ਇੱਥੇ ਦੀ ਸ਼ੂਗਰ ਮਿਲ ਪਨਿਆੜ ਦੇ ਮੌਜੂਦਾ ਚੇਅਰਮੈਨ ਤੇ ਅਕਾਲੀ ਲੀਡਰ ਮਹਿੰਦਰਪਾਲ ਸਿੰਘ ਨੇ ਪਿੰਡ ਕੌਂਟਾ ਦੇ ਛੇ ਸਾਲਾ ਬੱਚੇ ਦੀ ਖੇਤਾਂ ਵਿੱਚ ...
ਗੁਰਦਾਸਪੁਰ: ਇੱਥੇ ਦੀ ਸ਼ੂਗਰ ਮਿਲ ਪਨਿਆੜ ਦੇ ਮੌਜੂਦਾ ਚੇਅਰਮੈਨ ਤੇ ਅਕਾਲੀ ਲੀਡਰ ਮਹਿੰਦਰਪਾਲ ਸਿੰਘ ਨੇ ਪਿੰਡ ਕੌਂਟਾ ਦੇ ਛੇ ਸਾਲਾ ਬੱਚੇ ਦੀ ਖੇਤਾਂ ਵਿੱਚ ਡੰਡੇ ਨਾਲ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ ਹੈ। ਬੱਚੇ ਦੀ ਗਲਤੀ ਸਿਰਫ ਇੰਨੀ ਸੀ ਕਿ ਉਹ ਚੇਅਨਮੈਨ ਦੇ ਖੇਤਾਂ ਵਿੱਚੋਂ ਜਾ ਰਿਹਾ ਸੀ। ਛੇ ਸਾਲਾ ਪੀੜਿਤ ਅਰਜੁਨ ਨੇ ਦੱਸਿਆ ਕਿ ਉਹ ਚੌਥੀ ਕਲਾਸ ‘ਚ ਪੜ੍ਹਦਾ ਹੈ। ਵੀਰਵਾਰ ਦੁਪਹਿਰ ਨੂੰ ਜਦੋਂ ਉਹ ਆਪਣੀ ਹਵੇਲ਼ੀ ਨੇੜਲੇ ਖੇਤਾਂ ਵਿੱਚੋਂ ਲੰਘ ਰਿਹਾ ਸੀ ਤਾਂ ਖੇਤ ਦੇ ਮਾਲਕ ਮਹਿੰਦਰਪਾਲ ਸਿੰਘ ਕੌਂਟਾ ਨੇ ਉਸ ਨਾਲ ਕੁੱਟਮਾਰ ਕੀਤੀ। ਇਸ ਕੁੱਟਮਾਰ ‘ਚ ਬੱਚੇ ਦੀ ਬਾਂਹ ਟੁੱਟ ਗਈ।
akali leader child beating
ਬੱਚੇ ਦੀਆਂ ਚੀਕਾਂ ਦੀ ਆਵਾਜ਼ ਸੁਣ ਜਦੋਂ ਅਰਜੁਨ ਦੀ ਮਾਂ ਉਸ ਨੂੰ ਬਚਾਉਣ ਆਈ ਤਾਂ ਮਹਿੰਦਰ ਨੇ ਔਰਤ ਦੇ ਵੀ ਥੱਪੜ ਮਾਰ ਦਿੱਤਾ ਤੇ ਉਸ ਨਾਲ ਮਾੜੀ ਭਾਸ਼ਾ ਦਾ ਇਸਤੇਮਾਲ ਕੀਤਾ। ਇਸ ਦੀ ਜਾਣਕਾਰੀ ਪੀੜਿਤਾ ਨੇ ਆਪਣੇ ਪਤੀ ਨੂੰ ਫੋਨ ‘ਤੇ ਦਿੱਤੀ। ਇਸ ਤੋਂ ਬਾਅਦ ਸੰਜੀਵ ਨੇ ਇਸ ਦੀ ਸ਼ਿਕਾਇਤ ਜ਼ਿਲ੍ਹਾ ਕਾਨੂੰਨੀ ਅਥਾਰਿਟੀ ਤੇ ਦੀਨਾਨਗਰ ਥਾਣੇ ‘ਚ ਕੀਤੀ। ਦੀਨਾਨਗਰ ਪੁਲਿਸ ਨੇ ਵੀ ਇਸ ਮਾਮਲੇ ‘ਚ ਪੀੜਤਾ ਦੀ ਸ਼ਿਕਾਇਤ ਦੇ ਆਧਾਰ ‘ਤੇ ਮਹਿੰਦਰਪਾਲ ਖਿਲਾਫ ਮਾਮਲਾ ਦਰਜ ਕਰ ਅੱਗੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮਹਿੰਦਰ ਖਿਲਾਫ ਧਾਰਾ 323 ਤੇ ਜੁਵਿਲਾਈਨ ਜਸਟਿਸ ਐਕਟ-2015 ਤਹਿਤ ਮਾਮਲਾ ਦਰਜ ਹੋਇਆ ਹੈ।
