ਜੇਤਲੀ ਅਤੇ ਮਾਲਿਆ ਵਿਚਕਾਰ 15 ਮਿੰਟਾਂ ਤਕ ਗੱਲਬਾਤ ਹੋਈ : ਕਾਂਗਰਸ
Published : Sep 14, 2018, 8:11 am IST
Updated : Sep 14, 2018, 8:11 am IST
SHARE ARTICLE
Rahul Gandhi
Rahul Gandhi

ਕਾਂਗਰਸ ਦੇ ਸੀਨੀਅਰ ਆਗੂ ਪੀ ਐਲ ਪੁਨੀਆ ਨੇ ਦਾਅਵਾ ਕੀਤਾ ਹੈ ਕਿ ਇਕ ਮਾਰਚ, 2016 ਨੂੰ ਸੰਸਦ ਦੇ ਕੇਂਦਰੀ ਚੈਂਬਰ ਵਿਚ ਸ਼ਰਾਬ ਕਾਰੋਬਾਰੀ ਵਿਜੇ ਮਾਲਿਆ..............

ਨਵੀਂ ਦਿੱਲੀ  : ਕਾਂਗਰਸ ਦੇ ਸੀਨੀਅਰ ਆਗੂ ਪੀ ਐਲ ਪੁਨੀਆ ਨੇ ਦਾਅਵਾ ਕੀਤਾ ਹੈ ਕਿ ਇਕ ਮਾਰਚ, 2016 ਨੂੰ ਸੰਸਦ ਦੇ ਕੇਂਦਰੀ ਚੈਂਬਰ ਵਿਚ ਸ਼ਰਾਬ ਕਾਰੋਬਾਰੀ ਵਿਜੇ ਮਾਲਿਆ ਦੀ ਵਿੱਤ ਮੰਤਰੀ ਅਰੁਣ ਜੇਤਲੀ ਨਾਲ 'ਵਿਧੀਵਤ ਮੁਲਾਕਾਤ' ਹੋਈ ਸੀ ਅਤੇ ਇਸ ਦੇ ਉਹ ਗਵਾਹ ਹਨ। ਪੁਨੀਆ ਨੇ ਚੁਨੌਤੀ ਦਿਤੀ ਕਿ ਜੇ ਉਨ੍ਹਾਂ ਦਾ ਇਹ ਦਾਅਵਾ ਸੱਚ ਸਾਬਤ ਨਾ ਹੋਇਆ ਤਾਂ ਉਹ ਰਾਜਨੀਤੀ ਛੱਡ ਦੇਣਗੇ। ਭਾਜਪਾ ਨੇ ਮੋੜਵਾਂ ਵਾਰ ਕਰਦਿਆਂ ਦਾਅਵਾ ਕੀਤਾ ਕਿ ਗਾਂਧੀ ਪ੍ਰਵਾਰ ਨੇ 2011-12 'ਚ ਕਿੰਗਫ਼ਿਸ਼ਰ ਏਅਰਲਾਈਨਜ਼ ਦੀ ਮਦਦ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ।

ਭਾਜਪਾ ਨੇ ਮੰਗ ਕੀਤੀ ਕਿ ਰਾਹੁਲ ਗਾਂਧੀ ਕਿੰਗਫ਼ਿਸ਼ਰ ਨਾਲ ਗਾਂਧੀ ਪ੍ਰਵਾਰ ਦੇ ਰਿਸ਼ਤਿਆਂ 'ਤੇ ਸਥਿਤੀ ਸਪੱਸ਼ਟ ਕਰਨ। ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਦੀ ਮੌਜੂਦਗੀ ਵਿਚ ਪੁਨੀਆ ਨੇ ਪੱਤਰਕਾਰਾਂ ਨੂੰ ਕਿਹਾ, ''ਇਕ ਮਾਰਚ, 2016 ਨੂੰ ਕੇਂਦਰੀ ਚੈਂਬਰ ਵਿਚ ਜੇਤਲੀ ਜੀ ਅਤੇ ਮਾਲਿਆ ਦੀ ਮੁਲਾਕਾਤ ਹੋਈ। ਪੰਜ-ਸੱਤ ਮਿੰਟ ਦੋਹਾਂ ਨੇ ਪਹਿਲਾਂ ਖੜੇ ਹੋ ਕੇ ਅਤੇ ਫਿਰ ਬੈਠ ਕੇ ਗੱਲਬਾਤ ਕੀਤੀ। 2016 ਦੇ ਬਜਟ ਇਜਲਾਸ ਵਿਚ ਮਾਲਿਆ ਸਿਰਫ਼ ਇਕ ਦਿਨ ਸੰਸਦ ਆਏ ਸਨ ਅਤੇ ਉਹ ਸਿਰਫ਼ ਜੇਤਲੀ ਨੂੰ ਮਿਲਣ ਆਏ ਸਨ।'' ਉਨ੍ਹਾਂ ਅੱਗੇ ਕਿਹਾ, ''ਮੈਂ ਮੀਡੀਆ ਨਾਲ ਗੱਲਬਾਤ ਵਿਚ ਕਈ ਮੌਕਿਆਂ 'ਤੇ ਇਸ ਦਾ ਜ਼ਿਕਰ ਕਰਦਾ ਰਿਹਾ।

ਢਾਈ ਸਾਲ ਤਕ ਜੇਤਲੀ ਚੁੱਪ ਰਹੇ। ਹੁਣ ਉਹ ਮੁਲਾਕਾਤ ਦੀ ਗੱਲ ਮੰਨ ਰਹੇ ਹਨ। ਸਚਾਈ ਇਹ ਹੈ ਕਿ ਦੋਹਾਂ ਵਿਚਾਲੇ ਵਿਧੀਵਤ ਮੁਲਾਕਾਤ ਹੋਈ ਸੀ।'' ਕਾਂਗਰਸ ਨੇਤਾ ਨੇ ਕਿਹਾ, 'ਮੇਰੀ ਚੁਨੌਤੀ ਹੈ ਕਿ ਕੇਂਦਰੀ ਚੈਂਬਰ ਵਿਚ ਸੀਸੀਟੀਵੀ ਕੈਮਰੇ ਲੱਗੇ ਹੋਏ ਹਨ ਅਤੇ ਉਸ ਦੀ ਫ਼ੁਟੇਜ ਵੇਖੀ ਜਾਵੇ। ਸਾਰਾ ਪਤਾ ਚੱਲ ਜਾਵੇਗਾ, ਜਾਂ ਤਾਂ ਜੇਤਲੀ ਜੀ ਰਾਜਨੀਤੀ ਛੱਡ ਦੇਣ ਜਾਂ ਮੈਂ ਛੱਡ ਦੇਵਾਂਗਾ।' ਉਨ੍ਹਾਂ ਦੋਸ਼ ਲਾਇਆ ਕਿ ਮਾਲਿਆ ਵਿੱਤ ਮੰਤਰੀ ਨਾਲ ਸਲਾਹ-ਮਸ਼ਵਰਾ ਕਰ ਕੇ ਦੇਸ਼ ਤੋਂ ਭੱਜਿਆ ਸੀ।

P. L. PuniaP. L. Punia

ਇਸ ਤੋਂ ਪਹਿਲਾਂ ਪੁਨੀਆ ਨੇ ਕਿਹਾ, 'ਜਦ ਮਾਲਿਆ ਦੇ ਦੇਸ਼ ਤੋਂ ਭੱਜਣ ਦੀ ਖ਼ਬਰ ਆਈ ਤਾਂ ਉਸ ਤੋਂ ਦੋ ਦਿਨ ਪਹਿਲਾਂ ਹੀ ਮੈਂ ਸੰਸਦ ਦੇ ਕੇਂਦਰੀ ਚੈਂਬਰ ਵਿਚ ਉਸ ਨੂੰ ਜੇਤਲੀ ਨਾਲ ਗੱਲਬਾਤ ਕਰ ਕੇ ਵੇਖਿਆ ਸੀ। ਦੋਹਾਂ ਨੇ ਕਾਫ਼ੀ ਦੇਰ ਤਕ ਗੱਲਬਾਤ ਕੀਤੀ ਸੀ।' ਉਧਰ, ਵਿੱਤ ਮੰਤਰੀ ਨੇ ਮਾਲਿਆ ਦੇ ਬਿਆਨ ਨੂੰ ਝੂਠਾ ਕਰਾਰ ਦਿੰਦਿਆਂ ਕਿਹਾ ਕਿ ਉਨ੍ਹਾਂ 2014 ਦੇ ਬਾਅਦ ਉਸ ਨੂੰ ਕਦੇ ਮਿਲਣ ਦਾ ਸਮਾਂ ਨਹੀਂ ਦਿਤਾ, ਫਿਰ ਮੁਲਾਕਾਤ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ।

ਇਕ ਦਿਨ ਪਹਿਲਾਂ ਹੀ ਕਿੰਗਫ਼ਿਸ਼ਰ ਦੇ ਸਾਬਕਾ ਮੁਖੀ ਵਿਜੈ ਮਾਲਿਆ ਨੇ ਲੰਦਨ 'ਚ ਕਿਹਾ ਸੀ ਕਿ ਉਨ੍ਹਾਂ ਨੇ ਦੇਸ਼ ਛੱਡਣ ਤੋਂ ਪਹਿਲਾਂ ਅਰੁਣ ਜੇਤਲੀ ਨਾਲ ਮੁਲਾਕਾਤ ਕੀਤੀ ਸੀ ਅਤੇ ਬੈਂਕਾਂ 'ਤੇ ਅਪਣੇ ਬਕਾਏ ਬਾਬਤ ਮਾਮਲੇ ਦਾ ਨਿਪਟਾਰਾ ਕਰਨ ਦੀ ਪੇਸ਼ਕਸ਼ ਕੀਤੀ ਸੀ। ਵਿੱਤ ਮੰਤਰੀ ਅਰੁਣ ਜੇਤਲੀ ਦਾ ਬਚਾਅ ਕਰਦਿਆਂ ਭਾਜਪਾ ਨੇ ਕਿਹਾ ਕਿ ਭਗੋੜਾ ਕਾਰੋਬਾਰੀ ਵਿਜੈ ਮਾਲਿਆ ਇਕ ਅਪਰਾਧੀ ਹਨ ਅਤੇ ਉਸ ਦੀਆਂ ਗੱਲਾਂ ਨੂੰ ਗੰਭੀਰਤਾ ਨਾਲ ਲੈਣ ਦੀ ਜ਼ਰੂਰਤ ਨਹੀਂ ਹੈ। 

+ਭਾਜਪਾ ਆਗੂ ਅਤੇ ਦੇਸ਼ ਦੀ ਰਖਿਆ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਕਿਹਾ ਕਿ ਇਹ ਯੂ.ਪੀ.ਏ. ਸਰਕਾਰ ਵੇਲੇ ਹੋਏ 'ਗੰਢਤੁਪ ਅਤੇ ਵਿਤਕਰੇ' ਤੋਂ ਧਿਆਨ ਹਟਾਉਣ ਦੀ ਰਣਨੀਤੀ ਹੈ। ਉਨ੍ਹਾਂ ਕਿਹਾ ਕਿ ਸੰਸਦ 'ਚ ਮਾਲਿਆ ਦੀ ਜੇਤਲੀ ਨਾਲ ਛੋਟੀ ਜਿਹੀ ਮੁਲਾਕਾਤ ਨੂੰ ਮੁੱਦਾ ਬਣਾਇਆ ਜਾ ਰਿਹਾ ਹੈ ਅਤੇ ਇਸ ਮੁੱਦੇ 'ਤੇ ਆਏ ਜਵਾਬਾਂ ਨੇ ਇਨ੍ਹਾਂ ਤੱਥਾਂ ਨੂੰ ਹੋਰ ਤਾਕਤਵਰ ਬਣਾ ਦਿਤਾ ਹੈ ਕਿ ਇਸ ਗੱਲਬਾਤ ਦੇ ਕੋਈ ਅਰਥ ਨਹੀਂ ਸਨ।  (ਏਜੰਸੀ)

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਦੇਖੋ ਚੋਣ ਅਧਿਕਾਰੀ ਕਿਵੇਂ ਸਿਆਸੀ ਇਸ਼ਤਿਹਾਰਬਾਜ਼ੀ ਅਤੇ Paid ਖ਼ਬਰਾਂ ਉੱਤੇ ਰੱਖ ਰਿਹਾ ਹੈ ਨਜ਼ਰ, ਕਹਿੰਦਾ- ਝੂਠੀਆਂ....

29 Mar 2024 1:14 PM

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM

'ਚੋਰ ਵੀ ਕਹਿੰਦਾ ਮੈਂ ਚੋਰੀ ਨਹੀਂ ਕੀਤੀ, ਜੇ Kejriwal ਬੇਕਸੂਰ ਨੇ ਤਾਂ ਸਬੂਤ ਪੇਸ਼ ਕਰਨ'

29 Mar 2024 11:53 AM

Punjab-Delhi 'ਚ ਤੋੜੇਗੀ BJP GOVT ! ਕੌਰ ਗਰੁੱਪ ਦੀ ਮੀਟਿੰਗ ਤੋਂ ਪਹਿਲਾ ਬੋਲਿਆ ਆਗੂ, ਕੋਈ ਸਾਡੇ ਕੋਲ ਆਉਂਦਾ ਹੈ...

29 Mar 2024 11:34 AM

Mukhtar Ansari ਦੀ ਹੋਈ ਮੌਤ, Jail 'ਚ ਪਿਆ ਦਿਲ ਦਾ ਦੌਰਾ, UP ਦੇ ਕਈ ਜ਼ਿਲ੍ਹਿਆਂ 'ਚ High Alert

29 Mar 2024 9:33 AM
Advertisement