ਇਹ ਵਾਇਹਸ ਪ੍ਰਭਾਵਿਤ ਮਰੀਜ਼ਾਂ ਦੇ ਛੂਹਣ ਜਾਂ ਖੰਘਣ ਨਾਲ ਫੈਲਦਾ ਹੈ
ਜਲੰਧਰ : ਕਰੋਨਾ ਵਾਇਰਸ ਤੋਂ ਬਚਣ ਦੇ ਲਈ ਵਿਸ਼ਵ ਸਿਹਤ ਸੰਗਠਨ ਅਤੇ ਸਰਕਾਰਾਂ ਦੇ ਵੱਲੋਂ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਸਮੇਂ-ਸਮੇਂ ਤੇ ਨੋਟੀਫਕੇਸ਼ਨ ਜਾਰੀ ਕੀਤੇ ਜਾ ਰਹੇ ਹਨ ਪਰ ਉਥੇ ਹੀ ਕਈ ਲੋਕ ਅਜਿਹੇ ਵੀ ਹਨ ਜਿਹੜੇ ਇਸ ਵਾਇਰਸ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਅਫਵਾਹਾਂ ਵੀ ਫੈਲਾਅ ਰਹੇ ਹਨ । ਇਸ ਨਾਲ ਸਬੰਧ ਅਫਵਾਹਾਂ ਵਿਚ ਲੋਕਾਂ ਨੂੰ ਵੱਟਸਅੱਪ ਦੇ ਜਰੀਏ ਇਹ ਕਿਹਾ ਜਾ ਰਿਹਾ ਹੈ ਕਿ ਦੁੱਧ ਦੇ ਪੈਕਟ ਫੜਨ , ਡੋਰ ਬੈਲ ਵਜਾਉਣ ਅਤੇ ਅਖ਼ਬਾਰ ਨੂੰ ਪੜ੍ਹਨ ਨਾਲ ਵੀ ਕਰੋਨਾ ਵਾਇਰਸ ਫੈਲ ਸਕਦਾ ਹੈ।
Coronavirus
ਜਿਸ ਗੱਲ ਨੂੰ ਡਾਕਟਰਾਂ ਨੇ ਇਕ ਦਮ ਹੀ ਨਕਾਰਦਿਆਂ ਇਸ ਨੂੰ ਅਫ਼ਵਾਹ ਦੱਸਿਆ ਗਿਆ ਹੈ। ਮਾਹਿਰਾਂ ਦਾ ਇਸ ਬਾਰੇ ਕਹਿਣਾ ਹੈ ਕਿ ਤੁਸੀਂ ਅਖ਼ਬਾਰ ਵੀ ਪੜ੍ਹ ਸਕਦੇ ਹੋ ਅਤੇ ਡੋਰ ਬੈਲ ਵੀ ਵਜਾ ਸਕਦੇ ਹੋ ਪਰ ਫਿਰ ਵੀ ਜੇਕਰ ਤੁਹਾਨੂੰ ਇਸ ਤੋਂ ਡਰ ਲਗਦਾ ਹੈ ਤਾਂ ਤੁਸੀਂ ਇਸ ਨੂੰ ਪੜ੍ਹਨ ਜਾ ਡੋਰ ਬੈਲ ਵਜਾਉਣ ਤੋਂ ਬਾਅਦ ਹੱਥਾਂ ਨੂੰ ਸੈਨੀਟਾਇਜਰ ਸਾਫ ਕਰਕੇ ਆਪਣੇ ਵਹਿਮ ਨੂੰ ਦੂਰ ਕਰ ਸਕਦੇ ਹੋ।
Coronavirus
ਇਨ੍ਹਾਂ ਅਫਵਾਹਾਂ ਨੂੰ ਛੱਡ ਕੇ ਜੇਕਰ ਸਾਨੂੰ ਅਸਲ ਵਿਚ ਕਿਸੇ ਗੱਲ ਤੇ ਧਿਆਨ ਦੇਣ ਦੀ ਲੋੜ ਹੈ ਤਾਂ ਉਹ ਇਹ ਕਿ ਸਾਨੂੰ ਭੀੜ ਵਾਲੀਆਂ ਥਾਵਾਂ ਅਤੇ ਸ਼ੱਕੀ ਵਿਅਕਤੀਆਂ ਤੋਂ ਦੂਰ ਹਹਿਣਾ ਚਾਹੀਦਾ ਹੈ। ਦੱਸ ਦੱਈਏ ਕਿ ਇਕ ਸਰਚ ਦੇ ਅਨੁਸਾਰ ਇਹ ਵਾਇਰਸ ਨਾਜੁਕ ਪੱਧਰ ਤੇ 2 ਦਿਨ ਅਤੇ ਸਖਤ ਪੱਧਰ ‘ਤੇ 4 ਤੋਂ 9 ਦਿਨ ਤੱਕ ਹੀ ਰਹਿੰਦਾ ਹੈ। ਇਹ ਵਾਤਾਵਰਨ ਦੇ ਤਾਪਮਾਨ ਉਪਰ ਹੀ ਨਿਰਭਰ ਕਰਦਾ ਹੈ।
coronavirus
ਲੇਡੀ ਹਾਰਡਿੰਗ ਮੈਡੀਕਲ ਕਾਲਜ ਕਮਿਊਨਿਟੀ ਮੈਡੀਸਨ ਦੇ ਮਾਹਰ ਡਾ. ਸ਼ਿਵਾਜੀ ਨੇ ਦੱਸਿਆ ਕਿ ਅਖ਼ਬਾਰ ਪੜ੍ਹਨ ਜਾ ਦੁੱਧ ਦੇ ਪੈਕਿਟ ਨੂੰ ਫੜਨ ਨਾਲ ਇਹ ਵਾਇਰਸ ਨਹੀਂ ਫੈਲਦਾ ਇਸ ਕਰਕੇ ਲੋਕਾਂ ਨੂੰ ਇਸ ਤਰ੍ਹਾਂ ਦੀਆਂ ਅਫ਼ਵਾਹਾਂ ਤੇ ਯਕੀਨ ਨਹੀਂ ਕਰਨਾ ਚਾਹੀਦਾ ਹੈ ਇਸ ਲਈ ਇਸ ਤੋਂ ਡਰਨ ਦੀ ਕੋਈ ਲੋੜ ਨਹੀਂ । ਜਿਕਰਯੋਗ ਹੈ ਕਿ ਇਹ ਵਾਇਰਸ ਇਨਸਾਨ ਤੋਂ ਫੈਲਦਾ ਹੈ ਨਾ ਕਿ ਕਿਸੇ ਅਖ਼ਬਾਰ ਜਾਂ ਫਿਰ ਦੁੱਧ ਦੇ ਪੈਕਿਟ ਤੋਂ ।
Coronavirus
ਦੱਸ ਦੱਈਏ ਕਿ ਅਜਿਹੀਆਂ ਚੀਜਾਂ ਨੂੰ ਤਾਂ ਚੀਨ ਵਰਗੇ ਦੇਸ਼ਾਂ ਨੇ ਵੀ ਬੰਦ ਨਹੀਂ ਕੀਤੀਆਂ ਜਿੱਥੇ ਇਹ ਵਾਇਰਸ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਮਰੀਜ਼ ਸਾਹਮਣੇ ਆਏ ਹਨ। ਸੋ ਇਸ ਲਈ ਅਜਿਹੀਆਂ ਅਫ਼ਵਾਹਾਂ ਤੋਂ ਜ਼ਰਾ ਵੀ ਘਬਰਾਉਂਣ ਦੀ ਲੋੜ ਨਹੀਂ ਸਗੋਂ ਆਪਣੇ ਆਪ ਨੂੰ ਭੀੜ ਵਾਲੇ ਇਲਾਕੇ ਅਤੇ ਪ੍ਰਭਾਵਿਤ ਮਰੀਜ਼ਾਂ ਤੋਂ ਬਚਾ ਕੇ ਰੱਖਣ ਦੀ ਲੋੜ ਹੈ।
Photo
ਇਸ ਲਈ ਜਿਕਰਯੋਗ ਹੈ ਕਿ ਇਹ ਵਾਇਹਸ ਪ੍ਰਭਾਵਿਤ ਮਰੀਜ਼ਾਂ ਦੇ ਛੂਹਣ ਜਾਂ ਖੰਘਣ ਨਾਲ ਫੈਲਦਾ ਹੈ। ਇਸ ਲਈ ਇਨ੍ਹਾਂ ਅਫਵਾਹਾਂ ਤੋਂ ਡਰਨ ਦੀ ਲੋੜ ਨਹੀਂ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
