ਉੱਥੇ ਹੀ ਉਸ ਦਾ ਇਲਾਜ ਕਰਨ ਵਾਲੇ ਡਾਕਟਰ ਨੂੰ ਹੋਮ ਕਆਰੰਟੀਨ ਕੀਤਾ ਗਿਆ ਹੈ
ਨਵਾ ਸ਼ਹਿਰ : ਪੰਜਾਬ ਦੇ ਪਿੰਡ ਪਠਲਾਵਾ ਵਿਚ ਕਰੋਨਾ ਵਾਇਰਸ ਨਾਲ ਹੋਈ ਬਜੁਰਗ ਦੀ ਮੌਤ ਤੋਂ ਬਾਅਦ ਸਿਹਤ ਵਿਭਾਗ ਦੇ ਵੱਲੋ ਹਰ ਉਸ ਵਿਅਕਤੀ ਦੀ ਪੜਤਾਲ ਕੀਤੀ ਜਾ ਰਹੀ ਹੈ ਜਿਸ ਨੂੰ ਉਹ ਬਜੁਰਗ ਮਿਲਿਆ ਸੀ। ਇਸ ਤੇ ਚਲਦਿਆਂ ਸਿਹਤ ਵਿਭਾਗ ਨੇ ਉਸ ਬਜੁਰਗ ਦੇ 6 ਪਰਿਵਾਰਕ ਮੈਂਬਰਾਂ ਦੇ ਸੈਂਪਲ ਲੈ ਕੇ ਪੀ.ਜੀ.ਆਈ. ਭੇਜ ਦਿੱਤੇ ਗਏ ਸਨ । ਜਿਨ੍ਹਾਂ ਨੂੰ ਹੁਣ ਰਿਪੋਰਟ ਵਿਚ ਪੌਜਟਿਵ ਪਾਇਆ ਗਿਆ ਹੈ।
ਦੱਸ ਦੱਈਏ ਕਿ ਇਨ੍ਹਾਂ ਪੌਜਟਿਵ ਮਰੀਜ਼ਾਂ ਵਿਚ ਬਲਦੇਵ ਸਿੰਘ ਦੇ ਤਿੰਨ ਪੁੱਤਰ,ਦੋ ਨੂੰਹਾਂ ਅਤੇ ਇੱਕ 17 ਸਾਲ ਦੀ ਉਸ ਦੀ ਪੋਤਰੀ ਵੀ ਸ਼ਾਮਿਲ ਹੈ। ਉੱਥੇ ਹੀ ਉਸ ਦਾ ਇਲਾਜ ਕਰਨ ਵਾਲੇ ਡਾਕਟਰ ਨੂੰ ਹੋਮ ਕਆਰੰਟੀਨ ਕੀਤਾ ਗਿਆ ਹੈ। ਪਠਲਾਵਾ ਵਿਚ ਬਜੁਰਗ ਦੀ ਮੌਤ ਤੋਂ ਬਾਅਦ ਸਿਹਤ ਵਿਭਾਗ ਪੂਰੀ ਤਰ੍ਵਾਂ ਹਰਕਤ ਵਿਚ ਆ ਗਿਆ ਹੈ । ਜਿਸ ਕਾਰਨ ਹੁਣ ਹਰ ਵਿਦੇਸ਼ ਤੋਂ ਆਉਣ ਵਾਲੇ ਵਿਅਕਤੀਆਂ ਦੀ ਸਕ੍ਰੀਨਿੰਗ ਕੀਤੀ ਜਾਂਦੀ ਹੈ।
ਅਜਿਹੇ 56 ਮਾਮਲੇ ਸਾਹਮਣੇ ਆਉਣ ਵਾਲੇ ਲੋਕਾਂ ਨੂੰ ਹੋਮ ਕੁਆਰੰਟੀਨ ਕਰ ਦਿੱਤਾ ਗਿਆ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਜਿਲ੍ਹੇ ਵਿਚ ਵਿਦੇਸ਼ਾਂ ਤੋਂ ਪਰਤੇ ਲੋਕਾਂ ਦੀ ਸੰਖਿਆ ਡੇਢ ਹਜ਼ਾਰ ਦੇ ਕਰੀਬ ਹੈ। ਪਰ ਹਾਲੇ ਤੱਕ ਇਨ੍ਹਾਂ ਵਿਚੋਂ ਅੱਧੇ ਲੋਕਾਂ ਤੱਕ ਹੀ ਵਿਭਾਗ ਪਹੁੰਚ ਕਰ ਸਕਿਆ ਹੈ। ਮ੍ਰਿਤਕ ਬਲਬੀਰ ਸਿੰਘ ਦੀ ਮੌਤ ਉਪਰੰਤ ਜਿੱਥੇ 20 ਲੋਕ ਉਨ੍ਹਾਂ ਘਰ ਅਫਸੋਸ ਕਰਨ ਆਏ ਉੱਥੇ ਹੀ ਮ੍ਰਿਤਕ ਆਪਣੀ ਮੌਤ ਤੋਂ ਪਹਿਲਾਂ ਪਿੰਡ ਵਿਚ ਇਕ ਧਾਰਮਿਕ ਪ੍ਰੋਗਰਾਮ ਵਿਚ ਗਿਆ ਸੀ ।
ਇਸ ਤੋਂ ਇਲਾਵਾ ਉਹ ਤਿੰਨ ਦਿਨ ਆਨੰਦਪੁਰ ਵਿਖੇ ਵੀ ਲਗਾ ਕੇ ਆਇਆ ਜਿੱਥੇ ਉਹ 25 ਤੋਂ 30 ਲੋਕਾਂ ਦੇ ਨਾਲ ਸੰਪਰਕ ਵਿਚ ਰਿਹਾ ਸੀ। ਦੱਸਦਈਏ ਕਿ ਪ੍ਰਸ਼ਾਸਨ ਉਨ੍ਹਾਂ ਲੋਕਾਂ ਦੀ ਭਾਲ ਕਰਨ ਲੱਗਿਆ ਹੋਇਆ ਹੈ। ਉਧਰ ਇਸ ਬਾਰੇ ਪਿੰਡ ਦੇ ਸਰਪੰਚ ਨੇ ਕਿਹਾ ਕਿ ਪ੍ਰਸ਼ਾਸਨ ਦੇ ਵੱਲੋਂ ਪੂਰੀ ਤਰ੍ਹਾਂ ਨਾਲ ਪਿੰਡ ਦੀ ਨਾਕਾ ਬੰਦੀ ਕੀਤੀ ਗਈ ਹੈ ਤਾਂ ਜੋ ਪਿੰਡ ਵਿਚੋਂ ਨਾ ਕੋਈ ਬਾਹਰ ਜਾ ਸਕੇ ਅਤੇ ਨਾ ਹੀ ਬਾਹਰ ਦਾ ਕੋਈ ਵਿਅਕਤੀ ਪਿੰਡ ਵਿਚ ਆ ਸਕੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।