ਮੁੰਨਾ ਬਜਰੰਗੀ ਕਤਲ ਕੇਸ : ਜੇਲ੍ਹਰ ਤੇ ਡਿਪਟੀ ਜੇਲ੍ਹਰ ਸਮੇਤ 4 ਮੁਲਾਜ਼ਮ ਕੀਤੇ ਮੁਅੱਤਲ
Published : Jul 9, 2018, 1:39 pm IST
Updated : Jul 9, 2018, 1:39 pm IST
SHARE ARTICLE
Munna Bajrangi
Munna Bajrangi

ਪੂਰਵਾਂਚਲ ਦੇ ਖ਼ਤਰਨਾਕ ਡੌਨ ਪ੍ਰੇਮ ਪ੍ਰਕਾਸ਼ ਉਰਫ਼ ਮੁੰਨਾ ਬਜਰੰਗੀ ਦੀ ਬਾਗ਼ਪਤ ਜੇਲ੍ਹ ਵਿਚ ਹੱਤਿਆ ਕਰ ਦਿਤੀ ਗਈ ਹੈ। ਦਸ ਦਈਏ ਕਿ ਅੱਜ ...

ਬਾਗ਼ਪਤ (ਉਤਰ ਪ੍ਰਦੇਸ਼) : ਪੂਰਵਾਂਚਲ ਦੇ ਖ਼ਤਰਨਾਕ ਡੌਨ ਪ੍ਰੇਮ ਪ੍ਰਕਾਸ਼ ਉਰਫ਼ ਮੁੰਨਾ ਬਜਰੰਗੀ ਦੀ ਬਾਗ਼ਪਤ ਜੇਲ੍ਹ ਵਿਚ ਹੱਤਿਆ ਕਰ ਦਿਤੀ ਗਈ ਹੈ। ਦਸ ਦਈਏ ਕਿ ਅੱਜ ਸਾਬਕਾ ਬਸਪਾ ਵਿਧਾਇਕ ਲੋਕੇਸ਼ ਦੀਕਸ਼ਤ ਤੋਂ ਰੰਗਦਾਰੀ ਮੰਗਣ ਦੇ ਦੋਸ਼ ਵਿਚ ਬਾਗ਼ਪਤ ਅਦਾਲਤ ਵਿਚ ਮੁੰਨਾ ਬਜਰੰਗੀ ਦੀ ਪੇਸ਼ੀ ਹੋਣੀ ਸੀ। ਮੁੰਨਾ ਬਜਰੰਗੀ ਨੂੰ ਐਤਵਾਰ ਨੂੰ ਝਾਂਸੀ ਜੇਲ੍ਹ ਤੋਂ ਬਾਗ਼ਪਤ ਲਿਆਂਦਾ ਗਿਆ ਸੀ। ਉਸ ਨੂੰ ਬੈਰਕ ਵਿਚ ਖ਼ਤਰਨਾਕ ਗੈਂਗਸਟਰ ਸੁਨੀਲ ਰਾਠੀ ਅਤੇ ਵਿੱਕੀ ਸੁੰਹੇੜਾ ਦੇ ਨਾਲ ਰਖਿਆ ਗਿਆ ਸੀ। ਇਸ ਹੱਤਿਆ ਤੋਂ ਬਾਅਦ ਉਤਰ ਪ੍ਰਦੇਸ਼ ਸਰਕਾਰ ਨੇ ਬਾਗ਼ਪਤ ਜ਼ਿਲ੍ਹਾ ਜੇਲ੍ਹ ਦੇ ਜੇਲ੍ਹਰ ਅਤੇ ਡਿਪਟੀ ਜੇਲ੍ਹਰ ਸਮੇਤ ਚਾਰ ਕਰਮਚਾਰੀਆਂ ਨੂੰ ਮੁਅੱਤਲ ਕਰ ਦਿਤਾ ਹੈ। 

munna bajraingimunna bajraingi

ਦਸ ਦਈਏ ਕਿ ਮੁੰਨਾ ਦੀ ਜੇਲ੍ਹ ਵਿਚ ਹੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿਤੀ ਗਈ ਹੈ। ਜੇਲ੍ਹ ਵਿਚ ਮਾਫ਼ੀਆ ਡੌਨ ਦੀ ਹੱਤਿਆ ਨਾਲ ਅਧਿਕਾਰੀਆਂ ਵਿਚ ਭਾਜੜ ਮਚ ਗਈ ਹੈ। ਪੁਲਿਸ ਪੂਰੇ ਮਾਮਲੇ ਦੀ ਜਾਂਚ ਵਿਚ ਜੁਟ ਗਈ ਹੈ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਜ਼ਿਲ੍ਹਾ ਅਧਿਕਾਰੀ ਅਤੇ ਪੁਲਿਸ ਮੁਖੀ ਜੇਲ੍ਹ ਪਹੁੰਚ ਗਏ ਅਤੇ ਘਟਨਾ ਦਾ ਜਾਇਜ਼ਾ ਲਿਆ। ਇਸ ਦੌਰਾਨ ਲਖਨਊ ਵਿਚ ਰਾਜ ਦੇ ਉਪ ਪੁਲਿਸ ਮੁਖੀ (ਕਾਨੂੰਨ ਵਿਵਸਥਾ) ਪ੍ਰਵੀਨ ਕੁਮਾਰ ਨੇ ਦਸਿਆ ਕਿ ਸ਼ੁਰੂਆਤੀ ਜਾਂਚ ਵਿਚ ਹੱਤਿਆ ਵਿਚ ਖ਼ਤਰਨਾਕ ਅਪਰਾਧੀ ਸੁਨੀਲ ਰਾਠੀ ਦਾ ਨਾਮ ਸਾਹਮਣੇ ਆ ਰਿਹਾ ਹੈ। ਸੁਨੀਲ ਰਾਠੀ ਯੂਪੀ ਦੇ ਨਾਲ ਉਤਰਾਖੰਡ ਵਿਚ ਸਰਗਰਮ ਹੈ। ਸੁਨੀਲ ਦੀ ਮਾਂ ਰਾਜਬਾਲਾ ਛਪਰੌਲੀ ਤੋਂ ਬਸਪਾ ਵਲੋਂ ਚੋਣ ਲੜ ਚੁੱਕੀ ਹੈ। 

munna bajraingimunna bajraingi


ਇਸ ਦੌਰਾਨ ਯੂਪੀ ਦੇ ਮੁੱਖ ਮੰਤਰੀ ਯੋਗੀ ਅਦਿਤਿਆਨਾਥ ਨੇ ਜੇਲ੍ਹਰ ਨੂੰ ਮੁਅੱਤਲ ਕਰ ਦਿਤਾ ਹੈ ਅਤੇ ਨਿਆਂਇਕ ਜਾਂਚ ਦੇ ਆਦੇਸ਼ ਦਿਤੇ ਹਨ। ਮੁੱਖ ਮੰਤਰੀ ਨੇ ਕਿਹਾ ਕਿ ਜੇਲ੍ਹ ਕੰਪਲੈਕਸ ਦੇ ਅੰਦਰ ਹੋਣ ਵਾਲੀ ਅਜਿਹੀ ਘਟਨਾ ਇਕ ਗੰਭੀਰ ਵਿਸ਼ਾ ਹੈ। ਇਸ ਦੇ ਲਈ ਜ਼ਿੰਮੇਵਾਰ ਲੋਕਾਂ ਦੇ ਵਿਰੁਧ ਜਾਂਚ ਤੋਂ ਬਾਅਦ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਦਸ ਦਈਏ ਕਿ ਪਿਛਲੇ ਦਿਨੀਂ ਮੁੰਨਾ ਬਜਰੰਗੀ ਦੀ ਪਤਨੀ ਨੇ ਅਪਣੇ ਪਤੀ ਦੀ ਹੱਤਿਆ ਕਰਵਾਏ ਜਾਣ ਦਾ ਸ਼ੱਕ ਜ਼ਾਹਿਰ ਕਰਦੇ ਹੋਏ ਉਸ ਦੀ ਸੁਰੱਖਿਆ ਵਧਾਉਣ ਦੀ ਮੰਗ ਕੀਤੀ ਸੀ। ਪਿਛਲੇ ਦਿਨੀਂ ਲਖਨਊ ਵਿਚ ਹੋਈ ਇਕ ਗੈਂਗਵਾਰ ਵਿਚ ਮਾਫ਼ੀਆ ਡੌਨ ਮੁੰਨਾ ਬਜਰੰਗੀ ਦੇ ਸਾਲੇ ਪੁਸ਼ਪਜੀਤ ਸਿੰਘ ਦੀ ਹੱਤਿਆ ਕਰ ਦਿਤੀ ਗਈ।

Don Munna BajrangiDon Munna Bajrangi

ਬੀਤੇ ਸ਼ੁਕਰਵਾਰ ਨੂੰ ਮੁੰਨਾ ਪੁਲਿਸ ਸੁਰੱਖਿਆ ਦੇ ਵਿਚਕਾਰ ਸਾਲੇ ਦੀ ਤੇਰਵੀਂ ਵਿਚ ਸ਼ਾਮਲ ਹੋਣ ਲਈ ਵਿਕਾਸ ਨਗਰ ਕਾਲੋਨੀ ਆਇਆ ਸੀ।ਮੁੰਨਾ ਬਜਰੰਗੀ ਦਾ ਅਸਲੀ ਨਾਮ ਪ੍ਰੇਮ ਪ੍ਰਕਾਸ਼ ਸਿੰਘ ਹੈ। ਉਸ ਦਾ ਜਨਮ 1967 ਵਿਚ ਉਤਰ ਪ੍ਰਦੇਸ਼ ਦੇ ਜੌਨਪੁਰ ਜ਼ਿਲ੍ਹੇ ਦੇ ਪੁਰੇਦਯਾਲ ਪਿੰਡ ਵਿਚ ਹੋਇਆ ਸੀ। ਉਸ ਦੇ ਪਿਤਾ ਪਾਰਸਨਾਥ ਸਿੰਘ ਉਸ ਨੂੰ ਪੜ੍ਹਾ ਲਿਖਾ ਕੇ ਵੱਡਾ ਆਦਮੀ ਬਣਾਉਣਾ ਚਾਹੁੰਦੇ ਸਨ ਪਰ ਪ੍ਰੇਮ ਪ੍ਰਕਾਸ਼ ਉਰਫ਼ ਮੁੰਨਾ ਬਜਰੰਗੀ ਨੇ ਉਨ੍ਹਾਂ ਦੇ ਅਰਮਾਨਾਂ ਦੀ ਕਦਰ ਨਹੀਂ ਪਾਈ। ਉਸ ਨੇ ਪੰਜਵੀਂ ਕਲਾਸ ਤੋਂ ਬਾਅਦ ਪੜ੍ਹਾਈ ਛੱਡ ਦਿਤੀ। ਅੱਲ੍ਹੜ ਉਮਰ ਵਿਚ ਆਉਂਦੇ ਹੀ ਉਸ ਨੂੰ ਕਈ ਸ਼ੌਕ ਲੱਗ ਗਏ ਜੋ ਉਸ ਨੂੰ ਜ਼ੁਰਮ ਦੀ ਦੁਨੀਆ ਵਿਚ ਲੈ ਗਏ। 

Location: India, Uttar Pradesh

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Punjab Flood Emotional Video : ਮੀਂਹ ਨਾਲ ਚੋਂਦੀ ਛੱਤ ਥੱਲੇ ਬੈਠੀ ਬਜ਼ੁਰਗ ਮਾਤਾ, ਹਾਲਾਤ ਦੱਸਦਿਆਂ ਰੋ ਪਈ

29 Aug 2025 3:12 PM

Flood News : Madhopur ਹੈੱਡ ਵਰਕਸ ਦੇ ਕਿਉਂ ਟੁੱਟੇ Flood Gate? ਹੁਣ ਕਿੰਝ ਕਾਬੂ ਹੋਵੇਗਾ Ravi River ਦਾ ਪਾਣੀ ?

29 Aug 2025 3:11 PM

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM

Punjab Flood Rescue Operation : ਲੋਕਾਂ ਦੀ ਜਾਨ ਬਚਾਉਣ ਲਈ ਪਾਣੀ 'ਚ ਉਤਰਿਆ ਫੌਜ ਦਾ 'HULK'

28 Aug 2025 2:55 PM

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM
Advertisement