ਪੰਛੀ ਦੇ ਹੇਠਾਂ ਆਉਣ ਤੋਂ ਬਾਅਦ ਲੋਕਾਂ ਨੂੰ ਉਸ ਦੇ ਸ਼ਰੀਰ ਤੇ ਕੁੱਝ ਸ਼ੱਕੀ ਵਸਤੂ ਲੱਗੀ...
ਨਵੀਂ ਦਿੱਲੀ: ਬਿਹਾਰ ਦੇ ਸ਼ਿਵਹਰ ਜ਼ਿਲ੍ਹੇ ਦੇ ਇਕ ਪਿੰਡ ਤੋਂ ਸ਼ੱਕੀ ਪੰਛੀ ਬਰਾਮਦ ਕੀਤਾ ਗਿਆ ਹੈ ਜਿਸ ਦੇ ਖੰਭਾਂ ਉਪਰ ਪਿੱਠ ਤੇ ਇਕ ਕੈਮਰਾ ਲੱਗਾ ਹੋਇਆ ਹੈ। ਪੁਲਿਸ ਅਤੇ ਵਣ ਵਿਭਾਗ ਦੇ ਅਧਿਕਾਰੀ ਮਾਮਲੇ ਦੀ ਜਾਂਚ ਕਰ ਰਹੇ ਹਨ। ਪੁਲਿਸ ਦੇ ਇਕ ਅਧਿਕਾਰੀ ਨੇ ਇਸ ਮਾਮਲੇ ਨੂੰ ਲੈ ਕੇ ਦਸਿਆ ਕਿ ਬਰਾਮਦ ਪੰਛੀ ਬਾਜ ਦੀ ਤਰ੍ਹਾਂ ਲਗ ਰਿਹਾ ਹੈ। ਚਿਕਨੌਟਾ ਪਿੰਡ ਵਿਚ ਇਸ ਪੰਛੀ ਨੂੰ ਦੇਖ ਕੇ ਹੋਰ ਪੰਛੀ ਸ਼ੋਰ ਮਚਾ ਰਹੇ ਸਨ ਉਦੋਂ ਇਸ ਸ਼ੱਕੀ ਪੰਛੀ ਤੇ ਗ੍ਰਾਮੀਣਾਂ ਦੀ ਨਜ਼ਰ ਗਈ।
ਪੰਛੀ ਦੇ ਹੇਠਾਂ ਆਉਣ ਤੋਂ ਬਾਅਦ ਲੋਕਾਂ ਨੂੰ ਉਸ ਦੇ ਸ਼ਰੀਰ ਤੇ ਕੁੱਝ ਸ਼ੱਕੀ ਵਸਤੂ ਲੱਗੀ ਦਿਖਾਈ ਦਿੱਤੀ ਉਦੋਂ ਪਿੰਡ ਦੇ ਲੋਕਾਂ ਨੇ ਕਿਸੇ ਤਰ੍ਹਾਂ ਪੰਛੀ ਨੂੰ ਫੜ ਕੇ ਥਾਣੇ ਵਿਚ ਦੇ ਦਿੱਤਾ। ਨਗਰ ਥਾਣਾ ਦੇ ਅਧਿਕਾਰੀ ਸੁਦਾਮਾ ਰਾਇ ਨੇ ਦਸਿਆ ਕਿ ਸ਼ੱਕੀ ਪੰਛੀ ਦੀ ਪਿੱਠ ਤੇ ਕੈਮਰਾ ਬੰਨਿਆ ਹੋਇਆ ਹੈ। ਪੰਛੀ ਨੂੰ ਵਣ ਵਿਭਾਗ ਦੇ ਅਧਿਕਾਰੀਆਂ ਨੂੰ ਸੌਂਪ ਦਿੱਤਾ ਗਿਆ ਹੈ। ਕੈਮਰੇ ਨਾਲ ਲੈਸ ਕਥਿਤ ਬਾਜ ਦੇ ਵਿਸ਼ੇ ਵਿਚ ਜਾਂਚ ਤੋਂ ਬਾਅਦ ਹੀ ਕੁੱਝ ਸਪਸ਼ਟ ਕਿਹਾ ਜਾ ਸਕਦਾ ਹੈ।
ਪੁਲਿਸ ਕੈਮਰੇ ਦੀ ਜਾਂਚ ਵਿਚ ਜੁਟੀ ਹੋਈ ਹੈ ਬਹਰਹਾਲ, ਇਸ ਖੇਤਰ ਵਿਚ ਸ਼ੱਕੀ ਪੰਛੀ ਦੀ ਬਰਾਮਦਗੀ ਤੋਂ ਬਾਅਦ ਤਰ੍ਹਾਂ-ਤਰ੍ਹਾਂ ਦੀ ਚਰਚਾ ਹੋ ਰਹੀ ਹੈ। ਦਸ ਦਈਏ ਕਿ ਅਜਿਹੀਆਂ ਖਬਰਾਂ ਅਕਸਰ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ। ਪਿਛਲੇ ਕੁੱਝ ਮਹੀਨਿਆਂ ਵਿਚ ਅਜਿਹੀ ਹੀ ਇਕ ਖਬਰ ਆਈ ਸੀ ਜੋ ਕਿ ਪਿੰਡ ਦਿਆਲਪੁਰ ਦੀ ਸੀ। ਬੁਧਵਾਰ ਨੂੰ ਲੋਕਾਂ ਨੇ ਇੱਕ ਕਬੂਤਰ ਨੂੰ ਫੜ ਕੇ ਪੁਲਿਸ ਦੇ ਹਵਾਲੇ ਕੀਤਾ ਸੀ। ਦੱਸਿਆ ਜਾ ਰਿਹਾ ਕਿ ਇਹ ਪਾਕਿਸਤਾਨ ਤੋਂ ਆਇਆ ਹੈ।
ਸਾਬਕਾ ਸਰਪੰਚ ਜਸਬੀਰ ਸਿੰਘ ਨੂੰ ਇਹ ਕਬੂਤਰ ਅਪਣੇ ਘਰ 'ਤੇ ਦਿਖਿਆ ਸੀ। ਪੈਰ ਵਿਚ ਗੁਲਾਬੀ ਰੰਗ ਦਾ ਬੈਂਡ ਬੰਨ੍ਹਿਆ ਹੋਇਆ ਸੀ, ਜਿਸ 'ਤੇ ਉਰਦੂ ਵਿਚ ਮੋਬਾਈਲ ਨੰਬਰ ਅਤੇ ਕਿਸੇ ਸ਼ਕੀਲ ਨਾਂ ਦੇ ਵਿਅਕਤੀ ਦਾ ਨਾਂ ਲਿਖਿਆ ਹੋਇਆ ਸੀ। ਜਸਵੀਰ ਸਿੰਘ ਨੇ ਦੱਸਿਆ ਕਿ ਪਹਿਲਾਂ ਤਾਂ ਉਨ੍ਹਾਂ ਲੋਕਾਂ ਨੇ ਗੌਰ ਨਹੀਂ ਕੀਤੀ ਪਰ ਜਦ ਧਿਆਨ ਨਾਲ ਦੇਖਿਆ ਤਾਂ ਉਹ ਹੋਰ ਕਬੂਤਰਾਂ ਤੋਂ ਅਲੱਗ ਦਿਖਿਆ।
ਫੇਰ ਕੁਝ ਲੋਕਾਂ ਨੂੰ ਬੁਲਾ ਕੇ ਉਸ ਨੂੰ ਫੜਿਆ। ਖ਼ਾਸ ਗੱਲ ਤਾਂ ਇਹ ਰਹੀ ਕਿ ਜ਼ਿਆਦਾ ਉਡਦਾ ਨਹੀਂ ਸੀ, ਇਸ ਤੋਂ ਸਾਬਤ ਹੁੰਦਾ ਕਿ ਉਹ ਪਾਲਤੂ ਹੈ। ਫੜਨ ਤੋਂ ਬਾਅਦ ਗੱਗੋਮਾਹਰ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ। ਪੁਲਿਸ ਨੇ ਉਸ ਨੂੰ ਅਪਣੇ ਕਬਜ਼ੇ ਵਿਚ ਲੈ ਲਿਆ। ਚੌਕੀ ਇੰਚਾਰਜ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਇਸ ਦੀ ਜਾਣਕਾਰੀ ਸੀਨੀਅਰ ਅਫਸਰਾਂ ਨੂੰ ਦਿੱਤੀ ਗਈ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।