ਐਸਪੀ ਤੇ ਬੀਐਸਪੀ ਵਿਚਕਾਰ ਉੱਤਰ ਪ੍ਰਦੇਸ਼ ਦੀਆਂ 80 ਲੋਕਸਭਾ ਸੀਟਾਂ ਲਈ ਗੱਠ-ਜੋੜ ਹੋਇਆ ਹੈ । ਇਨ੍ਹਾਂ ਦੋਨਾਂ ਪਾਰਟੀਆਂ ਨੇ ਲਗਭਗ ਅੱਧੀਆਂ - ਅੱਧੀਆਂ ਸੀਟਾਂ ਤੇ ਲੜਨ ....
ਲਖਨਊ: ਲੋਕਸਭਾ ਚੋਣ ਲਈ ਸਮਾਜਵਾਦੀ ਪਾਰਟੀ (ਐਸਪ) ਤੇ ਬਹੁਜਨ ਸਮਾਜ ਪਾਰਟੀ (ਬੀਐਸਪੀ) ਨੇ ਸੀਟਾਂ ਦੈ ਐਲਾਨ ਕਰ ਦਿੱਤਾ ਹੈ ਕਿ ਕਿਸ ਸੀਟ ਤੇ ਕਿਹੜੀ ਪਾਰਟੀ ਲੜੇਗੀ । ਦੱਸ ਦਈਏ ਕਿ ਐਸਪੀ ਤੇ ਬੀਐਸਪੀ ਵਿਚਕਾਰ ਉੱਤਰ ਪ੍ਰਦੇਸ਼ ਦੀਆਂ 80 ਲੋਕਸਭਾ ਸੀਟਾਂ ਲਈ ਗੱਠ-ਜੋੜ ਹੋਇਆ ਹੈ । ਇਨ੍ਹਾਂ ਦੋਨਾਂ ਪਾਰਟੀਆਂ ਨੇ ਲਗਭਗ ਅੱਧੀਆਂ - ਅੱਧੀਆਂ ਸੀਟਾਂ ਤੇ ਲੜਨ ਦਾ ਐਲਾਨ ਕੀਤਾ ਹੈ । ਬਾਕੀ ਦੀਆਂ ਸੀਟਾਂ ਸਹਿਯੋਗੀ ਦਲਾਂ ਲਈ ਛੱਡੀਆਂ ਗਈਆਂ ਹਨ ।
ਦੱਸ ਦਈਏ ਕਿ 80 ਵਿਚੋਂ ਦੋਂ ਸੀਟਾਂ ( ਅਮੇਠੀ ਤੇ ਰਾਏ ਬਰੇਲੀ ) ਕਾਂਗਰਸ ਲਈ ਛੱਡੀਆਂ ਹਨ ਤੇ ਰਾਸ਼ਟਰੀ ਲੋਕ ਦਲ ( ਆਰਐਲਡੀ ) ਨੂੰ ਤਿੰਨ ਸੀਟਾਂ ਦਿਤੀਆਂ ਗਈਆਂ ਹਨ । ਆਰਐਲਡੀ ਨੂੰ ਮਥੁਰਾ ਦੇ ਹਿੱਸੇ ਵਿਚ ਉਸਦੀਆਂ ਪਰੰਪਰਾਗਤ ਮਥੁਰਾ , ਬਾਗਪਤ ਤੇ ਮੁਜ਼ੱਫਰਨਗਰ ਸੀਟਾਂ ਆਈਆਂ ਹਨ । ਪੱਛਮੀ ਉੱਤਰ ਪ੍ਰਦੇਸ਼ ਦੀਆਂ ਜ਼ਿਆਦਾਤਰ ਸੀਟਾਂ ਐਸਪੀ ਤੇ ਪੂਰਬੀ ਯੂਪੀ ਦੀਆਂ ਜ਼ਿਆਦਾਤਰ ਸੀਟਾਂ ਬੀਐਸਪੀ ਦੇ ਖਾਤੇ ਵਿਚ ਆਈਆਂ ਹਨ।
Sp and Bsp gathbandhan
ਐਸਪੀ - ਬੀਐਸਪੀ ਵਿਚ ਹੋਏ ਇਸ ਬਟਵਾਰੇ 'ਚ ਅਨੁਸੂਚਿਤ ਜਾਤੀ ਲਈ ਰਾਖਵੀਆਂ ਸੀਟਾਂ ਤੇ ਬੀਐਸਪੀ ਦਾ ਦਬਦਬਾ ਬਰਕਰਾਰ ਹੈ। ਦੱਸ ਦਈਏ ਕਿ ਯੂਪੀ ਦੀਆਂ 80 ਵਿਚੋਂ ਕੁਲ17 ਸੀਟਾਂ ਅਜਿਹੀਆਂ ਹਨ , ਜੋ ਅਨੁਸੂਚੀਤ ਜਾਤੀ ਲਈ ਰਾਖਵੀਆਂ ਹਨ । ਇਹਨਾਂ ‘ਚ ਬੀਐਸਪੀ ਦੇ ਹਿੱਸੇ 10 ਤੇ ਐਸਪੀ ਦੇ ਹਿੱਸੇ ਵਿਚ ਸੱਤ ਸੀਟਾਂ ਆਈਆਂ ਹਨ ।
ਇਸਦੇ ਇਲਾਵਾ 2014 ਵਿਚ ਜਿਨ੍ਹਾਂ ਪੰਜ ਲੋਕਸਭਾ ਸੀਟਾਂ ਤੇ ਸਮਾਜਵਾਦੀ ਪਾਰਟੀ ਨੂੰ ਜਿੱਤ ਮਿਲੀ ਸੀ , ਉਹ ਵੀ ਐਸਪੀ ਦੇ ਹੀ ਹਿੱਸੇ ਵਿਚ ਆਈਆਂ ਹਨ। ਪ੍ਰਦੇਸ਼ ਦੀਆਂ ਤਿੰਨ ਸੀਟਾਂ ਕੈਰਾਨਾ , ਗੋਰਖਪੁਰ ਤੇ ਫੂਲਪੁਰ ਤੇ ਉਪਚੌਣਾਂ ਵਿਚ ਵੀ ਗੱਠ-ਜੋੜ ਨੂੰ ਜਿੱਤ ਮਿਲੀ ਸੀ । ਕੈਰਾਨਾ ਵਿਚ ਸਮਾਜਵਾਦੀ ਪਾਰਟੀ ਦੀ ਟਿਕਟ ਤੇ ਆਰਐਲਡੀ ਦੀ ਉਮੀਦਵਾਰ ਖੜੀ ਸੀ। ਉਥੇ ਹੀ , ਗੋਰਖਪੁਰ ਵਿਚ ਨਿਸ਼ਾਦ ਪਾਰਟੀ ਦੇ ਪ੍ਰਵੀਣ ਨਿਸ਼ਾਦ ਐਸਪੀ ਦੀ ਟਿਕਟ ਤੇ ਚੋਣਾਂ ਵਿਚ ਉਤਰੇ ਸੀ । ਇਹਨਾਂ ਤਿੰਨ ਸੀਟਾਂ ਤੇ ਵੀ ਸਮਾਜਵਾਦੀ ਪਾਰਟੀ ਦਾ ਦਾਅਵਾ ਬਰਕਰਾਰ ਹੈ ।
ਪ੍ਰਧਾਨਮੰਤਰੀ ਨਰੇਂਦਰ ਮੋਦੀ ਦੇ ਸੰਸਦੀ ਖੇਤਰ ਵਾਰਾਣਸੀ ਤੋਂ ਉਨ੍ਹਾਂ ਨੂੰ ਚੁਣੋਤੀ ਦੇਣ ਲਈ ਐਸਪੀ ਉਮੀਦਵਾਰ ਉਤਰੇਗਾ । ਉਥੇ ਹੀ ਰਾਜਧਾਨੀ ਲਖਨਊ , ਯੋਗੀ ਆਦਿੱਤਿਅਨਾਥ ਦਾ ਗੋਰਖਪੁਰ , ਉਦਯੋਗ ਨਗਰੀ ਕਾਨਪੁਰ , ਇਲਾਹਾਬਾਦ , ਫੈਜ਼ਾਬਾਦ ਤੇ ਗਾਜ਼ੀਆਬਾਦ ਆਦਿ ਚਰਚਿਤ ਸੀਟਾਂ ਤੇ ਵੀ ਐਸਪੀ ਚੋਣ ਲੜੇਗੀ । ਉਥੇ ਹੀ, ਦਲਿਤ ਅੰਦੋਲਨ ਦਾ ਕੇਂਦਰ ਰਹਿ ਚੁਕੇ ਸਹਾਰਨਪੁਰ ਦੀ ਸੀਟ ਬੀਐਸਪੀ ਦੇ ਹਿੱਸੇ ਵਿਚ ਆਈ ਹੈ । ਆਗਰਾ , ਮੇਰਠ , ਗਾਜ਼ੀਪੁਰ , ਬੁਲੰਦਸ਼ਹਿਰ ਤੇ ਸੁਲਤਾਨਪੁਰ ਤੋਂ ਬੀਐਸਪੀ ਉਮੀਦਵਾਰ ਮੈਦਾਨ ਵਿਚ ਉਤਰੇਗੀ ।
