ਭਾਰਤ ਵਿਚ ਚੀਨੀ ਉਤਪਾਦਾਂ ਤੇ ਪਾਬੰਦੀ ਲਗਾਉਣ ਦੇ ਵਿਚਾਰ ਦਾ...
ਨਵੀਂ ਦਿੱਲੀ: 15 ਜੂਨ ਨੂੰ ਲੱਦਾਖ ਦੀ ਗਲਵਾਨ ਘਾਟੀ ਵਿਚ ਭਾਰਤੀ-ਚੀਨੀ ਫ਼ੌਜਾਂ ਵਿਚਕਾਰ ਹੋਏ ਸੰਘਰਸ਼ ਵਿਚ 20 ਜਵਾਨਾਂ ਦੀ ਸ਼ਹਾਦਤ ਨੇ ਦੇਸ਼ ਨੂੰ ਗੁੱਸੇ ਨਾਲ ਭਰ ਦਿੱਤਾ ਹੈ। ਲੋਕ ਚੀਨੀ ਸਮਾਨਾਂ ਦਾ ਬਾਈਕਾਟ ਕਰ ਰਹੇ ਹਨ। ਭਾਰਤੀ ਆਫ-ਸਨਿਪਰ ਹਰਭਜਨ ਸਿੰਘ ਨੇ ਵੀ ਚੀਨ ਨੂੰ ਲੈ ਕੇ ਅਪਣਾ ਵਿਰੋਧ ਜਤਾਇਆ ਹੈ। ਦੋਵਾਂ ਦੇਸ਼ਾਂ ਦੇ ਵਿਚਕਾਰ ਚਲ ਰਹੇ ਤਣਾਅ ਦੇ ਮੱਦੇਨਜ਼ਰ ਉਹਨਾਂ ਨੇ ਕਿਸੇ ਵੀ ਚੀਨੀ ਬ੍ਰਾਂਡ ਦਾ ਸਮਰਥਨ ਨਾ ਕਰਨ ਦਾ ਫ਼ੈਸਲਾ ਕੀਤਾ ਹੈ।
Harbhajan Singh
ਭਾਰਤ ਵਿਚ ਚੀਨੀ ਉਤਪਾਦਾਂ ਤੇ ਪਾਬੰਦੀ ਲਗਾਉਣ ਦੇ ਵਿਚਾਰ ਦਾ ਸਮਰਥਨ ਕਰਦੇ ਹੋਏ ਹਰਭਜਨ ਨੇ ਐਲਾਨ ਕੀਤਾ ਹੈ ਕਿ ਹੁਣ ਉਹ ਕਿਸੇ ਵੀ ਚੀਨੀ ਉਤਪਾਦ ਦਾ ਸਮਰਥਨ ਨਹੀਂ ਕਰਨਗੇ। ਹਰਭਜਨ ਨੇ ਟਵੀਟ ਕੀਤਾ ਹੈ ਕਿ ਸਾਰੇ ਚੀਨੀ ਉਤਪਾਦਾਂ ਤੇ ਪਾਬੰਦੀ ਲਗਾਈ ਜਾਵੇ। ਕੰਫੈਡਰੇਸ਼ਨ ਆਫ ਆਲ ਇੰਡੀਆ ਟ੍ਰੈਡਰਸ ਨੇ ਹਰਭਜਨ ਸਿੰਘ ਦੇ ਇਸ ਕਦਮ ਦੀ ਸ਼ਲਾਘਾ ਕੀਤੀ ਹੈ।
Harbhajan Singh Tweet
ਹਰਭਜਨ ਸਿੰਘ ਦੇ ਚੀਨੀ ਸਮਾਨਾਂ ਦੇ ਬਾਈਕਾਟ ਦੇ ਵਿਚਾਰ ਦਾ ਸਮਰਥਨ ਕਰਨ ਵਾਲੇ ਪਹਿਲੇ ਭਾਰਤੀ ਮਸ਼ਹੂਰ ਹਸਤੀ ਬਣਨ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਇਹ ਪੈਸੇ ਜਾਂ ਦੇਸ਼ਭਗਤੀ ਦੇ ਵਿਚ ਚੋਣ ਕਰਨ ਦਾ ਫ਼ੈਸਲਾ ਹੈ। ਸੀਏਆਈਟੀ ਦੇ ਜਨਰਲ ਸੈਕਟਰੀ ਖੰਡੇਲਵਾਲ ਨੇ ਇਕ ਟਵੀਟ ਵਿਚ ਕਿਹਾ ਕਿ ਚੀਨੀ ਬ੍ਰਾਂਡਸ ਦਾ ਸਮਰਥਨ ਕਰਨਾ ਬੰਦ ਕਰਨ ਦੀ @CAITIndia ਦੀ ਅਪੀਲ ਨਾਲ ਖੜੇ ਹੋਣ ਵਾਲੇ ਉਹ ਦੇਸ਼ ਦੀ ਪਹਿਲੀ ਮਸ਼ਹੂਰ ਹਸਤੀ ਹਨ।
Goods of China
ਹੋਰ ਮਸ਼ਹੂਰ ਹਸਤੀਆਂ ਵੀ ਇਸ ਦਾ ਸਮਰਥਨ ਕਰਨ। ਇਹ ਫ਼ੈਸਲਾ ਪੈਸੇ ਜਾਂ ਦੇਸ਼ਭਗਤੀ ਵਿਚੋਂ ਕਿਸੇ ਇਕ ਨੂੰ ਚੁਣਨ ਦਾ ਹੈ। ਦਸ ਦਈਏ ਕਿ ਪੂਰਵੀ ਲੱਦਾਖ ਵਿਚ ਡੀ-ਐਸਕੇਲੇਸ਼ਨ ਦੌਰਾਨ ਚੀਨੀ ਫ਼ੌਜ ਦੁਆਰਾ ‘ਇਕਪਾਸੜ ਪਰਿਵਰਤਨ’ ਕਰਨ ਦੀ ਕੋਸ਼ਿਸ਼ ਤੋਂ ਬਾਅਦ ਹਿੰਸਕ ਝੜਪਾਂ ਹੋਈਆਂ।
Goods of China
ਫ਼ੌਜ ਦੇ ਸੂਤਰਾਂ ਨੇ ਕਿਹਾ ਕਿ ਜੇ ਚੀਨੀ ਪੱਖ ਦੋਵਾਂ ਦੇਸ਼ਾਂ ਦੇ ਸੀਨੀਅਰ ਅਧਿਕਾਰੀਆਂ ਵਿਚਕਾਰ ਹੋਏ ਸਮਝੌਤੇ ਨੂੰ ਮੰਨੀਏ ਤਾਂ ਸੰਘਰਸ਼ ਨੂੰ ਟਾਲਿਆ ਜਾ ਸਕਦਾ ਸੀ। ਦੱਸ ਦੇਈਏ ਕਿ ਹਰਭਜਨ ਨੇ 103 ਟੈਸਟ ਮੈਚਾਂ ਵਿਚ 417 ਵਿਕਟਾਂ, 236 ਵਨਡੇ ਮੈਚਾਂ ਵਿਚ 269 ਵਿਕਟਾਂ ਅਤੇ ਟੀ 20 ਆਈ ਵਿਚ 28 ਵਿਕਟਾਂ ਲਈਆਂ ਹਨ, ਜੋ ਉਸ ਨੇ ਆਪਣੇ ਕ੍ਰਿਕਟ ਕੈਰੀਅਰ ਦੌਰਾਨ ਭਾਰਤ ਲਈ ਖੇਡੀਆਂ ਸਨ।
Goods of China
ਹਰਭਜਨ ਇੰਡੀਅਨ ਪ੍ਰੀਮੀਅਰ ਲੀਗ ਦੇ 2020 ਐਡੀਸ਼ਨ ਵਿਚ ਚੇਨੱਈ ਸੁਪਰ ਕਿੰਗਜ਼ (ਸੀਐਸਕੇ) ਲਈ ਖੇਡਣਾ ਸੀ ਜਿਸ ਦਾ ਆਯੋਜਨ 29 ਮਾਰਚ ਤੋਂ 24 ਮਈ ਤੱਕ ਹੋਣਾ ਸੀ। ਹਾਲਾਂਕਿ ਬੀਸੀਸੀਆਈ ਨੇ ਆਈਪੀਐਲ 2020 ਤੇ ਕੋਰਨਾ ਵਾਇਰਸ ਸੰਕਟ ਕਾਰਨ ਰੱਦ ਕਰ ਦਿੱਤਾ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
