ ਚੈਕ ਪੁਆਇੰਟਸ 'ਤੇ ਘੁਸਪੈਠੀਆਂ ਨੂੰ ਰੋਕਣ ਲਈ ਟੀਮ ਬਣਾਈ ਗਈ ਹੈ। ਇਸ ਐਕਸ਼ਨ ਤੋਂ ਬਾਅਦ ਅਸਾਮ ਦੇ ਮੁੱਖ ਮੰਤਰੀ ਸਰਬਾਨੰਦ ਸੋਨਵਾਲ ਨੇ ਮੇਘਾਲਿਆ ਦੇ ਸੀਐਮ ਕੋਨਾਰਡ ਸੰਗਮਾ ਨਾਲ ਫੋਨ 'ਤੇ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਅਸਾਮ ਅਤੇ ਮੇਘਾਲਿਆ ਦੇ ਵਿਚ ਆਵਾਜਾਈ ਸੌਖੀ ਕਰਨ ਦੀ ਗੱਲ ਕਹੀ। ਤਾਂਕਿ ਚੈਕ ਪੁਆਇੰਟ 'ਤੇ ਲੋਕਾਂ ਨੂੰ ਪਰੇਸ਼ਾਨੀ ਨਾ ਝੱਲਣੀ ਪਏ।
Meghalaya sets up checkpointsਐਨਆਰਸੀ ਦੇ ਜਾਰੀ ਹੋਣ ਤੋਂ ਬਾਅਦ ਹਾਲ ਹੀ ਵਿਚ ਇਹ ਖ਼ਬਰਾਂ ਸਾਹਮਣੇ ਆਈਆਂ ਸਨ ਕਿ ਅਸਾਮ ਤੋਂ ਮੇਘਾਲਿਆ ਜਾਣ ਵਾਲੇ ਕਈ ਲੋਕਾਂ ਨੂੰ ਘੁਸਪੈਠੀਆ ਦੱਸਕੇ ਮਾੜਾ ਵਰਤਾਅ ਕੀਤਾ ਗਿਆ ਸੀ। ਅਸਲ ਵਿਚ, ਇਹ ਪੂਰਾ ਮਾਮਲਾ ਉਸ ਸਮੇਂ ਸੁਰਖ਼ੀਆਂ ਵਿਚ ਆਇਆ ਜਦੋਂ ਖਾਸੀ ਸਟੂਡੇਂਟ ਯੂਨੀਅਨ (KSU) ਨੇ ਐਨਆਰਸੀ ਡਰਾਫਟ ਜਾਰੀ ਹੋਣ ਤੋਂ ਬਾਅਦ ਮੇਘਾਲਿਆ ਬਾਰਡਰ 'ਤੇ ਆਪਣੇ ਚੈਕ ਪੁਆਇੰਟ ਬਣਾਏ ਸਨ।
