ਪਣਜੀ : ਕੁੱਤਿਆਂ ਦੀ ਮੌਜੂਦਗੀ ਕਾਰਨ ਮੁੰਬਈ ਤੋਂ ਗੋਆ ਆ ਰਹੀ ਏਅਰ ਇੰਡੀਆ ਦੀ ਫ਼ਲਾਈਟ ਡਾਬੋਲਿਮ ਰਨਵੇਅ 'ਤੇ ਪਹਿਲੀ ਕੋਸ਼ਿਸ਼ 'ਚ ਲੈਂਡ ਨਹੀਂ ਕਰ ਸਕੀ। ਪਹਿਲੀ ਕੋਸ਼ਿਸ਼ 'ਚ ਸਫ਼ਲ ਲੈਂਡਿੰਗ ਨਾ ਹੋਣ ਕਾਰਨ ਮੁਸਾਫ਼ਰ ਘਬਰਾ ਗਏ ਪਰ ਜਹਾਜ਼ ਨੂੰ ਦੂਜੀ ਕੋਸ਼ਿਸ਼ 'ਚ ਲੈਂਡ ਕਰ ਲਿਆ। ਸਾਰੇ ਮੁਸਾਫ਼ਰ ਸੁਰੱਖਿਅਤ ਹਨ।
Indian Navy on Air India flight aborts landing in Dabolim (Goa) due to presence of dogs on runway: INS Hansa (near Dabolim) has taken proactive measures to reduce dog menace on runway with employment of manpower during daylight hours adjacent to runway to chase away dogs/birds. https://t.co/kMXV4hJBjH
— ANI (@ANI) 14 August 2019
ਜਾਣਕਾਰੀ ਮੁਤਾਬਕ ਮੰਗਲਵਾਰ ਰਾਤ ਨੂੰ ਆਵਾਰਾ ਕੁੱਤਿਆਂ ਦੀ ਮੌਜੂਦਗੀ ਦੀ ਖ਼ਬਰ ਏਅਰ ਟ੍ਰੈਫ਼ਿਕ ਕੰਟਰੋਲਰ (ਏਟੀਸੀ) ਕੋਲ ਨਹੀਂ ਸੀ। ਹਨ੍ਹੇਰਾ ਹੋਣ ਕਾਰਨ ਰਨਵੇਅ ਕੰਟਰੋਲਰ ਨੇ ਕਿਸੇ ਵੀ ਕੁੱਤੇ ਨੂੰ ਰਨਵੇਅ 'ਤੇ ਨਹੀਂ ਵੇਖਿਆ।
Will DGCA take note of this serious lapse? Safety of Passengers put at risk. I urge @MoCA_GoI to take cognizance and act. @goacm pic.twitter.com/RmMVluZ2y6
— Digambar Kamat (@digambarkamat) 13 August 2019
ਗੋਵਿੰਦ ਨਾਂ ਦੇ ਮੁਸਾਫ਼ਰ ਦਾ ਦਾਅਵਾ ਹੈ ਕਿ ਉਹ ਮੁੰਬਈ ਤੋਂ ਗੋਆ ਜਾਣ ਵਾਲੀ ਉਡਾਨ 'ਚ ਸਵਾਰ ਸੀ। ਉਸ ਨੇ ਦਾਅਵਾ ਕੀਤਾ ਕਿ ਕੁੱਤਿਆਂ ਨੂੰ ਵੇਖ ਕੇ ਪਾਇਲਟ ਨੇ ਲੈਂਡਿੰਗ ਤੋਂ ਕੁਝ ਸਮੇਂ ਪਹਿਲਾਂ ਹੀ ਆਪਣਾ ਫ਼ੈਸਲਾ ਬਦਲ ਲਿਆ। ਉਸ ਨੇ ਟਵੀਟ ਕਰ ਕੇ ਦੱਸਿਆ ਕਿ ਜਹਾਜ਼ ਲਗਭਗ 15 ਮਿੰਟ ਬਾਅਦ ਉਤਰਿਆ। ਪਾਇਲਟ ਨਾਲ ਪੁਛਗਿਛ ਕਰਨ 'ਤੇ ਉਨ੍ਹਾਂ ਦੱਸਿਆ ਕਿ ਰਨਵੇ 'ਤੇ 5-6 ਕੁੱਤੇ ਸਨ। ਇਹ ਬਿਲਕੁਲ ਪ੍ਰੇਸ਼ਾਨ ਕਰਨ ਵਾਲੀ ਗੱਲ ਹੈ। ਗੋਆ ਹਵਾਈ ਅੱਡੇ ਦੇ ਇਕ ਅਧਿਕਾਰੀ ਨੇ ਕਿਹਾ ਕਿ ਕਥਿਤ ਘਟਨਾ ਦੀ ਜਾਂਚ ਕੀਤੀ ਜਾਵੇਗੀ।
