ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀਰਵਾਰ ਨੂੰ ਬੀਜੇਪੀ ਸੰਸਦਾਂ ਨੂੰ ਸੰਬੋਧਿਤ ਕਰਣਗੇ। ਪ੍ਰਧਾਨ ਮੰਤਰੀ ਅਜਿਹੇ ਸਮੇਂ ਵਿਚ ਪਾਰਟੀ ਸੰਸਦਾਂ ਨੂੰ ਸੰਬੋਧਿਤ ਕਰਣ ਵਾਲੇ ਹਨ,...
ਨਵੀਂ ਦਿੱਲੀ (ਭਾਸ਼ਾ) :- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀਰਵਾਰ ਨੂੰ ਬੀਜੇਪੀ ਸੰਸਦਾਂ ਨੂੰ ਸੰਬੋਧਿਤ ਕਰਣਗੇ। ਪ੍ਰਧਾਨ ਮੰਤਰੀ ਅਜਿਹੇ ਸਮੇਂ ਵਿਚ ਪਾਰਟੀ ਸੰਸਦਾਂ ਨੂੰ ਸੰਬੋਧਿਤ ਕਰਣ ਵਾਲੇ ਹਨ, ਜਦੋਂ ਬੀਜੇਪੀ ਨੂੰ 2014 ਵਿਚ ਸੱਤਾ ਸੰਭਾਲਣ ਤੋਂ ਬਾਅਦ ਪਹਿਲੀ ਵਾਰ ਅਜਿਹੇ ਮਹੱਤਵਪੂਰਣ ਰਾਜਾਂ ਵਿਚ ਵਿਧਾਨ ਸਭਾ ਚੋਣ ਵਿਚ ਹਾਰ ਦਾ ਸਾਹਮਣਾ ਕਰਣਾ ਪਿਆ, ਜਿੱਥੇ ਕਾਫ਼ੀ ਸਮੇਂ ਤੋਂ ਉਸ ਦੀ ਸਰਕਾਰ ਸੀ। ਇਨ੍ਹਾਂ ਰਾਜਾਂ ਦੇ ਚੋਣ ਨਤੀਜੇ ਮੰਗਲਵਾਰ ਨੂੰ ਆਏ ਸਨ। ਬੀਜੇਪੀ ਨੂੰ ਮੱਧ ਪ੍ਰਦੇਸ਼, ਛੱਤੀਸਗੜ ਅਤੇ ਰਾਜਸਥਾਨ ਵਿਚ ਕਾਂਗਰਸ ਦੇ ਹੱਥੋਂ ਹਾਰ ਦਾ ਸਾਹਮਣਾ ਕਰਣਾ ਪਿਆ।
PM Modi
ਜਿੱਥੇ ਉਹ ਸੱਤਾ ਵਿਚ ਸੀ। ਤੇਲੰਗਾਨਾ ਵਿਚ ਮਜ਼ਬੂਤ ਤਾਕਤ ਦੇ ਰੂਪ ਵਿਚ ਉਭਰਣ ਲਈ ਬੀਜੇਪੀ ਦੀਆਂ ਕੋਸ਼ਸ਼ਾਂ ਨੂੰ ਵੀ ਨਤੀਜਿਆਂ ਤੋਂ ਝੱਟਕਾ ਲਗਿਆ ਹੈ, ਜਿੱਥੇ ਉਸ ਨੂੰ ਇਕ ਸੀਟ ਤੋਂ ਸੰਤੋਸ਼ ਕਰਣਾ ਪਿਆ। ਪਹਿਲਾਂ ਉੱਥੇ ਪਾਰਟੀ ਦੀਆਂ ਪੰਜ ਸੀਟਾਂ ਸਨ। ਮਿਜ਼ੋਰਮ ਵਿਚ ਬੀਜੇਪੀ ਨੂੰ ਇਕ ਸੀਟ 'ਤੇ ਜਿੱਤ ਮਿਲੀ। ਕਾਂਗਰਸ ਨੂੰ ਮਿਜੋਰਮ ਅਤੇ ਤੇਲੰਗਾਨਾ ਵਿਚ ਹਾਰ ਦਾ ਸਾਹਮਣਾ ਕਰਣਾ ਪਿਆ। ਉਂਜ ਤਾਂ ਸੰਸਦ ਸਤਰ ਦੇ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਲਗਭੱਗ ਹਰ ਹਫ਼ਤੇ ਬੀਜੇਪੀ ਸੰਸਦੀ ਪਾਰਟੀ ਨੂੰ ਸੰਬੋਧਿਤ ਕਰਦੇ ਹਨ
ਪਰ ਇਸ ਵਾਰ ਉਨ੍ਹਾਂ ਦਾ ਭਾਸ਼ਣ ਮਹੱਤਵਪੂਰਣ ਹੋਵੇਗਾ, ਕਿਉਂਕਿ ਇਹ ਕੁੱਝ ਰਾਜਾਂ ਵਿਚ ਪਾਰਟੀ ਦੀ ਹਾਰ ਦੀ ਪਿਛੋਕੜ ਵਿਚ ਹੋਵੇਗਾ। ਸਮਝਿਆ ਜਾਂਦਾ ਹੈ ਕਿ ਉਹ ਅਪਣੇ ਭਾਸ਼ਣ ਦੇ ਦੌਰਾਨ ਚੋਣ ਨਤੀਜੇ ਦੇ ਪਹਿਲੂਆਂ ਦਾ ਜ਼ਿਕਰ ਕਰ ਸਕਦੇ ਹਨ, ਨਾਲ ਹੀ 2019 ਦੇ ਲੋਕ ਸਭਾ ਚੋਣ ਅਭਿਆਨ ਦੀ ਰੂਪ ਰੇਖਾ ਦੇ ਬਾਰੇ ਵਿਚ ਕੁੱਝ ਕਹਿ ਸਕਦੇ ਹਨ।
ਸੂਤਰਾਂ ਨੇ ਦੱਸਿਆ ਕਿ ਬਾਅਦ ਵਿਚ ਪਾਰਟੀ ਪ੍ਰਧਾਨ ਅਮਿਤ ਸ਼ਾਹ ਬੀਜੇਪੀ ਦੇ ਰਾਸ਼ਟਰੀ ਦਫਤਰੀ ਅਹੁਦੇਦਾਰ, ਪ੍ਰਦੇਸ਼ ਸੂਬਿਆਂ ਦੇ ਪ੍ਰਧਾਨਾਂ ਦੀ ਬੈਠਕ ਦੀ ਪ੍ਰਧਾਨਗੀ ਕਰਣਗੇ। ਬੈਠਕ ਦੁਪਹਿਰ ਤੋਂ ਸ਼ੁਰੂ ਹੋਵੇਗੀ ਅਤੇ ਸ਼ਾਮ ਤੱਕ ਚੱਲੇਗੀ। ਸੂਤਰਾਂ ਨੇ ਦੱਸਿਆ ਕਿ ਬੈਠਕ ਦੀ ਯੋਜਨਾ ਚੋਣ ਨਤੀਜੇ ਦੇ ਐਲਾਨ ਤੋਂ ਪਹਿਲਾਂ ਤਿਆਰ ਕੀਤੀ ਗਈ ਸੀ। ਬੈਠਕ ਵਿਚ ਸੰਗਠਨਾਤਮਕ ਮੁੱਦਿਆਂ 'ਤੇ ਪਾਰਟੀ ਨੇਤਾਵਾਂ ਦੀ ਰਾਏ ਵੀ ਲਈ ਜਾਵੇਗੀ।
