Advertisement
  ਖ਼ਬਰਾਂ   ਕੌਮਾਂਤਰੀ  12 Feb 2020  ਵੁਹਾਨ 'ਚ ਕੋਰੋਨਾ ਵਾਇਰਸ ਦਾ ਇਲਾਜ ਕਰ ਰਹੇ ਡਾਕਟਰਾਂ ਕੋਲ ਹੀ ਨਹੀਂ ਹੈ ਮਾਸਕ, ਸੁਰੱਖਿਆ ਸੂਟ!

ਵੁਹਾਨ 'ਚ ਕੋਰੋਨਾ ਵਾਇਰਸ ਦਾ ਇਲਾਜ ਕਰ ਰਹੇ ਡਾਕਟਰਾਂ ਕੋਲ ਹੀ ਨਹੀਂ ਹੈ ਮਾਸਕ, ਸੁਰੱਖਿਆ ਸੂਟ!

ਏਜੰਸੀ
Published Feb 12, 2020, 8:45 pm IST
Updated Feb 12, 2020, 8:45 pm IST
ਸੁਰੱਖਿਆ ਸੂਟਾਂ ਦੇ ਲੰਬੇ ਸਮੇਂ ਤਕ ਇਸਤੇਮਾਲ ਦੇ ਲਈ ਡਾਕਟਰਾਂ ਨਾ ਪਾਏ ਡਾਇਪਰ
file photo
 file photo

ਬੀਜਿੰਗ : ਚੀਨ ਵਿਚ ਮਹਾਮਾਰੀ ਦਾ ਰੂਪ ਲੈ ਚੁੱਕੇ ਕੋਰੋਨਾ ਵਾਇਰਸ ਨਾਲ ਨਿਪਟਣ ਦੇ ਲਈ ਬੇਹੱਦ ਚੁਣੌਤੀਪੂਰਨ ਹੁੰਦਾ ਜਾ ਰਿਹਾ ਹੈ ਕਿਉਂਕਿ ਇਸ ਵਾਇਰਸ ਦਾ ਮੁਕਾਬਲਾ ਕਰਨ ਵਾਲੇ ਮੈਡੀਕਲ ਮਾਹਰਾਂ ਕੋਲ ਹੀ ਮਾਸਕ ਤੇ ਸੁਰੱਖਿਆ ਦੇ ਹੋਰ ਸਾਜ਼ੋ-ਸਾਮਾਨ ਦੀ ਭਿਆਨਕ ਕਿੱਲਤ ਹੈ। ਵੁਹਾਨ ਵਿਚ ਕੋਰੋਨਾ ਵਾਇਰਸ ਦੇ ਮਾਮਲੇ ਇਸ ਤਰ੍ਹਾਂ ਤੇਜ਼ੀ ਨਾਲ ਵਧਦੇ ਜਾ ਰਹੇ ਹਨ ਕਿ ਹਰ ਹਫ਼ਤੇ ਹਜ਼ਾਰਾਂ ਲੋਕ ਇਸ ਨਾਲ ਪੀੜਤ ਹੋ ਰਹੇ ਹਨ।

PhotoPhoto

ਇੰਨੀਂ ਵੱਡੀ ਗਿਣਤੀ ਵਿਚ ਮਰੀਜ਼ਾਂ ਦੀ ਜਾਂਚ ਤੇ ਉਹਨਾਂ ਦਾ ਇਲਾਜ ਕਰਨ ਵਾਲੇ ਕਰਮਚਾਰੀਆਂ ਦੀ ਗਿਣਤੀ ਵੀ ਘੱਟ ਹੈ। ਦਿਨ ਰਾਤ ਕੰਮ ਕਰ ਰਹੇ ਡਾਕਟਰ ਥੱਕੇ ਹੋਏ ਹਨ। ਹਾਲਾਤ ਇਹ ਹਨ ਕਿ ਕਈ ਡਾਕਟਰ ਤਾਂ ਬਿਨਾਂ ਸਹੀ ਮਾਸਕ ਤੇ ਸੁਰੱਖਿਆ ਸੂਟ ਦੇ ਹੀ ਮਰੀਜ਼ਾਂ ਦੀ ਦੇਖਭਾਲ ਕਰ ਰਹੇ ਹਨ। ਇਕ ਸਿਹਤ ਅਧਿਕਾਰੀ ਨੇ ਦਸਿਆ ਕਿ ਕੁਝ ਨੇ ਤਾਂ ਡਾਇਪਰ ਪਾਏ ਹੋਏ ਹਨ ਤਾਂਕਿ ਸੁਰੱਖਿਆ ਸੂਟਾਂ ਨੂੰ ਲਾਹੁਣਾ ਨਾ ਪਵੇ ਤੇ ਇਹਨਾਂ ਦਾ ਲੰਬੇ ਸਮੇਂ ਤਕ ਇਸਤੇਮਾਲ ਕੀਤਾ ਜਾ ਸਕੇ।

PhotoPhoto

ਵੁਹਾਨ ਦੇ ਇਕ ਕਲੀਨਿਕ ਦੇ ਕਰਮਚਾਰੀ ਨੇ ਦਸਿਆ ਕਿ ਉਹਨਾਂ ਤੇ ਹੋਰ 16 ਸਹਿਯੋਗੀਆਂ ਵਿਚ ਕੋਰੋਨਾ ਵਾਇਰਸ ਦੇ ਲੱਛਣ ਹਨ। ਇਹਨਾਂ ਵਿਚ ਫੇਫੜੇ ਦਾ ਇਨਫੈਕਸ਼ਨ ਤੇ ਖੰਘ ਸ਼ਾਮਲ ਹੈ। ਉਹਨਾਂ ਨੇ ਨਾਮ ਜ਼ਾਹਿਰ ਨਾ ਹੋਣ ਦੀ ਸ਼ਰਤ 'ਤੇ ਦਸਿਆ ਕਿ ਇਕ ਮੈਡੀਕਲ ਕਰਮਚਾਰੀ ਹੋਣ ਦੇ ਨਾਤੇ ਅਸੀਂ ਇਨਫੈਕਸ਼ਨ ਦਾ ਸਰੋਤ ਬਣ ਕੇ ਕੰਮ ਨਹੀਂ ਕਰਨਾ ਚਾਹੁੰਦੇ ਪਰ ਇਥੇ ਸਾਡੀ ਥਾਂ ਲੈਣ ਵਾਲਾ ਕੋਈ ਨਹੀਂ ਹੈ। ਉਹਨਾਂ ਨੇ ਕਿਹਾ ਕਿ ਸਾਡੇ ਤੋਂ ਉਮੀਦ ਕੀਤੀ ਜਾਂਦੀ ਹੈ ਕਿ ਸਾਰੇ ਮੈਡੀਕਲ ਕਰਮਚਾਰੀ ਕੰਮ ਕਰਦੇ ਰਹਿਣਗੇ।

PhotoPhoto

ਪਿਛਲੇ ਸ਼ੁਕਰਵਾਰ ਨੂੰ ਵੁਹਾਨ ਸ਼ਹਿਰ ਦੇ ਉਪ ਮੇਅਰ ਨੇ ਕਿਹਾ ਸੀ ਕਿ ਸ਼ਹਿਰ ਵਿਚ ਰੋਜ਼ਾਨਾ 56 ਹਜ਼ਾਰ ਐਨ95 ਮਾਸਕ ਅਤੇ 41 ਹਜ਼ਾਰ ਸੁਰੱਖਿਆ ਸੂਟਾਂ ਦੀ ਕਿੱਲਤ ਹੈ। ਚੀਨ ਦੀ ਰਾਸ਼ਟਰੀ ਸਿਹਤ ਵਿਭਾਗ ਦੇ ਇਕ ਸੀਨੀਅਰ ਅਧਿਕਾਰੀ ਜਿਆਓ ਯਾਹੁਈ ਨੇ ਕਿਹਾ, ''ਸੁਰੱਖਿਆ ਸੂਟ ਪਾਉਣ ਵਾਲੇ ਡਾਕਟਰ ''ਡਾਇਪਰ ਪਾਉਣ, ਘੱਟ ਪਾਣੀ ਪੀਣ ਅਤੇ ਬਾਥਰੂਮ ਦਾ ਇਸਤੇਮਾਲ ਘੱਟ ਕਰਨ।''

PhotoPhoto

ਉਨ੍ਹਾਂ ਕਿਹਾ ਸੁਰੱਖਿਆ ਸੂਟ 6 ਤੋਂ 9 ਘੰਟੇ ਤਕ ਪਾਉਣਗੇ। ਜਦਕਿ ਮਰੀਜ਼ਾਂ ਦੇ ਵੱਖਰੇ ਵਾਰਡ ਵਿਚ ਵੀ ਇਨ੍ਹਾਂ ਨੂੰ ਚਾਰ ਘੰਟੇ ਦੇ ਬਾਅਦ ਬਦਲਨਾ ਹੁੰਦਾ ਹੈ। ਹਾਲਾਤ ਇਹ ਹਨ ਕਿ ਡਾਕਟਰ ਪੰਜ-ਪੰਜ ਦਿਨ ਇਕ ਹੀ ਸੂਟ ਪਾ ਰਹੇ ਹਨ।

Location: China, Zhejiang, Zhoushan
Advertisement
Advertisement

 

Advertisement
Advertisement