Asaduddin Owaisi
ਹਰਿਆਣਾ ਦੇ ਗੁਰੂਗ੍ਰਾਮ ਵਿਚ ਮੁਸਲਿਮ ਨੌਜਵਾਨ ਦੀ ਦਾਹੜੀ ਜਬਰੀ ਕੱਟੇ ਜਾਣ ਦੇ ਮਾਮਲੇ ਵਿਚ ਏਆਈਐਮਆਈਐਮ ਦੇ ਮੁਖੀ ਅਸਾਸੂਦੀਨ ਓਵੈਸੀ ਨੇ ਵਿਵਾਦਤ ਬਿਆਨ............
ਨਵੀਂ ਦਿੱਲੀ : ਹਰਿਆਣਾ ਦੇ ਗੁਰੂਗ੍ਰਾਮ ਵਿਚ ਮੁਸਲਿਮ ਨੌਜਵਾਨ ਦੀ ਦਾਹੜੀ ਜਬਰੀ ਕੱਟੇ ਜਾਣ ਦੇ ਮਾਮਲੇ ਵਿਚ ਏਆਈਐਮਆਈਐਮ ਦੇ ਮੁਖੀ ਅਸਾਸੂਦੀਨ ਓਵੈਸੀ ਨੇ ਵਿਵਾਦਤ ਬਿਆਨ ਦਿੰਦਿਆਂ ਕਿਹਾ ਕਿ ਜਿਨ੍ਹਾਂ ਨੇ ਇਹ ਸੱਭ ਕੀਤਾ ਹੈ, ਮੈਂ ਉਨ੍ਹਾਂ ਨੂੰ ਅਤੇ ਉਨ੍ਹਾਂ ਦੇ ਪਿਤਾ ਨੂੰ ਇਹ ਕਹਿਣਾ ਚਾਹੁੰਦਾ ਹਾਂ ਕਿ ਜੇ ਤੁਸੀਂ ਸਾਡੇ ਗਲ ਵੀ ਵੱਢ ਸੁੱਟੋਗੇ ਤਾਂ ਵੀ ਅਸੀਂ ਮੁਸਲਮਾਨ ਹੀ ਰਹਾਂਗੇ। ਉਨ੍ਹਾਂ ਕਿਹਾ, 'ਹਾਂ ਤੁਹਾਨੂੰ ਜ਼ਰੂਰ ਮੁਸਲਮਾਨ ਬਣਾ ਦੇਵਾਂਗੇ ਅਤੇ ਤੁਹਾਨੂੰ ਵੀ ਦਾਹੜੀ ਰੱਖਣ 'ਤੇ ਮਜਬੂਰ ਕਰ ਦੇਵਾਂਗੇ।'
ਉਨ੍ਹਾਂ ਇਹ ਵੀ ਕਿਹਾ ਕਿ ਬੇਭਰੋਸਗੀ ਮਤੇ ਸਮੇਂ ਰਾਹੁਲ ਗਾਂਧੀ ਦੁਆਰਾ ਪ੍ਰਧਾਨ ਮੰਤਰੀ ਨੂੰ ਜੱਫੀ ਪਾਉਣ ਦਾ ਵਿਹਾਰ ਉਸ ਦੀ ਗੰਭੀਰਤਾ ਨੂੰ ਨਹੀਂ ਵਿਖਾਉਂਦਾ। ਉਨ੍ਹਾਂ ਇਹ ਵੀ ਕਿਹਾ, 'ਜੇ ਮੈਂ ਪ੍ਰਧਾਨ ਮੰਤਰੀ ਨਾਲ ਹੱਥ ਵੀ ਮਿਲਾ ਲਵਾਂ ਤਾਂ ਮੇਰੇ ਵਿਰੁਧ ਫ਼ਤਵਾ ਜਾਰੀ ਕਰ ਦਿਤਾ ਜਾਵੇਗਾ ਪਰ ਕਾਂਗਰਸ ਦੇ ਕਿਸੇ ਵੀ ਨੇਤਾ ਨੇ ਰਾਹੁਲ ਵਿਰੁਧ ਇਕ ਸ਼ਬਦ ਵੀ ਨਹੀਂ ਬੋਲਿਆ। (ਏਜੰਸੀ)
