: ਅਸੀਂ ਲੰਗਰ ਜਾਂ ਹੋਰ ਸੇਵਾ ਕਰਨ ਦੇ ਲਈ ਕਿਸੇ ਵੀ ਕੌਮ ਜਾਤ ਧਰਮ ਨਹੀਂ ਪੁੱਛਦੇ
ਨਵੀਂ ਦਿੱਲੀ , ਹਰਦੀਪ ਸਿੰਘ ਭੋਗਲ : ਅਸੀਂ ਲੰਗਰ ਜਾਂ ਹੋਰ ਸੇਵਾ ਕਰਨ ਦੇ ਲਈ ਕਿਸੇ ਵੀ ਕੌਮ ਜਾਤ ਧਰਮ ਨਹੀਂ ਪੁੱਛਦੇ ਪਰ ਪਤਾ ਨਹੀਂ ਕਿਉਂ ਕਿਸਾਨੀ ਅੰਦੋਲਨ ਵਿਚ ਸੇਵਾ ਕਰਨ ‘ਤੇ ਸਾਡੇ ਤੋਂ ਹਿਸਾਬ ਕਿਤਾਬ ਪੁੱਛਿਆ ਜਾ ਰਿਹਾ ਹੈ, ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ ਖਾਲਸਾ ਏਡ ਦੇ ਏਸ਼ੀਆ ਦੀ ਮੁਖੀ ਅਮਰਪ੍ਰੀਤ ਸਿੰਘ ਨੇ ਸਪੋਕਸਮੈਨ ਨਾਲ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਕੀਤਾ । ਉਨ੍ਹਾਂ ਕਿਹਾ ਕਿ ਖ਼ਾਲਸਾ ਏਡ ਦੀ ਫੰਡਿੰਗ ‘ਤੇ ਸਵਾਲ ਉਠਾਉਣ ਵਾਲਿਆਂ ਨੂੰ ਮੈਂ ਪੁੱਛਣਾ ਚਾਹੁੰਦਾ ਹਾਂ ਕਿ ਜਦੋਂ ਅਸੀਂ ਹੋਰ ਦੇਸ਼ਾਂ ਵਿਚ ਲੋਕਾਂ ਦੀ ਸੇਵਾ ਕਰਦੇ ਹਾਂ ਤਾਂ ਉਸ ਵਕਤ ਸਾਡੇ ਤੋਂ ਕਿਉਂ ਨਹੀਂ ਸੁਆਲ ਪੁੱਛੇ ਜਾਂਦੇ ।
ਅਮਰਪ੍ਰੀਤ ਸਿੰਘ ਨੇ ਕਿਹਾ ਕਿ ਲੋਕਾਂ ਵੱਲੋਂ ਇਹ ਅਫ਼ਵਾਹਾਂ ਫੈਲਾਈਆਂ ਜਾ ਰਹੀਆਂ ਹਨ ਕਿ ਕਿਸਾਨੀ ਅੰਦੋਲਨ ਵਿੱਚ ਖ਼ਾਲਸਾ ਏਡ ਨੇ ਸੇਵਾ ਦੇਣੀ ਬੰਦ ਕਰ ਦਿੱਤੀ ਹੈ ਪਰ ਮੈਂ ਇਹ ਦੱਸਣਾ ਚਾਹੁੰਦਾ ਹਾਂ ਕਿ ਕਿਸੇ ਵੀ ਬਾਰਡਰ ‘ਤੇ ਕਿਸੇ ਵੀ ਤਰ੍ਹਾਂ ਦੀ ਸੇਵਾ ਬੰਦ ਨਹੀਂ ਕੀਤੀ । ਉਨ੍ਹਾਂ ਕਿਹਾ ਕਿ ਸਾਨੂੰ ਲਗਾਤਾਰ ਵੱਖ ਵੱਖ ਥਾਵਾਂ ਤੋਂ ਸੇਵਾ ਲਈ ਫੋਨ ਆ ਰਹੇ ਹਨ ਅੱਜ ਅਸੀਂ ਇਸ ਜਗ੍ਹਾ ਦਾ ਮੁਆਇਨਾ ਕਰਨ ਆਏ ਹਾਂ , ਬਹੁਤ ਜਲਦੀ ਹੀ ਅਸੀਂ ਜਿਹੜੀਆਂ ਘੱਟਾਂ ਰਹਿ ਗਈਆਂ ਨੇ ਉਨ੍ਹਾਂ ਨੂੰ ਪੂਰੀਆਂ ਕਰ ਦੇਵਾਂਗੇ ।
ਉਨ੍ਹਾਂ ਨੇ ਉਨ੍ਹਾਂ ਕਿਹਾ ਕਿ ਬੇਸ਼ੱਕ ਦੀ ਨੈਸ਼ਨਲ ਮੀਡੀਆ ਸਾਡੀ ਸੇਵਾ ੳਤੇ ਸਵਾਲ ਉਠਾਉਂਦਾ ਹੈ ਪਰ ਸਾਨੂੰ ਦੁੱਖ ਉਸ ਵਕਤ ਹੁੰਦਾ ਹੈ ਜਦੋਂ ਪੰਜਾਬ ਦਾ ਮੀਡੀਆ ਵੀ ਸਾਡੀ ਸੇਵਾ ‘ਤੇ ਸਵਾਲ ਉਠਾ ਰਿਹਾ ਹੈ । ਉਨ੍ਹਾਂ ਕਿਹਾ ਕਿ ਸਾਡੀ ਸੰਸਥਾ ਭਾਰਤ ਸਰਕਾਰ ਦੁਆਰਾ ਰਜਿਸਟਰਡ ਹੈ , ਹਰ ਉਸ ਜਗ੍ਹਾ ‘ਤੇ ਲੋਕਾਂ ਦੀ ਜਾ ਕੇ ਸੇਵਾ ਕਰਦੀ ਹੈ ਜਿੱਥੇ ਲੋਕਾਂ ਨੂੰ ਸਾਡੀ ਲੋੜ ਹੁੰਦੀ ਹੈ ।
ਅਮਰਪ੍ਰੀਤ ਸਿੰਘ ਖ਼ਾਲਸਾ ਨੇ ਕਿਹਾ ਕਿ ਰਾਕੇਸ਼ ਟਿਕੈਤ ਦੀ ਭਾਵ ਅਪੀਲ ਨੇ ਦੁਬਾਰਾ ਫਿਰ ਦੇਸ਼ ਦੇ ਕਿਸਾਨਾਂ ਨੂੰ ਇਕਜੁੱਟ ਕਰ ਦਿੱਤਾ ਹੈ , ਉਨ੍ਹਾਂ ਕਿਹਾ ਕਿ ਭਾਵੁਕ ਅਪੀਲ ਵਿਚ ਸੱਚ ਦੇ ਦਰਸ਼ਨ ਹੁੰਦੇ ਹਨ, ਇਸ ਲਈ ਲੋਕਾਂ ਦੇ ਮਨ ਨੂੰ ਉਹ ਅਪੀਲ ਟੁੰਬੀ ਗਈ , ਉਨ੍ਹਾਂ ਕਿਹਾ ਕਿ ਲੋਕਾਂ ਵਿੱਚ ਹੁਣ ਭਵਨਾਂ ਜ਼ਬਰਦਸਤ ਢੰਗ ਨਾਲ ਪੈਦਾ ਹੋ ਗਈ ਹੈ ।