Advertisement

ਮੋਦੀ ਕੈਬਨਿਟ ਵਿਚ ਸਮਰਿਤੀ ਇਰਾਨੀ ਨੂੰ ਮਿਲ ਸਕਦੀ ਹੈ ਵੱਡੀ ਜ਼ਿੰਮਵਾਰੀ

ਸਪੋਕਸਮੈਨ ਸਮਾਚਾਰ ਸੇਵਾ
Published May 25, 2019, 1:20 pm IST
Updated May 25, 2019, 1:20 pm IST
ਅਮੇਠੀ ਵਿਚ ਸਮਰਿਤੀ ਇਰਾਨੀ ਨੇ 55000 ਵੋਟਾਂ ਨਾਲ ਕੀਤੀ ਜਿੱਤ ਹਾਸਲ
Smriti Irani may get big portfolio in Modi Government
 Smriti Irani may get big portfolio in Modi Government

ਨਵੀਂ ਦਿੱਲੀ: ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੂੰ ਉਹਨਾਂ ਦੇ ਗੜ੍ਹ ਅਮੇਠੀ ਵਿਚ ਹਰਾ ਕੇ ਵੱਡੀ ਜਿੱਤ ਹਾਸਲ ਕਰਨ ਵਾਲੀ ਕੇਂਦਰੀ ਮੰਤਰੀ ਸਮਰਿਤੀ ਇਰਾਨੀ ਨੂੰ ਇਸ ਵਾਰ ਮੋਦੀ ਸਰਕਾਰ ਵਿਚ ਅਹਿਮ ਜ਼ਿੰਮੇਵਾਰੀ ਮਿਲ ਸਕਦੀ ਹੈ। ਇਸ ਤੋਂ ਪਹਿਲਾਂ ਵੀ ਉਹਨਾਂ ਨੂੰ ਮਨੁੱਖੀ ਸਰੋਤ ਮੰਤਰੀ ਬਣਾਇਆ ਗਿਆ ਸੀ। ਪਰ ਕਈ ਵਾਰ ਵਿਵਾਦਾਂ ਦੇ ਚਲਦੇ ਉਹਨਾਂ ਦੇ ਮੰਤਰਾਲੇ ਵਿਚ ਬਦਲਾਅ ਕੀਤਾ ਗਿਆ ਸੀ।

Rahul GandhiRahul Gandhi

ਸਮਰਿਤੀ ਇਰਾਨੀ ਨੇ ਅਪਣੇ ਬਿਆਨ ਵਿਚ ਕਿਹਾ ਕਿ ਅਮੇਠੀ ਨੂੰ ਅਜਿਹਾ ਪ੍ਰਤੀਨਿਧ ਚਾਹੀਦਾ ਹੈ ਜੋ ਉਹਨਾਂ ਲਈ ਅਗਲੇ ਪੰਜ ਸਾਲ ਚੰਗੇ ਅਤੇ ਵਿਕਾਸ ਵਾਲੇ ਕੰਮ ਕਰ ਸਕੇ। ਇਰਾਨੀ ਨੇ ਕਿਹਾ ਕਿ ਉਹਨਾਂ ਦੀ ਜਿੱਤ ਮੋਦੀ ਸਰਕਾਰ ਦੇ ਵਿਕਾਸ ਦੇ ਏਜੰਡੇ ਨਾਲ ਹੋਈ ਹੈ। ਉਹਨਾਂ ਨੇ ਇਹ ਵੀ ਕਿਹਾ ਕਿ ਅਮੇਠੀ ਵਿਚ ਲੋਕਾਂ ਨੇ 2014 ਵਿਚ ਭਾਜਪਾ ਲਈ ਵੱਡੀ ਗਿਣਤੀ ਵਿਚ ਵੋਟਿੰਗ ਕਰਕੇ ਉਹਨਾਂ ’ਤੇ ਭਰੋਸਾ ਜਤਾਇਆ ਹੈ ਅਤੇ ਉਸ ਭਰੋਸੇ ਨੂੰ ਕਾਇਮ ਰੱਖਣ ਲਈ ਉਹਨਾਂ ਨੇ ਪਿਛਲੇ ਪੰਜ ਸਾਲ ਉੱਥੇ ਕੰਮ ਕੀਤਾ ਹੈ।

Samriti IraniSamriti Irani

ਇਰਾਨੀ ਨੇ 2014 ਵਿਚ ਵੀ ਗਾਂਧੀ ਨੂੰ ਵੱਡੀ ਚੁਣੌਤੀ ਦਿੱਤੀ ਸੀ। ਭਾਜਪਾ ਨੇ ਇਕ ਵਾਰ ਫਿਰ ਸਮਰਿਤੀ ਇਰਾਨੀ ਨੂੰ ਉਸੇ ਸੀਟ ਤੋਂ ਉਤਾਰਿਆ ਅਤੇ ਇਸ ਵਾਰ ਉਹ 55000 ਵੋਟਾਂ ਨਾਲ ਜਿੱਤ ਹਾਸਲ ਕੀਤੀ ਹੈ। ਇਰਾਨੀ ਨੇ ਗਾਂਧੀ ਦੇ ਅਮੇਠੀ ਦੇ ਵਿਕਾਸ ’ਤੇ ਧਿਆਨ ਨਾ ਦੇਣ ’ਤੇ ਨਿਸ਼ਾਨਾ ਲਾਉਂਦੇ ਹੋਏ ਕਿਹਾ ਕਿ ਉਹਨਾਂ ਨੇ ਅਮੇਠੀ ਵਿਚ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਉਹਨਾਂ ਨੇ ਕਿਹਾ ਕਿ ਕੇਂਦਰ ਅਤੇ ਉਤਰ ਪ੍ਰਦੇਸ਼ ਦੀ ਭਾਜਪਾ ਸਰਕਾਰ ਅਮੇਠੀ ਦੇ ਵਿਕਾਸ ਲਈ ਕੰਮ ਕਰ ਰਹੀ ਹੈ।

ਸਮਰਿਤੀ ਇਰਾਨੀ ਨੇ ਅਪਣੇ ਚੋਣ ਖੇਤਰ ਦੀ ਜਨਤਾ ਲਈ ਜਾਰੀ ਰਿਕਾਰਡ ਸੰਦੇਸ਼ ਵਿਚ ਕਿਹਾ ਕਿ ਅਪਣੇ ਸੰਕਲਪ ਨੂੰ ਦੁਹਰਾਉਂਦੀ ਹਾਂ ਕਿ ਅਗਾਮੀ ਪੰਜ ਸਾਲਾਂ ਵਿਚ ਹਰ ਪਿੰਡ ਤਕ, ਹਰ ਮਨੁੱਖ ਤਕ, ਨਿਆਂ ਪੰਚਾਇਤ ਤਕ ਸਮੱਸਿਆ ਦਾ ਹੱਲ ਪਹੁੰਚਾਉਣਾ ਮੇਰੀ ਜ਼ਿੰਮੇਵਾਰੀ ਹੈ। ਉਹਨਾਂ ਨੇ ਅਮੇਠੀ ਦੇ ਲੋਕਾਂ ਦਾ ਧੰਨਵਾਦ ਕੀਤਾ।

Location: India, Delhi, New Delhi