ਮੇਰਠ ਦੇ ਇਕ ਨੌਜਵਾਨ ਨੇ ਫੇਸਬੂਕ ਤੇ ਦੋਸਤੀ ਕਰਕੇ ਚੰਡੀਗੜ੍ਹ ਦੀ 25 ਸਾਲਾ ਮੁਟਿਆਰ ਨਾਲ ਇਥੇ ਦੇ ਇਕ ਹੋਟਲ ਵਿਚ ਬਲਾਤਕਾਰ ਕੀਤਾ............

ਚੰਡੀਗੜ੍ਹ : ਮੇਰਠ ਦੇ ਇਕ ਨੌਜਵਾਨ ਨੇ ਫੇਸਬੂਕ ਤੇ ਦੋਸਤੀ ਕਰਕੇ ਚੰਡੀਗੜ੍ਹ ਦੀ 25 ਸਾਲਾ ਮੁਟਿਆਰ ਨਾਲ ਇਥੇ ਦੇ ਇਕ ਹੋਟਲ ਵਿਚ ਬਲਾਤਕਾਰ ਕੀਤਾ ਅਤੇ ਉਸਤੋਂ ਬਾਅਦ ਵਾਪਸ ਮੇਰਠ ਚਲਾ ਗਿਆ। ਲੜਕੀ ਨੇ ਜਦੋਂ ਉਸਤੋਂ ਵਿਆਹ ਕਰਨ ਦਾ ਜ਼ੋਰ ਪਾਇਆ ਤਾਂ ਉਹ ਇਸਤੋਂ ਮੁਕਰ ਗਿਆ। ਜਿਸਦੇ ਬਾਅਦ ਪੀੜਤਾ ਨੇ ਸੈਕਟਰ 36 ਥਾਣਾ ਪੁਲਿਸ ਵਿਚ ਸ਼ਿਕਾਇਤ ਦਿਤੀ । ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਮੁਲਜ਼ਮ ਦੀ ਭਾਲ ਸ਼ੁਰੂ ਕਰ ਦਿਤੀ ਹੈ। ਪੁਲਿਸ ਨੂੰ ਦਿਤੀ ਸ਼ਿਕਾਇਤ ਵਿਚ ਪੀੜਤਾ ਨੇ ਦੱਸਿਆ ਕਿ ਯੂਪੀ ਦੇ ਰਹਿਣ ਵਾਲੇ ਨੌਜਵਾਨ ਨੇ ਉਸਨੂੰ ਫੇਸਬੁਕ ਤੇ ਦੋਸਤ ਬਣਾਕੇ ਚੰਡੀਗੜ ਦੇ ਹੋਟਲ ਵਿਚ ਲੈ ਜਾਕੇ ਉਸਦੇ ਨਾਲ ਬਲਾਤਕਾਰ ਕੀਤਾ।

ਪੁਲਿਸ ਨੇ ਮੁਟਿਆਰ ਦੀ ਸ਼ਿਕਾਇਤ ਤੇ ਆਈਪੀਸੀ ਦੀ ਧਾਰਾ 376 ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ। ਮੁਲਜ਼ਮ ਦੀ ਪਛਾਣ ਮੇਰਠ ਨਿਵਾਸੀ ਵੈਭਵ ਦੇ ਰੂਪ ਵਿਚ ਹੋਈ ਹੈ । ਦੋ ਸਾਲ ਪਹਿਲਾ ਹੋਈ ਫੇਸਬੁਕ ਤੇ ਦੋਸਤੀ : ਜਾਣਕਾਰੀ ਅਨੁਸਾਰ ਵੈਭਵ ਨੇ ਦੋ ਸਾਲ ਪਹਿਲਾ ਚੰਡੀਗੜ ਦੀ ਰਹਿਣ ਵਾਲੀ 25 ਸਾਲਾ ਮੁਟਿਆਰ ਨੂੰ ਫੇਸਬੁਕ ਤੇ ਫਰੈਂਡ ਰਿਕਵੇਸਟ ਭੇਜਕੇ ਦੋਸਤੀ ਕੀਤੀ ਸੀ ।  ਦੋਹਾਂ ਵਿਚ ਹੌਲੀ - ਹੌਲੀ ਦੋਸਤੀ ਪਿਆਰ ਵਿਚ ਬਦਲ ਗਈ ਅਤੇ ਕੁੱਝ ਹੀ ਦਿਨ ਪਹਿਲਾ ਨੌਜਵਾਨ ਨੇ ਪੀੜਤਾ ਨੂੰ ਮਿਲਣ ਲਈ ਮੇਰਠ ਬੁਲਾਇਆ, ਪਰ ਜਦੋ ਲੜਕੀ ਨੇ ਮਨਾ ਕਰ ਦਿਤਾ

ਤਾ ਨੌਜਵਾਨ ਚੰਡੀਗੜ ਆਕੇ ਮੁਟਿਆਰ  ਦੇ ਨਾਲ ਪਹਿਲਾ ਪੂਰਾ ਸ਼ਹਿਰ ਘੁੰਮਿਆ । ਉਸਦੇ ਬਾਅਦ ਪੀੜਤਾ ਨੂੰ ਹੋਟਲ ਵਿਚ ਲੈ ਜਾਕੇ ਉਸਦੇ ਨਾਲ ਸ਼ਰੀਰਕ ਸੰਬਧ ਬਣਾਏ ਅਤੇ ਵਾਪਸ ਯੂਪੀ ਚਲਾ ਗਿਆ । ਮੁਟਿਆਰ ਨੇ ਦੱਸਿਆ ਕਿ ਇਥੋਂ ਜਾਉਣ ਤੋਂ ਬਾਅਦ ਦੋਹਾਂ ਦੀ ਗੱਲ ਹੁੰਦੀ ਰਹੀ, ਪਰ ਮੁਟਿਆਰ ਜਦੋਂ ਵੀ ਵਿਆਹ ਦੀ ਗੱਲ ਕਰਦੀ ਸੀ ਤਾ ਉਹ ਕੋਈ ਨਾ ਕੋਈ ਬਹਾਨਾ ਬਣਾਕੇ ਵਿਆਹ ਟਾਲਣ ਦੀ ਗੱਲ ਕਰਦਾ ਸੀ । ਜਿਸਦੇ ਬਾਅਦ ਮੁਟਿਆਰ ਨੇ ਸੈਕਟਰ 36 ਥਾਣਾ ਦੀ ਪੁਲਿਸ ਨੂੰ ਸ਼ਿਕਾਇਤ ਦਿਤੀ।  ਪੁਲਿਸ ਦਾ ਕਹਿਣਾ ਹੈ ਕਿ ਮੁਲਜ਼ਮ ਨੂੰ ਬਹੁਤ ਛੇਤੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।