ਕਮਰੇ ਵਿਚ ਦਾਖਲ ਹੋਣ ਤੋਂ ਬਾਅਦ ਉਥੇ ਮੌਜੂਦ ਕੁਝ ਲੋਕਾਂ ਨੇ ਔਰਤ ਨੂੰ ਕਪੜੇ ਉਤਾਰਨ ਲਈ ਕਿਹਾ।

ਔਰਗਾਂਬਾਦ, ( ਭਾਸ਼ਾ) : ਮਹਾਰਾਸ਼ਟਰਾ ਦੇ ਔਰਗਾਂਬਾਦ ਸਥਿਤ ਕੰਨੜ ਇਲਾਕੇ ਵਿਖੇ ਕਲੰਕੀ ਨਾਮਕ ਪੂਜਾ ਦੇ ਆਯੋਜਨ ਦੌਰਾਨ ਇਸ ਪੂਜਾ ਵਿਚ ਸ਼ਾਮਲ ਹੋਣ ਲਈ 31 ਸਾਲਾ ਇਕ ਔਰਤ ਦੇ ਕਪੜੇ ਉਤਾਰ ਦਿਤੇ ਗਏ। ਇਹ ਪੀੜਤ ਔਰਤ ਅਪਣੇ ਘਰ ਰੋਜ਼ਾਨਾ ਦਾ ਕੰਮਕਾਜ ਕਰ ਰਹੀ ਸੀ। ਇਸੇ ਦੌਰਾਨ ਦੋਸ਼ੀ ਰਾਮਭਾਉ ਸ਼ਿੰਦੇ ਨੇ ਦਰਵਾਜਾ ਖੜਕਾਇਆ। ਔਰਤ ਵੱਲੋਂ ਦਰਵਾਜਾ ਖੋਲ੍ਹਣ ਤੋਂ ਬਾਅਦ ਦੋਸ਼ੀ ਰਾਮਭਾਉ ਨੇ ਇਸ ਔਰਤ ਨੂੰ ਅਪਣੇ ਫਾਰਮ ਵਿਚ ਆਯੋਜਿਤ ਪੂਜਾ ਵਿਚ ਸ਼ਾਮਲ ਹੋਣ ਲਈ ਕਿਹਾ।

victim

ਪਹਿਲਾਂ ਤਾਂ ਔਰਤ ਨੇ ਇਸ ਪੂਜਾ ਵਿਚ ਸ਼ਾਮਲ ਹੋਣ ਤੋਂ ਜਵਾਬ ਦੇ ਦਿਤਾ ਪਰ ਬਾਅਦ ਵਿਚ ਇਸ ਆਦਮੀ ਵੱਲੋਂ ਅਪਣੀ ਉਮਰ ਦਾ ਹਵਾਲਾ ਦਿਤਾ ਗਿਆ, ਜਿਸ ਕਾਰਨ ਔਰਤ ਉਸ ਦੇ ਨਾਲ ਜਾਣ ਲਈ ਤਿਆਰ ਹੋ ਗਈ। ਫਾਰਮ ਵਿਚ ਬਣੇ ਛੋਟੇ ਜਿਹੇ ਕਮਰੇ ਵਿਚ ਜਦ ਇਹ ਔਰਤ ਪੁੱਜੀ ਤਾਂ ਉਸ ਨੇ ਦੇਖਿਆ ਕਿ ਕੁਝ ਤਾਂਤ੍ਰਕ ਬੈਠੇ ਹੋਏ ਹਨ ਅਤੇ ਮੰਤਰ ਪੜ੍ਹ ਰਹੇ ਹਨ। ਕਮਰੇ ਵਿਚ ਦਾਖਲ ਹੋਣ ਤੋਂ ਬਾਅਦ ਉਥੇ ਮੌਜੂਦ ਕੁਝ ਲੋਕਾਂ ਨੇ ਔਰਤ ਨੂੰ ਕਪੜੇ ਉਤਾਰਨ ਲਈ ਕਿਹਾ। ਜਦ ਔਰਤ ਨੇ ਇਸ ਤੋਂ ਇਨਕਾਰ ਕੀਤਾ ਤਾਂ ਇਹਨਾਂ ਲੋਕਾਂ ਨੇ ਹੋਰਨਾਂ ਮੌਜੂਦ ਲੋਕਾਂ ਨੂੰ

Exploitation

ਕਿਹਾ ਕਿ ਉਹ ਇਸ ਔਰਤ ਦੇ ਕਪੜੇ ਫਾੜ ਦੇਣ। ਇਸ ਤੋਂ ਬਾਅਦ ਕੁਝ ਲੋਕਾਂ ਨੇ ਰਲ ਕੇ ਔਰਤ ਦੇ ਕਪੜੇ ਫਾੜ ਦਿਤੇ ਅਤੇ ਔਰਤ ਦਾ ਸ਼ੋਸ਼ਣ ਕਰਨ ਲਗੇ। ਇਸ ਸੱਭ ਤੋਂ ਬਾਅਦ ਔਰਤ ਨੇ ਕਿਸੇ ਤਰ੍ਹਾਂ ਉਥੋਂ ਭੱਜ ਕੇ ਅਪਣੀ ਜਾਨ ਬਚਾਈ ਅਤੇ ਕੰਨੜ ਪੁਲਿਸ ਸਟੇਸ਼ਨ ਪੁੱਜੀ। ਇਥੇ ਔਰਤ ਨੇ ਅਪਣੀ ਹੱਡਬੀਤੀ ਪੁਲਿਸ ਨੂੰ ਦੱਸੀ। ਜਿਸ ਤੋਂ ਬਾਅਦ 13 ਲੋਕਾਂ ਵਿਰੁਧ ਸ਼ਿਕਾਇਤ ਦਰਜ ਕਰਵਾਈ। ਇਸ ਮਾਮਲੇ ਵਿਚ 2 ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਪੁਲਿਸ ਅਗਲੇਰੀ ਜਾਂਚ ਵਿਚ ਲਗੀ ਹੋਈ ਹੈ।