ਬਿਆਨਾਂ ਦੇ ਅਧਾਰ ‘ਤੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ

ਜਲੰਧਰ: ਜਲੰਧਰ ਦੇ ਇਲਾਕੇ ਦੇ ਟੈਗੋਰ ਐਵੀਨਿਊ ਵਿੱਚ ਤਕਰਾਰ ਇੰਨਾ ਵੱਧ ਗਿਆ ਕਿ 2 ਭਰਾਵਾਂ ਨੇ ਆਪਣੇ ਹੀ ਸਕੇ ਭਰਾ ਨੂੰ ਅੱਗ ਲਗਾ ਦਿੱਤੀ । ਜਾਣਕਾਰੀ ਅਨੁਸਾਰ ਜ਼ਖਮੀ ਰਾਜੇਸ਼, ਜੋ ਕਿ ਨੌਕਰੀ ਦੇ ਨਾਲ ਨਾਲ ਬੱਚਿਆਂ ਨੂੰ ਪੜ੍ਹਾਉਣ ਦਾ ਕੰਮ ਵੀ ਕਰਦਾ ਹੈ, ਨੇ ਦੱਸਿਆ ਕਿ ਉਸਦਾ ਲੰਬੇ ਸਮੇਂ ਤੋਂ ਆਪਣੇ ਭਰਾਵਾਂ ਨਾਲ ਝਗੜਾ ਚਲ ਰਿਹਾ ਸੀ ਅਤੇ

ਅੱਜ ਉਹ ਉਸਨੂੰ ਲਗਾਤਾਰ ਆਪਣੇ ਘਰ ਬੁਲਾ ਰਹੇ ਸੀ ।

Crime

ਜਦੋਂ ਉਹ ਦੇਰ ਸ਼ਾਮ ਘਰ ਪਹੁੰਚਿਆ ਤਾਂ ਉਸਦੇ ਦੋਵਾਂ ਭਰਾਵਾਂ ਅਤੇ ਭਾਬੀ ਨੇ ਉਸ ਉੱਤੇ ਤੇਲ ਪਾ ਕੇ ਉਸ ਨੂੰ ਅੱਗ ਲਾ ਦਿੱਤੀ । ਦੂਜੇ ਪਾਸੇ ਰਾਜੇਸ਼ ਦਾ ਭਰਾ ਅਤੇ ਭਾਬੀ ਨੇ ਆਪਣੇ 'ਤੇ ਲਗਾਏ ਗਏ ਦੋਸ਼ਾਂ ਨੂੰ ਬੇਬੁਨਿਆਦ ਕਰਾਰ ਦੇ ਰਹੇ ਹਨ । ਜਦਕਿ ਜ਼ਖਮੀ ਰਾਜੇਸ਼ ਜੋ ਕਿ ਜ਼ਖਮੀ ਹਾਲਤ ਵਿਚ ਸਿੱਧਾ ਆਪਣੇ ਭਰਾ ਅਤੇ ਭਾਬੀ ਦਾ ਨਾਮ ਲੈ ਰਿਹਾ ਹੈ । ਉਸੇ ਗੁਆਂਢ ਵਿਚ ਰਹਿਣ ਵਾਲੇ ਸ਼ਿਵ ਸੈਨਾ ਦੇ ਰਾਸ਼ਟਰੀ ਪ੍ਰਧਾਨ ਇਸ਼ਾਂਤ ਸ਼ਰਮਾ ਨੇ ਕਿਹਾ ਕਿ ਰਾਜੇਸ਼ ਉਸ ਦੇ ਗੁਆਂਢ ਵਿਚ ਰਹਿੰਦਾ ਹੈ ਅਤੇ ਬਹੁਤ ਸ਼ਾਂਤ ਵਿਅਕਤੀ ਹੈ ।

Crime

ਇਸ਼ਾਂਤ ਨੇ ਦੱਸਿਆ ਕਿ ਸ਼ਾਮ ਨੂੰ ਉਸ ਨੇ ਵੇਖਿਆ ਕਿ ਰਾਜੇਸ਼ ਅੱਗ ਲੱਗ ਰਿਹਾ ਸੀ ਅਤੇ ਉਹ ਉਸ ਤੋਂ ਭੱਜ ਰਿਹਾ ਸੀ ਅਤੇ ਗਲੀ ਦੇ ਇਕ ਪਲਾਟ ਵਿੱਚ ਡਿੱਗ ਗਿਆ, ਇਥੇ ਸੁੱਕੀ ਘਾਹ ਦੇ ਕਾਰਨ ਅੱਗ ਹੋਰ ਫੈਲ ਗਈ । ਜਿਸ ਕਾਰਨ ਰਾਜੇਸ਼ ਅੱਗ ਵਿੱਚ ਝੂਲਸ ਮਿਲ ਗਿਆ । ਸਥਾਨਕ ਲੋਕਾਂ ਦੀ ਸਹਾਇਤਾ ਨਾਲ ਉਸਨੂੰ ਹਸਪਤਾਲ ਲਿਆਂਦਾ ਗਿਆ। ਥਾਣਾ 5 ਦੇ ਏਐਸਆਈ ਮੋਹਨ ਸਿੰਘ ਨੇ ਦੱਸਿਆ ਕਿ ਜ਼ਖਮੀ ਰਾਜੇਸ਼ ਦੇ ਬਿਆਨ ਬੰਦ ਕਰ ਦਿੱਤੇ ਗਏ ਹਨ, ਜਿਸ ਵਿੱਚ ਰਾਜੇਸ਼ ਨੇ ਦੱਸਿਆ ਕਿ ਕੇਦਾਰਨਾਥ, ਨਰਿੰਦਰ ਕੁਮਾਰ ਅਤੇ ਭਾਬੀ ਨੇ ਉਸਨੂੰ ਅੱਗ ਲਾ ਦਿੱਤੀ ਹੈ। ਹੁਣ ਅਗਲੇਰੀ ਜਾਂਚ ਕੀਤੀ ਜਾ ਰਹੀ ਹੈ ।