ਇਸ ਧਾਕੜ ਖਿਡਾਰੀ ਨੂੰ ਟੀਮ 'ਚ ਸ਼ਾਮਲ ਕੀਤਾ
ਲੰਦਨ : ਇੰਗਲੈਂਡ ਨੇ ਵਿਸ਼ਵ ਕੱਪ 2019 ਲਈ ਆਪਣੀ ਫ਼ਾਈਨਲ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਟੀਮ ਨੇ ਡੇਵਿਡ ਵਿਲੀ ਅਤੇ ਜੋਏ ਡੇਨਲੀ ਦੀ ਥਾਂ ਲਿਓਮ ਡਾਵਸਨ ਅਤੇ ਆਲ ਰਾਊਂਡਰ ਜੋਫ਼ਰਾ ਆਰਚਰ ਨੂੰ ਮੌਕਾ ਦਿੱਤਾ ਹੈ। ਟੀਮ ਦੀ ਕਪਤਾਨੀ ਇਓਨ ਮੋਰਗਨ ਕਰਨਗੇ। ਇੰਗਲੈਂਡ ਦੇ ਮੁੱਖ ਚੋਣ ਕਰਤਾ ਏਡ ਸਮਿਥ ਨੇ ਇਤਿਹਾਸਕ ਲਾਰਡਸ ਦੇ ਮੈਦਾਨ 'ਤੇ ਇਸ ਬਾਰੇ ਐਲਾਨ ਕੀਤਾ।
England team
ਅਜਿਹਾ ਪਹਿਲੀ ਵਾਰ ਹੋ ਰਿਹਾ ਹੈ ਜਦੋਂ ਇੰਗਲੈਂਡ ਨੇ ਵਿਸ਼ਵ ਕੱਪ ਟੀਮ 'ਚ ਵੈਸਟਇੰਡੀਜ਼ 'ਚ ਜਨਮੇ ਕਿਸੇ ਖਿਡਾਰੀ ਨੂੰ ਸ਼ਾਮਲ ਕੀਤਾ ਹੋਵੇ। ਜੋਫ਼ਰਾ ਆਰਚਰ ਇੰਗਲੈਂਡ ਵੱਲੋਂ 4 ਮੁਕਾਬਲੇ ਖੇਡ ਚੁੱਕੇ ਹਨ। ਇਸ ਦੌਰਾਨ 3 ਇਕ ਰੋਜ਼ਾ ਮੈਚਾਂ 'ਚ ਉਨ੍ਹਾਂ ਨੇ 3 ਅਤੇ ਇਕ ਟੀ20 ਮੈਚ 'ਚ 2 ਵਿਕਟਾਂ ਲਈਆਂ ਹਨ। ਆਈਪੀਐਲ ਮੈਚਾਂ ਦੀ ਗੱਲ ਕਰੀਏ ਤਾਂ ਆਰਚਰ ਨੇ ਇਸ ਵਾਰ ਕੁਲ 26 ਵਿਕਟਾਂ ਲਈਆਂ ਸਨ।
Jofra Archer
ਇਸ ਦੀ ਘੱਟ ਸੰਭਾਵਾਨ ਹੈ ਕਿ ਲਿਓਮ ਡਾਵਸਨ ਨੂੰ ਅੰਤਮ 11 'ਚ ਥਾਂ ਮਿਲੇ। ਜਦਕਿ ਲਗਾਤਾਰ 90mph ਦੀ ਰਫ਼ਤਾਰ ਨਾਲ ਗੇਂਦਬਾਜ਼ੀ ਕਰਨ ਵਾਲੇ ਆਰਚਰ ਯਕੀਨੀ ਤੌਰ 'ਤੇ ਟੀਮ 'ਚ ਸ਼ਾਮਲ ਰਹਿਣਗੇ। ਜ਼ਿਕਰਯੋਗ ਹੈ ਕਿ ਆਈਸੀਸੀ ਨੇ 23 ਮਈ ਤਕ ਸਾਰੇ ਦੇਸ਼ਾਂ ਨੂੰ ਆਪਣੀ ਅੰਤਮ-15 ਮੈਂਬਰੀ ਟੀਮ ਦਾ ਐਲਾਨ ਕਰਨ ਦੀ ਹਦਾਇਤ ਦਿੱਤੀ ਹੈ।
England team
ਇੰਗਲੈਂਡ ਦੀ ਵਿਸ਼ਵ ਕੱਪ ਲਈ ਟੀਮ :
ਇਯੋਨ ਮੋਰਗਨ (ਕਪਤਾਨ), ਮੋਈਨ ਅਲੀ, ਜੋਨੀ ਬੇਅਰਸਟੋ, ਜੋਸ ਬਟਲਰ, ਟਾਮ ਕਰੇਨ, ਲਿਆਮ ਪਲੰਕੇਟ, ਆਦਿਲ ਰਾਸ਼ਿਦ, ਜੋ ਰੂਟ, ਜੇਸਨ ਰਾਏ, ਬੈਨ ਸਟੋਕਸ, ਕ੍ਰਿਸ ਵੋਕਸ, ਜੋਫ਼ਰਾ ਆਰਚਰ, ਲਿਓਮ ਡਾਵਸਨ, ਜੇਮਸ ਵਿੰਸ ਅਤੇ ਮਾਕਰ ਵੁਡ।
