ਗਰੁਪ ਦੀ ਸਭ ਤੋਂ ਅਹਿਮ ਅਤੇ ਸਭ ਤੋਂ ਜ਼ਿਆਦਾ ਮੁਨਾਫਾ ਦੇਣ ਵਾਲੀ ਕੰਪਨੀ ਟਾਟਾ ਕੰਸਲਟੇਂਸੀ...
ਨਵੀਂ ਦਿੱਲੀ: ਟਾਟਾ ਸਮੂਹ ਅਪਣੇ ਇਤਿਹਾਸ ਵਿਚ ਪਹਿਲੀ ਵਾਰ ਟਾਟਾ ਸੰਸ ਦੇ ਚੇਅਰੇਮੈਨ ਅਤੇ ਸਹਾਇਕ ਕੰਪਨੀਆਂ ਦੇ ਤਮਾਮ ਸੀਈਓ ਦੀ ਤਨਖ਼ਾਹ ਵਿਚ ਲਗਭਗ 20% ਦੀ ਕਟੌਤੀ ਕਰ ਰਹੀ ਹੈ। ਕੋਰੋਨਾ ਵਾਇਰਸ ਮਹਾਂਮਾਰੀ ਨਾਲ ਹੋਏ ਨੁਕਸਾਨ ਦੀ ਭਰਪਾਈ ਲਈ ਕੰਪਨੀ ਇਹ ਕਦਮ ਚੁੱਕ ਰਹੀ ਹੈ।
ਗਰੁਪ ਦੀ ਸਭ ਤੋਂ ਅਹਿਮ ਅਤੇ ਸਭ ਤੋਂ ਜ਼ਿਆਦਾ ਮੁਨਾਫਾ ਦੇਣ ਵਾਲੀ ਕੰਪਨੀ ਟਾਟਾ ਕੰਸਲਟੇਂਸੀ ਵਾਲੀ ਕੰਪਨੀ ਟਾਟਾ ਕੰਸਲਟੇਂਸੀ ਸਰਵੀਸੇਜ਼ (TCS) ਨੇ ਸਭ ਤੋਂ ਪਹਿਲਾਂ ਅਪਣੇ ਸੀਈਓ ਰਾਜੇਸ਼ ਗੋਪੀਨਾਥਨ ਦੀ ਸੈਲਰੀ ਵਿਚ ਕਟੌਤੀ ਦਾ ਐਲਾਨ ਕੀਤਾ ਹੈ। ਉੱਥੇ ਹੀ ਇੰਡੀਆ ਹੋਟਲਸ ਪਹਿਲਾਂ ਹੀ ਕਹਿ ਚੁੱਕੀ ਹੈ ਕਿ ਉਸ ਦਾ ਸੀਨੀਅਰ ਲਿਡਰਸ਼ਿਪ ਇਸ ਤਿਮਾਹੀ ਵਿਚ ਅਪਣੀ ਤਨਖ਼ਾਹ ਦਾ ਇਕ ਹਿੱਸਾ ਕੰਪਨੀ ਨੂੰ ਹੋਏ ਨੁਕਸਾਨ ਦੀ ਪੂਰਤੀ ਲਈ ਦੇਵੇਗੀ।
ਟਾਟਾ ਸਟੀਲ ਟਾਟਾ ਮੋਟਰਸ, ਟਾਟਾ ਪਾਵਰ, ਟ੍ਰੈਂਟ, ਟਾਟਾ ਇੰਟਰਨੈਸ਼ਨਲ, ਟਾਟਾ ਕੈਪਿਟਲ ਅਤੇ ਵੋਲਟਾਸ ਦੇ ਸੀਈਓ ਅਤੇ ਐਮਡੀ ਵੀ ਘਟ ਸੈਲਰੀ ਲੈਣਗੇ। ਕੰਪਨੀ ਦੇ ਇਸ ਕਦਮ ਦੀ ਜਾਣਕਾਰੀ ਰੱਖਣ ਵਾਲੇ ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਚਾਲੂ ਵਿੱਤੀ ਸਾਲ ਦੇ ਬੋਨਸ ਵਿਚ ਵੀ ਕਟੌਤੀ ਹੋਵੇਗੀ।
ਟਾਟਾ ਗਰੁੱਪ ਦੇ ਇਕ ਸੀਨੀਅਰ ਸੀਈਓ ਨੇ ਪਹਿਚਾਣ ਜ਼ਾਹਿਰ ਨਾ ਕਰਨ ਦੀ ਸ਼ਰਤ ਤੇ ਕਿਹਾ ਕਿ ਟਾਟਾ ਸਮੂਹ ਦੇ ਇਤਿਹਾਸ ਵਿਚ ਅਜਿਹਾ ਸਮਾਂ ਕਦੇ ਨਹੀਂ ਆਇਆ ਅਤੇ ਇਸ ਸਮੇਂ ਕਾਰੋਬਾਰ ਨੂੰ ਬਚਾਉਣ ਲਈ ਕੁਝ ਸਖਤ ਫੈਸਲੇ ਲੈਣ ਦੀ ਜ਼ਰੂਰਤ ਹੈ। ਉਨ੍ਹਾਂ ਕਿਹਾ ਕਿ ਉਹ ਸਹੀ ਲੀਡਰਸ਼ਿਪ ਨੂੰ ਯਕੀਨੀ ਬਣਾਉਣ ਲਈ ਹਮਦਰਦੀ ਨਾਲ ਸਾਰੇ ਕਦਮ ਚੁਕਣਗੇ। ਟਾਟਾ ਸਮੂਹ ਦਾ ਸਭਿਆਚਾਰ ਜਿੱਥੋਂ ਤੱਕ ਸੰਭਵ ਹੋ ਸਕੇ ਕਰਮਚਾਰੀਆਂ ਦੇ ਹਿੱਤਾਂ ਦੀ ਰੱਖਿਆ ਕਰਨਾ ਹੈ।
ਦਸ ਦਈਏ ਕਿ ਲਾਕਡਾਊਨ ਵਿਚ ਢਿੱਲ ਮਿਲੀ, ਬਾਜ਼ਾਰ ਖੁੱਲ੍ਹੇ ਤਾਂ ਕੰਮ ਕਰਨ ਲਈ ਵਰਕਰ ਨਹੀਂ ਮਿਲ ਰਹੇ ਹਨ। ਕੰਨਫੇਡਰੇਸ਼ਨ ਆਫ ਆਲ ਇੰਡੀਆ ਟ੍ਰੈਡਰਸ ਦੇ ਪ੍ਰਧਾਨ ਬੀਸੀ ਭਾਰਤੀਆ ਦਸਦੇ ਹਨ ਕਿ 80 ਪ੍ਰਤੀਸ਼ਤ ਵਰਕਰ ਅਪਣੇ-ਅਪਣੇ ਇਲਾਕਿਆਂ ਵਿਚ ਜਾ ਚੁੱਕੇ ਹਨ। ਕੰਮ ਕਰਨ ਲਈ 20 ਪ੍ਰਤੀਸ਼ਤ ਵਰਕਰ ਬਚੇ ਹਨ ਜੋ ਕਿ ਲੋਕਲ ਹਨ ਅਤੇ ਇਹਨਾਂ ਵਿਚੋਂ ਕੇਵਲ 8 ਪ੍ਰਤੀਸ਼ਤ ਵਰਕਰ ਦੁਬਾਰਾ ਉਸ ਜਗ੍ਹਾ ਤੇ ਵਾਪਸ ਆਏ ਹਨ ਜਿੱਥੇ ਉਹ ਪਹਿਲਾਂ ਕੰਮ ਕਰਦੇ ਸਨ।
ਕੋਰੋਨਾ ਵਾਇਰਸ ਦੇ ਡਰ ਨਾਲ ਖਰੀਦਦਾਰੀ ਵੀ ਨਹੀਂ ਹੋ ਰਹੀ ਹੈ। ਬਾਜ਼ਾਰ ਵਿਚ ਡਿਮਾਂਡ ਹੈ ਪਰ ਖਰੀਦਦਾਰ ਨਿਕਲ ਹੀ ਨਹੀਂ ਰਹੇ ਤਾਂ ਕਿਹੜੇ ਕੰਮ ਦੀ ਡਿਮਾਂਡ। ਲਾਕਡਾਊਨ ਵਿਚ ਢਿੱਲ ਤੋਂ ਬਾਅਦ ਵੀ ਕੇਵਲ 5 ਪ੍ਰਤੀਸ਼ਤ ਵਪਾਰ ਹੋਇਆ ਹੈ। ਕਨਫੈਡਰੇਸ਼ਨ ਆਫ ਆਲ ਇੰਡੀਆ ਟਰੇਡਰਜ਼ ਦੇ ਜਨਰਲ ਸੱਕਤਰ ਪ੍ਰਵੀਨ ਖੰਡੇਲਵਾਲ ਦਾ ਕਹਿਣਾ ਹੈ ਕਿ ਪਿਛਲੇ 60 ਦਿਨਾਂ ਵਿਚ ਦੇਸ਼ ਦੇ ਪ੍ਰਚੂਨ ਕਾਰੋਬਾਰ ਨੂੰ 9 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ।
ਪਿਛਲੇ ਇੱਕ ਹਫਤੇ ਦੌਰਾਨ ਸਿਰਫ ਡੇਅਰੀ ਉਤਪਾਦਾਂ, ਕਰਿਆਨੇ, ਐਫਐਮਸੀਜੀ ਉਤਪਾਦਾਂ ਅਤੇ ਖਪਤ ਵਾਲੀਆਂ ਵਸਤਾਂ ਸਮੇਤ ਜ਼ਰੂਰੀ ਵਸਤਾਂ ਦਾ ਸੌਦਾ ਕੀਤਾ ਗਿਆ ਹੈ। ਗਾਹਕ ਹੋਰ ਕਾਰੋਬਾਰਾਂ ਵਿਚ ਗਾਇਬ ਹਨ ਜਿਨ੍ਹਾਂ ਵਿਚ ਇਲੈਕਟ੍ਰਾਨਿਕਸ, ਇਲੈਕਟ੍ਰਿਕਲ, ਮੋਬਾਈਲ, ਗਿਫਟ ਆਰਟੀਕਲ, ਘੜੀਆਂ, ਜੁੱਤੀਆਂ, ਰੈਡੀਮੇਡ ਕੱਪੜੇ, ਫੈਸ਼ਨ ਗਾਰਮੈਂਟਸ, ਰੈਡੀਮੇਡ ਗਾਰਮੈਂਟਸ, ਫਰਨੀਸ਼ ਫੈਬਰਿਕ, ਕੱਪੜਾ, ਗਹਿਣਿਆਂ, ਪੇਪਰ, ਸਟੇਸ਼ਨਰੀ, ਬਿਲਡਰ ਹਾਰਡਵੇਅਰ, ਮਸ਼ੀਨਰੀ, ਟੂਲਸ ਸ਼ਾਮਲ ਹਨ। ਇਸ ਨਾਲ ਨਾ ਸਿਰਫ ਵਪਾਰੀਆਂ, ਕਾਰੋਬਾਰੀਆਂ ਨੂੰ ਪ੍ਰਭਾਵਤ ਹੋਇਆ ਹੈ ਬਲਕਿ ਸਰਕਾਰ ਨੂੰ ਮਿਲੇ ਟੈਕਸ ਨੂੰ ਵੀ ਪ੍ਰਭਾਵਤ ਕੀਤਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।