9 ਸਾਲਾਂ ਵਿਚ ਪੂਰੀ ਕੀਤੀ ਖੋਜ
PhD on PM Narendra Modi News: ਬਨਾਰਸ ਹਿੰਦੂ ਯੂਨੀਵਰਸਿਟੀ (BHU) ਦੇ ਰਾਜਨੀਤੀ ਸ਼ਾਸਤਰ ਵਿਭਾਗ ਦੀ ਰਿਸਰਚ ਸਕੌਲਰ ਨਜਮਾ ਪਰਵੀਨ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਅਪਣੀ ਪੀਐਚਡੀ ਪੂਰੀ ਕਰ ਲਈ ਹੈ। ਕਥਾ ਸਮਰਾਟ ਮੁਨਸ਼ੀ ਪ੍ਰੇਮਚੰਦ ਦੇ ਪਿੰਡ ਲਮਹੀ ਦੀ ਵਸਨੀਕ ਨਜਮਾ ਪਰਵੀਨ ਨੇ 2014 ਵਿਚ ਪ੍ਰੋਫੈਸਰ ਸੰਜੇ ਸ੍ਰੀਵਾਸਤਵ ਦੇ ਨਿਰਦੇਸ਼ਨ ਹੇਠ ‘ਨਰਿੰਦਰ ਮੋਦੀ ਦੀ ਸਿਆਸੀ ਲੀਡਰਸ਼ਿਪ: ਇਕ ਵਿਸ਼ਲੇਸ਼ਣਾਤਮਕ ਅਧਿਐਨ’ ਵਿਸ਼ੇ ’ਤੇ ਖੋਜ ਸ਼ੁਰੂ ਕੀਤੀ ਸੀ।
ਉਸ ਨੇ ਲਗਭਗ ਨੌਂ ਸਾਲਾਂ ਵਿਚ ਅਪਣੀ ਖੋਜ ਪੂਰੀ ਕੀਤੀ। ਇਸ ਨਾਲ ਉਹ ਦੇਸ਼ ਦੀ ਪਹਿਲੀ ਮੁਸਲਿਮ ਮਹਿਲਾ ਬਣ ਗਈ ਹੈ ਜਿਸ ਨੇ ਪ੍ਰਧਾਨ ਮੰਤਰੀ ਮੋਦੀ 'ਤੇ ਖੋਜ ਕੀਤੀ ਹੈ। ਨਜਮਾ ਪਰਵੀਨ ਦੀ ਖੋਜ ਪੰਜ ਅਧਿਆਵਾਂ ਵਿਚ ਹੈ। ਨਜਮਾ ਦਾ ਕਹਿਣਾ ਹੈ ਕਿ ਮੈਨੂੰ ਰਿਸਰਚ ਸਟੱਡੀ ਲਈ ਸਿਆਸਤਦਾਨ ਚੁਣਨਾ ਸੀ, ਇਸ ਲਈ ਪੀਐਮ ਮੋਦੀ ਨੂੰ ਚੁਣਿਆ। ਇਸ ਗੱਲ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਇਸ ਸਬੰਧੀ ਕਿਸੇ ਸਿਆਸੀ ਪਾਰਟੀ ਦੀ ਆਲੋਚਨਾ ਹੋਵੇ ਜਾਂ ਨਿਸ਼ਾਨਾ ਬਣਾਇਆ ਜਾਵੇ। ਕਿਸੇ ਵੀ ਚੀਜ਼ ਨੂੰ ਧਰਮ ਦੇ ਨਜ਼ਰੀਏ ਤੋਂ ਨਹੀਂ ਦੇਖਣਾ ਚਾਹੀਦਾ।
ਨਜਮਾ ਦਾ ਕਹਿਣਾ ਹੈ ਕਿ ਪੀਐਮ ਮੋਦੀ ਦੀ ਸ਼ਖਸੀਅਤ ਨੂੰ ਮਹੱਤਵ ਦਿਤਾ ਜਾਣਾ ਚਾਹੀਦਾ ਹੈ। ਨਰਿੰਦਰ ਮੋਦੀ ਕਿਸੇ ਵਿਸ਼ੇਸ਼ ਧਰਮ ਜਾਂ ਜਾਤੀ ਦੇ ਨਹੀਂ ਸਗੋਂ ਪੂਰੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਹਨ। ਉਨ੍ਹਾਂ ਨੇ ਪੂਰੇ ਦੇਸ਼ ਨੂੰ ਨਾਲ ਲੈ ਕੇ ਅੱਗੇ ਵਧਣ ਦਾ ਕੰਮ ਕੀਤਾ ਹੈ।
(For more news apart from Varanasi girl PhD on PM Narendra Modi, stay tuned to Rozana Spokesman)
