ਕਰਨਾਟਕ ਵਿਚ ਸਿਆਸੀ ਡਰਾਮਾ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ....
ਨਵੀਂ ਦਿੱਲੀ : ਕਰਨਾਟਕ ਵਿਚ ਸਿਆਸੀ ਡਰਾਮਾ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ ਹੈ। ਪਹਿਲਾਂ ਕਾਂਗਰਸ ਅਤੇ ਜਨਤਾ ਦਲ ਸੈਕੀਊਲਰ (JDS) ਨੇ ਬੀਜੇਪੀ ਉਤੇ ਵਿਧਾਇਕਾਂ ਦੀ ਖਰੀਦ ਫਰੋਖਤ (ਹਾਰਸ ਟਰੈਡਿੰਗ) ਦਾ ਇਲਜ਼ਾਮ ਲਗਾਇਆ ਅਤੇ ਹੁਣ ਮਾਮਲਾ ਮਾਰ ਕੁੱਟ ਤੱਕ ਪਹੁੰਚ ਗਿਆ ਹੈ ਅਤੇ ਕਿਹਾ ਜਾ ਰਿਹਾ ਹੈ ਕਿ ਹਾਥੋਪਾਈ ਦੇ ਚਲਦੇ ਕਾਂਗਰਸ ਦੇ ਇਕ ਵਿਧਾਇਕ ਨੂੰ ਹਸਪਤਾਲ ਵਿਚ ਭਰਤੀ ਕਰਨਾ ਪਿਆ ਹੈ। ਖਾਸ ਗੱਲ ਇਹ ਹੈ ਕਿ ਕਾਂਗਰਸ ਦੇ ਇਕ ਵਿਧਾਇਕ ਨੇ ਹੀ ਅਪਣੇ ਸਾਥੀ ਉਤੇ ਹਮਲਾ ਕਰ ਦਿਤਾ।
ਸਥਾਨਕ ਮੀਡੀਆ ਰਿਪੋਰਟਸ ਦੇ ਮੁਤਾਬਕ ਕਾਂਗਰਸ ਵਿਧਾਇਕ ਦੇ ਵਿਚ ਇਹ ਮਾਰ ਕੁੱਟ ਬੈਂਗਲੁਰੂ ਦੇ ਇਗਲਟਾਨ ਰਿਸੋਰਟ ਵਿਚ ਹੋਈ। ਇਲਜ਼ਾਮ ਹੈ ਕਿ ਕਾਂਗਰਸ ਦੇ ਵਿਧਾਇਕ ਜੇਐਨ ਗਣੇਸ਼ ਨੇ ਅਪਣੇ ਸਾਥੀ ਆਨੰਦ ਸਿੰਘ ਦੇ ਸਿਰ ਉਤੇ ਬੋਤਲ ਨਾਲ ਹਮਲਾ ਕਰ ਦਿਤਾ। ਘਟਨਾ ਦੇ ਤੁਰੰਤ ਬਾਅਦ ਆਨੰਦ ਸਿੰਘ ਨੂੰ ਹਸਪਤਾਲ ਵਿਚ ਭਰਤੀ ਕਰਨਾ ਪਿਆ। ਇਗਲਟਾਨ ਰਿਸੋਰਟ ਵਿਚ ਹੀ ਕਾਂਗਰਸ ਦੇ ਵਿਧਾਇਕ ਪਿਛਲੇ ਦੋ ਦਿਨ ਤੋਂ ਰੁਕੇ ਹੋਏ ਹਨ। ਕਾਂਗਰਸ ਨੇ ਅਜਿਹੀ ਕਿਸੇ ਵੀ ਘਟਨਾ ਤੋਂ ਇਨਕਾਰ ਕੀਤਾ ਹੈ।
ਕਾਂਗਰਸ ਦੇ ਕੁੱਝ ਨੇਤਾਵਾਂ ਨੇ ਕਿਹਾ ਕਿ ਛਾਤੀ ਵਿਚ ਦਰਦ ਦੇ ਚਲਦੇ ਆਨੰਦ ਸਿੰਘ ਨੂੰ ਹਸਪਤਾਲ ਵਿਚ ਭਰਤੀ ਕਰਨਾ ਪਿਆ ਹੈ। ਪਰ ਪਾਰਟੀ ਦੇ ਕਈ ਵਿਧਾਇਕਾਂ ਨੂੰ ਹਸਪਤਾਲ ਵਿਚ ਦੇਖਿਆ ਗਿਆ। ਡੀਕੇ ਸ਼ਿਵਕੁਮਾਰ ਦੇ ਭਰਾ ਅਤੇ ਸੰਸਦ ਡੀਕੇ ਸੁਰੇਸ਼ ਨੇ ਇਸ ਘਟਨਾ ਦੇ ਬਾਰੇ ਵਿਚ ਕਿਹਾ ਮੈਨੂੰ ਇਸ ਝਗੜੇ ਦੇ ਬਾਰੇ ਵਿਚ ਕੁੱਝ ਵੀ ਨਹੀਂ ਪਤਾ ਹੈ। ਸੀਨੇ ਵਿਚ ਦਰਦ ਦੇ ਚਲਦੇ ਆਨੰਦ ਸਿੰਘ ਨੂੰ ਹਸਪਤਾਲ ਵਿਚ ਭਰਤੀ ਕਰਨਾ ਪਿਆ ਹੈ। ਉਨ੍ਹਾਂ ਨੂੰ ਕੋਈ ਸੱਟ ਨਹੀਂ ਲੱਗੀ ਹੈ। ਉਨ੍ਹਾਂ ਦੇ ਪੈਰੇਂਟਸ ਹਸਪਤਾਲ ਵਿਚ ਹਨ। ਲੋਕ ਇੰਝ ਹੀ ਅਟਕਲਾਂ ਲਗਾ ਰਹੇ ਹਨ।