ਅੱਜ ਦੇਸ਼ ਮਨਾ ਰਿਹਾ ਹੈ ਆਪਣਾ 71ਵਾਂ ਗਣਤੰਤਰ ਦਿਵਸ
ਨਵੀਂ ਦਿੱਲੀ : 26 ਜਨਵਰੀ 1950 ਨੂੰ ਭਾਰਤ ਦਾ ਸੰਵਿਧਾਨ ਲਾਗੂ ਹੋਇਆ ਸੀ ਅਤੇ ਇਸੇ ਕਰਕੇ ਅੱਜ 26 ਜਨਵਰੀ ਦੇ ਇਸ ਖਾਸ ਮੌਕੇ 'ਤੇ ਦੇਸ਼ ਆਪਣਾ 71ਵਾਂ ਗਣਤੰਤਰ ਦਿਵਸ ਮਨਾ ਰਿਹਾ ਹੈ। ਇਸ ਵਿਸ਼ੇਸ਼ ਮੌਕੇ 'ਤੇ ਤੁਹਾਨੂੰ ਅੱਜ ਅਸੀ ਅਜਿਹੀ ਦੋ ਮਸ਼ੀਨਾਂ ਬਾਰੇ ਦੱਸਾਂਗੇ ਜਿਨ੍ਹਾਂ ਨਾਲ ਭਾਰਤ ਦੇ ਸੰਵਿਧਾਨ ਦੀਆਂ ਕਾਪੀਆਂ ਛਾਪੀਆਂ ਗਈਆਂ ਸਨ।
File Photo
ਨਿਊਜ਼18 ਇੰਡੀਆ ਦੀ ਇਕ ਰਿਪੋਰਟ ਅਨੁਸਾਰ ਦੋ ਮਸ਼ੀਨਾਂ ਨੇ ਹੱਥੀ ਲਿਖੇ ਸੰਵਿਧਾਨ ਦੀ ਸ਼ੁਰੂਆਤੀ ਕਾਪੀਆਂ ਛਾਪੀਆਂ ਸਨ ਅਤੇ ਇਨ੍ਹਾਂ ਕਾਪੀਆਂ ਨੂੰ ਲੋਕਾਂ ਵਿਚ ਵੰਡ ਕੇ ਦੇਸ਼ ਦੇ ਸੰਵਿਧਾਨ ਬਾਰੇ ਜਾਣਕਾਰੀ ਦਿੱਤੀ ਗਈ ਸੀ ਪਰ ਹੁਣ ਇਹ ਮਸ਼ੀਨਾ ਕਬਾੜ ਹੋ ਚੁੱਕੀਆਂ ਸਨ ਜਿਨ੍ਹਾਂ ਨੂੰ ਪਿਛਲੇ ਸਾਲ ਵੇਚ ਦਿੱਤਾ ਗਿਆ ਸੀ।
File Photo
ਭਾਰਤੀ ਸਵਰੇਖਣ ਸੰਸਥਾਨ ਨੇ ਇਨ੍ਹਾਂ ਨੂੰ ਲਗਭਗ ਡੇਢ ਲੱਖ ਰੁਪਏ ਵਿਚ ਕਬਾੜ 'ਚ ਵੇਚ ਦਿੱਤਾ ਸੀ। ਇਨ੍ਹਾਂ ਮਸ਼ੀਨਾਂ ਨਾਲ ਸੰਵਿਧਾਨ ਦੀਆਂ ਇਕ ਹਜ਼ਾਰ ਕਾਪੀਆ ਛਾਪੀਆ ਗਈਆਂ ਸਨ। ਬ੍ਰਿਟਿਸ਼ ਕੰਪਨੀ ਆਰਡਬਲਯੂ ਕ੍ਰੈਬਟ੍ਰੀ ਐਂਡ ਸੰਸ ਦੁਆਰਾ ਇਨ੍ਹਾਂ ਮਸ਼ੀਨਾ ਦਾ ਨਿਰਮਾਣ ਕੀਤਾ ਗਿਆ ਸੀ।
File Photo
ਰਿਪੋਰਟ ਅਨੁਸਾਰ ਸਰਵੇਅਰ ਜਨਰਲ ਆਫ ਇੰਡੀਆ ਲੈਫਟੀਨੈਂਟ ਜਨਰਲ ਗਿਰੀਸ਼ ਕੁਮਾਰ ਨੇ ਦੱਸਿਆ ਕਿ ਦੋਵਾਂ ਮਸ਼ੀਨਾ ਦੀ ਸਾਂਭ-ਸੰਭਾਲ ਦਾ ਖਰਚਾ ਬਹੁਤ ਜ਼ਿਆਦਾ ਸੀ ਅਤੇ ਇਸ ਦੀ ਤਕਨੀਕ ਵੀ ਪੁਰਾਣੀ ਹੋ ਚੁੱਕੀ ਸੀ। ਇਸ ਲਈ ਇਸ ਨੂੰ ਟੁੱਕੜਿਆਂ ਵਿਚ ਵੰਡ ਕੇ ਕਬਾੜ ਵਿਚ ਵੇਚ ਦਿੱਤਾ ਗਿਆ।
File Photo
ਰਿਪੋਰਟ ਵਿਚ ਦੱਸਿਆ ਗਿਆ ਹੈ ਕਿ ਗਿਰਿਸ਼ ਕੁਮਾਰ ਨੇ ਕਿਹਾ ਕਿ'' ਸਾਨੂੰ ਮਾਨ ਹੈ ਕਿ ਸਾਡੇ ਸੰਸਥਾਨ ਨੇ ਸੰਵਿਧਾਨ ਦੀ ਸ਼ੁਰੂਆਤੀ 1000 ਕਾਪੀਆਂ ਛਾਪੀਆਂ ਸਨ। ਅਸੀ ਇਨ੍ਹਾਂ ਮਸ਼ੀਨਾਂ ਦੇ ਇਤਿਹਾਸਿਕ ਮਹੱਤਵ ਨੂੰ ਸਮਝਦੇ ਹਾਂ ਪਰ ਇਹ ਮਸ਼ੀਨਾਂ ਬਹੁਤ ਵੱਡੀ ਹੋਣ ਕਰਕੇ ਕਾਫੀ ਜਗ੍ਹਾ ਘੇਰ ਰਹੀਆਂ ਸਨ। ਇਸ ਤੋਂ ਇਲਾਵਾ ਪੁਰਾਣੀ ਹੋ ਚੁੱਕੀਆਂ ਇਹ ਪਾਰੰਪਰਿਕ ਮਸ਼ੀਨਾਂ ਕੰਮ ਕਰਨ ਵਿਚ ਵੀ ਬਹੁਤ ਜ਼ਿਆਦਾ ਸਮਾਂ ਲੈਂਦੀਆਂ ਸਨ ਇਸ ਲਈ ਇਨ੍ਹਾਂ ਨੂੰ ਵੇਚਣਾ ਪਿਆ।
