ਲੜਕਿਆਂ ਅਤੇ ਲੜਕੀਆਂ ਲਈ ਐਡੀਡਾਸ ਐਮ. ਸੀ.ਸੀ. ਰਾਸ਼ਟਰੀ ਜੂਨੀਅਰ ਅੰਡਰ-18 ਕਲੇ...

ਚੇਨਈ: ਲੜਕਿਆਂ ਅਤੇ ਲੜਕੀਆਂ ਲਈ ਐਡੀਡਾਸ ਐਮ. ਸੀ.ਸੀ. ਰਾਸ਼ਟਰੀ ਜੂਨੀਅਰ ਅੰਡਰ-18 ਕਲੇ ਟੈਨਿਸ ਚੈਂਪੀਅਨਸ਼ਿਪ ਦਾ ਆਯੋਜਨ 12 ਤੋਂ 17 ਅਗੱਸਤ ਤਕ ਕੀਤਾ ਜਾਵੇਗਾ। ਆਯੋਜਕਾਂ ਨੇ ਕਿਹਾ ਕਿ ਇਸ ਟੂਰਨਾਮੈਂਟ ਵਿਚ ਚੋਟੀ ਦੇ ਹੁਨਰਮੰਦ ਨੌਜਵਾਨ ਸ਼ਾਮਲ ਹੋਣਗੇ। ਲੜਕਿਆਂ ਦੇ ਵਰਗ ਵਿਚ ਹਰਿਆਣਾ ਦੇ ਅਜੇ ਮਲਿਕ ਅਤੇ ਸ਼ੁਸ਼ਾਂਤ ਡਾਬਰ, ਕਬੀਰ ਹੰਸ ਅਤੇ ਚੰਡੀਗੜ੍ਹ ਦੇ ਕ੍ਰਿਸ਼ਣ ਹੁੱਡਾ ਹਿੱਸਾ ਲੈਣਗੇ। ਵੀ. ਐਮ. ਸੰਦੀਪ, ਐਸ ਬੂਪਤੀ, ਰਾਜੇਸ਼ ਕਨਨ ਆਰ. ਐਸ. ਅਤੇ ਸ਼੍ਰੀ ਪੋਵੰਥਨ ਵੀ ਇਸ ਟੂਰਨਾਮੈਂਟ ਵਿਚ ਸ਼ਾਮਲ ਹਨ।

Tennis 

 ਤਾਮਿਲਨਾਡੂ ਟੈਨਿਸ ਸੰਘ ਦੇ ਪ੍ਰਧਾਨ ਵਿਜੇ ਅਮ੍ਰਿਤਰਾਜ ਨੇ ਕਿਹਾ ਕਿ ਜੂਨੀਅਰ ਖਿਡਾਰੀਆਂ 'ਤੇ ਧਿਆਨ ਦੇਣ ਦਾ ਸਮਾਂ ਹੈ ਅਤੇ ਉਸ ਨੇ ਉਮੀਦ ਜਤਾਈ ਕਿ ਇਸ ਵਿਚੋਂ ਕੋਈ ਖਿਡਾਰੀ ਭਾਰਤ ਲਈ ਰੈਗੁਲਰ ਤੌਰ 'ਤੇ ਗ੍ਰੈਂਡਸਲੈਮ ਟੂਰਨਾਮੈਂਟ ਖੇਡੇਗਾ। ਕੁਲ 240 ਦਾਖ਼ਲੇ ਮਿਲੇ ਹਨ ਜਿਨ੍ਹਾਂ ਵਿਚੋਂ 120 ਲੜਕਿਆਂ ਅਤੇ 88 ਲੜਕੀਆਂ ਦੇ ਵਰਗ ਦੇ ਹਨ। ਜੇਤੂ ਨੂੰ ਐਡੀਡਾਸ ਵੱਲੋਂ 1 ਲੱਖ ਰੁਪਏ ਦੀ ਸਪਾਂਸਰਸ਼ਿਪ ਮਿਲੇਗੀ। (ਪੀਟੀਆਈ)