ਜਦੋਂ ਅਧਿਕਾਰੀਆਂ ਤਕ ਸੂਚਨਾ ਪਹੁੰਚੀ ਤਾਂ ਦੁਬਾਰਾ ਬੱਚਿਆਂ ਨੂੰ ਦੁੱਧ ਵੰਡਿਆ ਗਿਆ।
ਸੋਨਭਦਰ: ਉੱਤਰ ਪ੍ਰਦੇਸ਼ ਦੇ ਸੋਨਭਦਰ ਵਿਚ ਚੋਪਨ ਬਲਾਕ ਦੇ ਸਲਈਬਨਵਾ ਪ੍ਰਾਇਮਰੀ ਸਕੂਲ ਵਿਚ ਮਿਰਜਾਪੁਰ ਦੀ ਤਰ੍ਹਾਂ ਦੀ ਮਿਡ-ਡੇ-ਮੀਲ ਵਿਚ ਬੇਈਮਾਨੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਬੁੱਧਵਾਰ ਨੂੰ ਬੱਚਿਆਂ ਨੂੰ ਮੈਨਿਊ ਮੁਤਾਬਕ ਦੁੱਧ ਦਿੰਦੇ ਸਮੇਂ 1 ਲੀਟਰ ਦੁੱਧ ਵਿਚ ਇਕ ਬਾਲਟੀ ਪਾਣੀ ਮਿਲਾਇਆ ਗਿਆ ਅਤੇ ਉਸ ਨੂੰ 85 ਬੱਚਿਆਂ ਵਿਚ ਵੰਡਿਆ ਗਿਆ। ਬਾਅਦ ਵਿਚ ਜਦੋਂ ਅਧਿਕਾਰੀਆਂ ਤਕ ਸੂਚਨਾ ਪਹੁੰਚੀ ਤਾਂ ਦੁਬਾਰਾ ਬੱਚਿਆਂ ਨੂੰ ਦੁੱਧ ਵੰਡਿਆ ਗਿਆ।
ਏਬੀਐਸਏ ਨੇ ਪ੍ਰਾਇਮਰੀ ਸਕੂਲ ਸਲਈਬਨਵਾ ਪਹੁੰਚ ਕੇ ਅਪਰਾਧੀ ਅਧਿਆਪਕ ਨੂੰ ਕਾਰਜ ਮੁਕਤ ਕਰ ਦਿੱਤਾ। ਦੁੱਧ ਵਿਚ ਪਾਣੀ ਮਿਲਾਉਂਦੇ ਦੀ ਇਕ ਵੀਡੀਉ ਵੀ ਸਾਮਹਣੇ ਆਈ ਹੈ ਜਿਸ ਨਾਲ ਸਿੱਖਿਆ ਵਿਭਾਗ ਵਿਚ ਤਰਥੱਲੀ ਮਚ ਗਈ ਹੈ। ਸੋਨਭਦਰ ਦੇ ਚੋਪਨ ਬਲਾਕ ਦੇ ਸਲਈਬਨਵਾ ਪ੍ਰਾਇਮਰੀ ਸਕੂਲ ਵਿਚ ਬੁੱਧਵਾਰ ਨੂੰ ਮਿਡ-ਡੇ-ਮੀਲ ਦੇ ਮੈਨਿਊ ਅਨੁਸਾਰ ਦੁੱਧ ਦਿੰਦੇ ਸਮੇਂ ਇਕ ਬਾਲਟੀ ਪਾਣੀ ਵਿਚ 1 ਲੀਟਰ ਦੁੱਧ ਮਿਲਾ ਕੇ ਗਰਮ ਕੀਤਾ ਗਿਆ ਅਤੇ ਉਸ ਨੂੰ ਬੱਚਿਆਂ ਵਿਚ ਵੰਡਿਆ ਗਿਆ।
ਸਕੂਲ ਦੀ ਰਸੋਈਆ ਫੂਲਵੰਤੀ ਨੇ ਦਸਿਆ ਕਿ ਉਸ ਨੂੰ ਇਕ ਹੀ ਲੀਟਰ ਦੁੱਧ ਉਪਲੱਬਧ ਕਰਵਾਇਆ ਗਿਆ ਸੀ ਅਤੇ ਉਸ ਨੇ 1 ਲੀਟਰ ਦੁੱਧ ਵਿਚ ਇਕ ਬਾਲਟੀ ਪਾਣੀ ਮਿਲਾ ਕੇ ਬੱਚਿਆਂ ਨੂੰ ਦੇ ਦਿੱਤਾ। ਉੱਥੇ ਹੀ ਦੂਜੇ ਪਾਸੇ ਮੌਕੇ ਤੇ ਜਾਂਚ ਵਿਚ ਪਹੁੰਚੇ ਏਬੀਐਸਏ ਮੁਕੇਸ਼ ਕੁਮਾਰ ਨੇ ਦਸਿਆ ਕਿ ਪਹਿਲੀ ਨਜ਼ਰ ਵਿਚ ਤਾਂ ਗਲਤੀ ਅਧਿਆਪਕ ਦੀ ਲਗਦੀ ਹੈ ਅਤੇ ਉਸ ਨੂੰ ਕਾਰਜ ਮੁਕਤ ਕਰ ਦਿੱਤਾ ਗਿਆ ਹੈ। ਹਾਲਾਂਕਿ ਬਾਅਦ ਵਿਚ ਭੁੱਲ ਸੁਧਾਰ ਕਰਦੇ ਹੋਏ ਬੱਚਿਆਂ ਦੁਬਾਰਾ ਦੁੱਧ ਵੀ ਵੰਡਿਆ ਗਿਆ ਸੀ।
ਵੀਡੀਉ ਬਣਾਉਣ ਵਾਲੇ ਵਿਅਕਤੀ ਰਾਜਵੰਸ਼ ਚੌਬੇ ਨੇ ਦਸਿਆ ਕਿ ਜਦੋਂ ਉਹ ਮੌਕੇ ਤੇ ਗਏ ਤਾਂ ਉਹਨਾਂ ਨੇ ਪਾਣੀ ਮਿਲਾਉਂਦੇ ਹੋਏ ਖੁਦ ਅਪਣੀਆਂ ਅੱਖਾਂ ਨਾਲ ਦੇਖਿਆ ਸੀ। ਪੁੱਛਣ ਤੇ ਦਸਿਆ ਗਿਆ ਕਿ ਉਹ ਤਾਂ ਰਸੋਈਆ ਹੈ। ਉਸ ਨੂੰ ਜਿੰਨਾ ਰਾਸ਼ਨ ਦਿੱਤਾ ਜਾਂਦਾ ਹੈ ਉਹ ਬੱਚਿਆਂ ਵਿਚ ਵੰਡ ਦਿੰਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।