ਫਰਾਂਸ ਦੇ ਇਕ ਤੈਰਾਕ ਨੇ ਨਵਾਂ ਰਿਕਾਰਡ ਕਾਇਮ ਕਰਨ ਲਈ ਪੁਲਾਂਘ ਪੁੱਟ ਦਿਤੀ ਹੈ।
ਫਰਾਂਸ ਦੇ ਇਕ ਤੈਰਾਕ ਨੇ ਨਵਾਂ ਰਿਕਾਰਡ ਕਾਇਮ ਕਰਨ ਲਈ ਪੁਲਾਂਘ ਪੁੱਟ ਦਿਤੀ ਹੈ। 51 ਸਾਲਾ ਬੈੱਨ ਲਕੋਮਟੇ ਨੇ ਪ੍ਰਸ਼ਾਂਤ ਮਹਾਂਸਾਗਰ ਪਾਰ ਕਰਨ ਲਈ ਜਪਾਨ ਤੋਂ ਤੈਰਨਾ ਸ਼ੁਰੂ ਕਰ ਦਿਤਾ ਹੈ। ਉਹ ਅਮਰੀਕੀ ਪੱਛਮੀ ਕੰਢੇ 'ਤੇ ਪਹੁੰਚਣ ਲਈ ਰੋਜ਼ਾਨਾ 8 ਘੰਟੇ ਤੈਰਨਗੇ ਅਤੇ ਇਹ ਸਫ਼ਰ ਇਸੇ ਤਰ੍ਹਾਂ 6 ਮਹੀਨੇ ਤਕ ਚਲਦਾ ਰਹੇਗਾ। ਭਾਵੇਂ ਉਸ ਦੇ ਨਾਲ ਸੁਰੱਖਿਆ ਪੰਕਤੀ ਵੀ ਰਹੇਗੀ ਪਰ ਫਿਰ ਵੀ ਉਸ ਨੂੰ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਅਮਰੀਕਾ ਦੇ ਰਹਿਣ ਵਾਲੇ ਲਕੋਮਟੇ ਰੋਜ਼ਾਨਾ ਕਈ ਘੰਟੇ ਖੁਲ੍ਹੇ ਪਾਣੀ ਵਿੱਚ ਤੈਰਨ ਦੀ ਤਿਆਰੀ ਕਰ ਰਹੇ ਹਨ।
ਉਨ੍ਹਾਂ ਏਐੱਫ਼ਪੀ ਖ਼ਬਰ ਏਜੰਸੀ ਨੂੰ ਦੱਸਿਆ, ''ਸਰੀਰਕ ਨਾਲੋਂ ਮਾਨਸਿਕ ਤੰਦਰੁਸਤੀ ਵਧੇਰੇ ਔਖੀ ਹੈ। ਤੁਹਾਨੂੰ ਹਮੇਸ਼ਾਂ ਇਹ ਸਮਝਣਾ ਪਏਗਾ ਕਿ ਤੁਸੀਂ ਹਮੇਸ਼ਾਂ ਕੁਝ ਸਕਾਰਾਤਮਕ ਸੋਚੋ।''
1998 ਵਿਚ ਉਹ ਪਹਿਲੇ ਸ਼ਖ਼ਸ ਸਨ ਜਿਨ੍ਹਾਂ ਨੇ 6400 ਕਿਲੋਮੀਟਰ ਦਾ ਅਟਲਾਂਟਿਕ ਦਾ ਸਫ਼ਰ 73 ਦਿਨਾਂ ਵਿੱਚ ਪੂਰਾ ਕੀਤਾ ਸੀ।
ਕੀ ਰਹੇਗੀ ਰੁਟੀਨ
ਇਸ ਸਫ਼ਰ ਦੌਰਾਨ ਲਕੋਮਟੇ ਹਰ ਰੋਜ਼ ਉਹ 8 ਘੰਟੇ ਤਕ ਤੈਰਨਗੇ, ਮਦਦ ਲਈ ਬਣੀ ਕਿਸ਼ਤੀ 'ਤੇ ਹੀ ਖਾਣਗੇ ਅਤੇ ਸੌਣਗੇ ਅਤੇ ਫਿਰ ਤੈਰਨਗੇ।
ਐਨਰਜੀ ਲਈ ਈ ਉਨ੍ਹਾਂ ਦਾ ਰੋਜ਼ਾਨਾ 8000 ਕੈਲੋਰੀਜ਼ ਖਾਣ ਦਾ ਟੀਚਾ ਹੈ।
ਹੁਣ ਦੇਖਣਾ ਹੋਵੇਗਾ ਕਿ ਇਹ ਜਾਂਬਾਜ਼ ਕਿਸ ਤਰ੍ਹਾਂ ਇਹ ਜੋਖ਼ਮ ਭਰਿਆ ਰਸਤਾ ਤੈਅ ਕਰਦਾ ਹੈ।